فيديو تورط حبيب العادلى

**samo9992003** · 05-02-2011 04:02 AM

YouTube - ‫ط.ظ‚ظٹظ‚ط© ط.ط¨ظٹط¨ ط§ظ„ط¹ط§ط¯ظ„ظ‰ ظˆ ط§ظ„ط¯ط®ظ„ظٹط©‬&lrm;

**A7MED_PHARMA** · 05-02-2011 04:09 AM

الفيديو ده أنا متأكد من صحته 99.9%

ناس من الجيش واقفة ... وطلعوا في الفيديو في الخلفية
والتصوير في الشارع..وقت النهار
يعني مش معمول في بيت ولا مونتاج ولا تمثيل

الناس مش محتاجة دليل على الخيانة العظمي للعادلي

**dr-mohamed** · 05-02-2011 04:56 AM

يا راجل
ايه العلاقة بين العنوان وبين الفيديو

واد مسجون هرب من سجن ابو زعبل وبيتكلم عن الخطة الامنية في الاقسام والسجون كلها

هو ده الدليل على تورط حبيب العادلي ؟
كان نفسي يبقي الدليل اقوي
انما كل مجرم يقول كلمة مفيش اي دليل عليها يبقي دليل ؟
كان زمان المحاكم اعدمت نص المتهمين بالادلة الظرفية

**dr-mohamed** · 05-02-2011 05:28 AM

المشاركة الأصلية كتبت بواسطة أبو عبدالله

يعني المفروض يطلع تفويض رسمي بإمضاء حبيب العدلي نفسه وامضته باينه وياريت لو صورة من بطاقته كمان علشان مش واثق من الأمضاء بتاعه ولو كمان صورته مع العائلة والواد ده متصور معاه في الصورة
انا هتجن من المبررات اللي بتتقال على الفاضي والمليان بجد
ارحمونا بقه يا جدعان شويه

الراجل قال كان فيين ومكانه وشكله معروف دلوقتي
هاتوه بقه علنا وشوفوا الكلام صح ولا لأ
وان كنت اشك ان النظام لن يدين نفسه اكيد

بالراحة عليا يا ابو عبد الله علشان اسباب كتيرة جدا
اما عن الواد المسجون ده فهو مسجون وهربان من السجن وتحت تهديد يعني شهادته لا يؤخذ بها
ثانيا الواد مقالش انهم قالوا له اعمل كذا وكذا او انهم هيخرجوه وراجع الكلام كويس قال فهمنا
ثالثا وهو في سجن ابو زعبل عماليقول وقالوا لهم في قسم كذا وكذا اعملوا كذا ليه ان شاء الله يكونش حبيب العادلي كان مقعده على حجره وهو بيعمل الخطة

اما حكاية البطاقات والكارنيهات فسيبك منها لاني مش بصدفها علشان ادام عيني في شارع القصر العيني واحد دخل اخد الكارنيهات والاوراق من الحزب ولما الناس بتقوله واخدها ليه قال محتاجهم والله اعلم هو تبع مين

كلامي ده مالهوش دعوة بان فيه خيانة في الداخلية او لا ده تعليق على الفيديو ووصفه انه الدليل على تورط العادلي
ولو حضرتك درست قانون هتعرف اللى قلته

**تامر.محمد** · 05-02-2011 05:31 AM

هاقولها تاني
انا قريبي مسكوا بلطجي , و قال لهم انه كان في حبس القسم و الظابط خرجهم و قال لهم اجروا اعملوا اللي انتوا عايزينه البلد مافيهاش حكومة

دكتور احمد سمير اهو مسكوا مخرب و طلع معاون مباحث

صاحبي اللي في الدقي مسكوا واحد بيضرب نار و طلع ظابط امن دولة

الأدلة اكتر من انها تتعد

**A7MED_PHARMA** · 05-02-2011 06:19 AM

المشاركة الأصلية كتبت بواسطة cars sniper

قبل اى شىء موقفى حاليا متجمد -وليس محايد- لان تفكيرى اتشل ومش عارف اتقدم خطوة غير لما احسبها صح وحاليا مش عارف احسبها...بس عموما انا مع الشباب واللى بدأناه لازم نكمله

ندخل فى الموضوع
الفيديو ده مش حقيقى وعلى ضمانتى لان يشاء السميع العليم ان عربية والدى (مو 2008) لاول مرة تعطل وانا كنت بشدها ويشاء السميع العليم ان السلك يتقطع على الطريق الزراعى المؤدى لسجن ابو زعبل فى توقيت هروب المساجين
اللى فتح السجن مش الداخلية دول ناس من برة وفيه افراد من الحراس اتقتلت
ومكانش فيه عربيات للمساجين ولا حاجة...المساجين كانت بتوقف اى عربية وتتشعلق فيها بشكل عشوائى

الواحد ماعدش عارف يصدق مين ويكدب مين...حالة حيرة وتوهان

معلش يامحمود
ومش بكدبك والله ...
عربيتك عطلت وكانت بتتسحب وقت هروب المساجين قدام السجن ..هو إنت شوفت إيه إلي حصل جوه
وبص
هقولك حاجة
تخيل نفسك ظابط قائم بالاعمال في سجن
تمام؟؟؟
تمام
لقيت ناس جاية عاوزة تقتحم السجن .
لو هما ضربوا نار وهما بيقتحموا السجن ...يبقا المفروض الظباط في السجن كانوا هيضربوا نار مباشر على صدور المقتحمين
ومكنش حد هيقدر يدخل السجن
ولوإفترضنا إن الظباط إنسحبوا (زي كل الشرطة مانسحبت..حتى شرطة المطار انسحبت مش عارف ليه)..
فدي خيانة ..أقل ملتوصف به إنها خيانة عظمى
يعني إيه ظابط يهرب .. هوا كان داخل الداخلية علشان يفيم ويركب سارينة ؟؟
ولا علشان يموت في سبيل اداء الواجب زي ظباط الشرطة الي إتعمل العيد علشانهم
كانوا ظباط وعساكر ....ومكنش المهاجمين ناس معاهم أسلحة خفيفة أو حتى نارية
لااا
كانوا ظباط شرطة ... رفضوا تسليم القسم لجيش إحتلال
وماتوا تحت أنقاضه..وماسلموش
ربنا يرحمك يارجولة

-

-

-

-

الموضوع: فيديو تورط حبيب العادلى

LinkBack

أدوات الموضوع

عرض

-

-

-

المواضيع المتشابهه

حبس حبيب العادلى 12 سنة

الجزيرة :تأجيل محاكمة وزير الداخلية السابق حبيب العادلى

كلمه وزير الداخليه حبيب العادلى للشعب المصرى

الكلمات الدلالية لهذا الموضوع

المفضلات

المفضلات

ضوابط المشاركة