قالو عرب ورجعو قالو ناس ملثمين
ولو حتى لابسين نقاب هما يعرفو مين دول ولا منين
اصل الى حيعمل كده مش حيلبس بدله ميرى
عرض للطباعة
وادى الخطة موثقة وصادرة من مكتب الوزير
اى خدمة
http://center.jeddahbikers.com/uploa...2968796201.jpg
http://center.jeddahbikers.com/uploa...2968796202.jpg
يعني هو عناد وخلاص
نقول تور تقولوا احلبوه
الراجل بيقولك اللى هو شافه بعينه تكدبه وتصدق فيديو مجهول
وبعدين لما تبقي 40 عربية او اكتر وكلهم مسلحين ومعاهم لودر يهدموا بيه البوابة الخارجية وحراسة السجن ليس معها التسليح الكافي يبقي ايه المطلوب منهم يقفوا من غير ذخيرة علشان يتقتلوا والناس تتبسط
ومين اللى قالك ان شرطة المطار انسحبت الكلام ده محصلش نهائي امال الجوازات كانت بتتختم ازاي والناس اللى سافروا يوم الجمعة والسبت ومحدش منهم قالي المعلومة دي كانوا مسافرين منين ؟ من مطار بنها
لو حبيب العادلى نفسه طلع قال كدة بنفسه, هتلاقى واحد يقولك الفيديو متفبرك, و واحد تانى يقولك مكنش قصده , واحد تالت يقولك قناة الجزيرة أجبرته يقول كدة !
والله يادكتور محمد
معلومة شرطة المطار دي ..واخدها من بق واحد صاحبي هناك مأمور جمارك
وقالي العساكر إلي كانوا واقفين على مداخل المطار المطار ..بتوع تأمين المكان مشيوا
====================================
أنا قابلت أمين شرطة أعرفه
سألته إنتوا مشيتوا مرة واحدة كلكم ليه؟؟
قالي : فجأة مالقناش القيادة بتاعتنا ..ولو تشوف تعبيرات وشه وهوا بيتكلم..تعرف إنه كان بيتكلم وهوا بيكدب
ومعلومة تانية عرفتها من واحد مقبوض عليه في قضية اتجار بانجو..معروف جدا في البلد إلي أنا فاتح فيها
الراجل ده كان فاضل له 3 شهور ويطلع
كان عندي في الصيدلية اول أمبارح بياخد علاج لبنته
سألته إنت هربت ليه
قالي الأتي: والله يادكتور أنا كان فاضلي 3 شهور ..ههرب ليه؟؟
قولتله:طيب مافضلتش ليه مكانك؟
قالي نصاََ:الظباط فتحوا الزنازين ..وقالولنا إطلعواااا ..وإلي مش هيطلع هنضربه بالنار
وكمل وقال: مساجين كتير كانت مدتهم فاضل فيها شهور ...وكانوا عاوزين يفضلوا ..بس خرجوا لما الظباط بدأو يضربوا نار على إلي كانوا عاوزين يقعدوا
والمسجون ده سلم نفسه اامبارح للجيش
بالظبط يا احمد عشان التمثليه تكمل والطبخه تتاكل لازم كل شيئ يتعمل زى ما الكتاب بيقول
يهيئو المساجين على الى هما عاوزينه
يفضو السجن من الظباط والناس الى تهمهم بحجه انهم تراجعو او طلبوهم لاداره الازمه
يبعتو كام واحد من الملثمين (كما قالو ) ويكسرو السجن على اساس انهم من البلطجيه او الاخوان
ويدورو الضرب فى العساكر وفيه منهم الى يهرب وفيه منهم الى يموت
وكده المساجين خرجو بشكل لا شك فيه
وكن فيه فديو صغير على الجزيره بيوضح جزء من الكلام ده متصور من فوق سطوح
حد يقنعنى ازاى سجن زى ابو زعبل 2 ولا حتى 50 واحد يدخلو عليه بلودر ويخرجو المساجين
ليه فاكرينا جايين من الهند
وعلى فكره قطاع السجون ملوش دعوه بالمباحث يعنى الى اعرفه مينفعش ياخد ظباط السجون وينزلهم الشارع عشان محدش يقول اصلهم كان فى الشارع
يا جماعه الى شاف السجن وشافه من جوه عامل ازاى هو الى يفهم كلامى وان العمليه مش سهله ان كام واحد يقتحمو السجن
لا وايه مش سجن صغير زى سجن الحضره مثلا لا ده اكبر واشهر سجن فى مصر