الموضوع: ....* نــص الدســـــــــــتور المصـــــــــــــــري ....*

المشاركة الأصلية كتبت بواسطة dr-mohamed

لا يا فندم
الحلين منفصلين
يعني الحل الاول عمل تعديلات حول المواد التهريجية اللى هي 76 و 77 و 88 و ده يستغرق 3 الى 5 شهور ويتم بناء عليه انتخابات رئاسية محترمة
الحل التانى عمل دستور جديد وهايستغرق فترة لا تقل عن 6 شهور
يعني الحل الاول لا يتم بعده عمل دستور جديد فورا لاننا مش حمل مشاكل عمل دستور جديد دلوقت
وبردو التعديلات لازم يعملها الخبراء الكبار المحترمين ومعهم قضاة المحكمة الدستورية العليا وبعض القضاة المحترمين مثل المستشار زكريا عبد العزيز ومنهم من اشرت اليهم مش كل واحد مسك ميكروفون زي اللى اسمه عصام سلطان المحامي

مش فاهمة ؟؟ يعنى حضرتك شايف إن تغيير المواد الثلاثة فقط يكفى و نمشى على هذا الدستور القديم فيما بعد !!!

طيب و فين التغيير فى النظام اللى هو دستور وقوانين و قواعد للدول مش مجرد تغيير اشخاص

و بعدين احنا مش حمل عمل دستور جديد ليه ؟؟

أكم من قانون طوارئ و ضرايب و مرور و اتفاقيات تصدير لمواردنا ....... و هلم جرا اتطبق علينا بموافقة مجلس الموافقة للأسوء

و ناس تغرق و ناس تتحرق و ناس تموت فى المعتقلات و ........ و أخيرا فى الأحداث الأخيرة

لما نحب نغيير للأحسن نبقى مش حمل تغيير !!!

و بعدين 6 شهور ما تفرقش من 5 شهور ، بالعكس من غير لف و دوران و مراوغات هيكون فى مدة أقرب إن شاء الله

المشاركة الأصلية كتبت بواسطة dr-mohamed

يا استاذة زينة
اقري الدستور كويس المشكلة الحقيقية لتحقيق الديمقراطية في هذه المواد الثلاث
اما تغييرالدستور كامل فمشكلة كبيرة جدا وفيه مشاكل هاتتفتح علينا كمجتمع مصري احنا لا نحتملها ومش هفسر اكتر من كدة على العام
وتغيير النظام لا يعني الغاء الدستور والقوانين ابدا ولم تحدث ثورة في التاريخ غيرت كل القوانين
ممكن قوانين تلغي اه زي قانون الطوارئ سيء السمعة وبعض قوانين الضرائب والمرور وعقد تصدير الغاز للكيان الصهيوني وغيره من القوانين التفصيل لكن الغي جميع القوانين مستحيل
وصدقيني تغير بعض المواد افضل من تغيير الدستور كله لان فيه مشاكل كتيرة منها مادة معينة ممكن تقلب البلد حرب داخلية

طبعا يا دكتور ما ينفعش نغير كل القوانين لأننا كدا هنحتاج 100 سنة و ما حدش بيعمل كدا فى العالم

و أفهم كلامك جيدا عن الدستور و المواد اللى عجباك فيه أساسا كثير منها لم يكن يطبق و لا يحترم

لكنى أرى أن يتم مراجعته من قبل الخبراء و تصحيح أكبر قدر منه و إعادة الصياغة إن لزم الأمر لتحقيق الاتساق العام

و التوافق مع متطلبات التطور

مع احترام الغالبية العظمى لمواطنى الدولة كما يحدث فى دستور أى دولة فى أوربا أو أمريكا عندما تشترط ديانة محددة للرئيس مثلا

و ربنا يقدم اللى فيه الخير