الفريق أحمد شفيق و الموتوسيكل

**human** · 05-02-2011 12:42 PM

ببساطه اللى انت بتقوله ان كل ما الوضع يستمر و دوله كامله بتمارس الصار على شعبها و تعند مع مطالب ابناءها بيرتفع سقف المطالبات وده طبيعى

يوم التلات اللى فات لو كان قال اللى قاله الجمعه مكانش حصل حاجه الجمعه
و هكذا

الفكر الجديد لم يعتذر على ضحايا الشرطه و الناس اللى ماتو نظام لا يحترم ابناء بلده

انا نفسى اسمعه يعتذر على اللى حصل يعتذر ان الامن هرب يعتذر ان الناس ماتت!! ليه مش بيعتذر

**lonedoctor** · 05-02-2011 12:46 PM

الفريق احمد شفيق رجل من الشرفاء والمتحضرين والمشهود لهم بالكفاءة والنزاهة ولم يات مسؤول مثل هذا الرجل فى خلال حكم بسلامته سوى اثنين
كمال الجنزورى
احمد رشدى
شكرا
تقبلوا تحياتى

**MASERATI** · 05-02-2011 12:49 PM

السلام عليكم و رحمة الله و بركاته

أنا متهيألى أن أحمد شفيق عاوز حاجة واحدة, أن الناس اللى فى ميدان التحرير تمشى, عشان يبدأ يشتغل و يشوف شغله و دى حاجة مانقدرش نلومه عليها لأن الناس هتشتغل ازاى و الدنيا حالها واقف كده بس برضه احنا و كل المصريين اللى فى ميدان التحرير عندنا حق لأننا خايفين يمشوا لحسن الريس يكون بيضحك عليهم و مافيش مطالب تتحقق من الحاجات اللى احنا عاوزينها و ده يبقى أكبر مقلب فى التاريخ المصرى الحديث و بالذات بعد ما الريس خطب خطبة الوداع بتاعته و صحينا الصبح لقينا المرتزقة من بتوع الحزب الوطنى رايحين الميدان عشان يحرروه من الناس اللى هناك, فالكلام للأسف مابيطابقش الواقع و الأفعال, رغم أنهم عملوا حاجات تبين نية الاصلاح, زى الاجراءات اللى عملوها مع عز و جرانة و العادلى -اللى كان بيقول أن مفيش مسؤول فى الوزارة ارتعش لما كان مفيد فوزى عامل معاه لقاء يوم التلات 25 يناير- و أنا عن نفسى بثق فى كلام أحمد شفيق و لو مش 100 بالمية لكن أنا بقدم حسن النية و فى نفس الوقت أحمد شفيق خايف يعمل أى حاجة عشان يفرق الشباب اللى فى ميدان التحرير, تقوم الناس تقول , أييييييييييييوه, بصوااااااااااا, شوفوا الراجل اللى كان محترم بقى بيعمل ايه .

و ربنا ييسر الأمور و الأحوال ترجع أحسن من الأول .

**lonedoctor** · 05-02-2011 01:03 PM

الرجل بيحاول يصلح ما افسده النظام فى حدود المساحة المسموح له بالتحرك فيها وهو ليس رئيس الجمهورية
اول رئيس وزارة فى تاريخ مصر يصدر اوامر مباشرة لوزير الداخلية بعدم المساس بالمتظاهرين والثقافة الموروثة فى تاريخ مصر وزير الداخلية هو الكل فى الكل ولا يتلقى اوامر الا من الرئيس
اعتذر للناس عما حدث عشية خطاب بسلامته والمذبحة اللى حصلت وعلى فكرة هناك اخبار شبه مؤكدة انه تقدم باستقالته حتى لا يلوث نفسه بهذا الحدث الاجرامى ورفضت لانه استقالته تعنى سقوط النظام من داخله وليس بسبب الثورة
انا متاكد انه قرارات الوقف عن السفر وتجميد الاموال لحبايبنا الحلوين هو السبب الاساسى فيها
الراجل ما كملش الا اسبوع ويحتاج فرصته كاملة
ربنا يصلح الحال

**maka** · 05-02-2011 02:00 PM

المشاركة الأصلية كتبت بواسطة human12

ببساطه اللى انت بتقوله ان كل ما الوضع يستمر و دوله كامله بتمارس الصار على شعبها و تعند مع مطالب ابناءها بيرتفع سقف المطالبات وده طبيعى

يوم التلات اللى فات لو كان قال اللى قاله الجمعه مكانش حصل حاجه الجمعه
و هكذا

الفكر الجديد لم يعتذر على ضحايا الشرطه و الناس اللى ماتو نظام لا يحترم ابناء بلده

انا نفسى اسمعه يعتذر على اللى حصل يعتذر ان الامن هرب يعتذر ان الناس ماتت!! ليه مش بيعتذر

الرئاسة المصرية لا تعى معنى الاعتذار

من امتى كانوا بيعتذروا و يوسوا الناس غير مع البلاد التانية

**amado ibrahim** · 05-02-2011 02:01 PM

لسه الدكتور احمد عكاشة مخلص حوار على دريم من ساعة (كتير اوى ساعة فى السيرك اللى احنا فيه (لحسن يكون حد من حبيبنا الحلوين فقع تصريحين تلاتة وانا مش واخد بالى وخاصة الراجل العجيب اللى انا شاكك فيه و بدورله على شغل يا فالنيل للاخبار او مع الاختين الحلوين فى المحور)

خلاصة كلام عبقرى الطب النفسى و قرأته للشخصيات

الراجل الكبير لا يستطيع التغيير

فالطبع يغلب التطبع
ومن عاش 30 سنة نمرا لا يستطيع ان يتحول لارنب فى 6 شهور

ده خلاصة كلام الدكتور عكاشة

تعليق الفقير لله مسعود على بعض الشبهات (حلوة حكاية الشبهات دى)

شبهة رقم 1
يمكن الراجل عايز يصلح بجد

الرد

1- اللى عايز يصلح كان صلح من زمااااااااااااااااااااااا ااان(30 سنة )
2-

1- اللى عايز يصلح كان صلح من زمااااااااااااااااااااااا اااااان( من يجى 30 سنه)

2-اللى عايز يصلح كان صلح مكنش شال اللى بيصلحو
تفتكرو من اللى شال
احمد رشدى
ابوغزالة
الجنزورى
عمرو موسى (عشان شعبولا و ال سى ان ان ينبسطو)
اسامة الباز

3-اللى عايز يصلح كان صلح ومدخلش حرب الخليج الاولى بجانب قوات التحالف

4 -اللى عايز يصلح كان صلح و مدخلش الاسطول الامريكى لاحتلال العراق 2003 فى حرب الخليج الثانيية
(لا و كمان يقولك احنا وافقنا وفقا لالتفاقية القسطنطنية لنة الف ثمنمائة وخشبة ( ثمنمائة دى مكتوبة صح والاغلط يا شباب الضاد)
اتفاقية القسطنطنية اللى وقعتها روسيا القيصرية بتاعة (الكازاتشوك و راسبوتين) مع الدولة العثمانية (بتاعة اما ياللى امان)

5- اللى عايز يصلح كان صلح و مصدرش الغاز لولاد عمنا بثلث ثمن بيعه لاخواتنا
(وبعدين يصدرهم غاز ليه و هما عمالين يقتلو فى اخوانا)

6-اللى عايز يصلح كان صلح ومحصرش اخوانا

7- اللى عايز يصلح كان صلح ومجبش مبيدات مسرطنة

8-اللى عايز يصلح كان صلح ومدخلش ولاد عمنا و حبايبنا الحلوين جوه البلد

9-اللى عايز يصلح كان صلح و مبعش القطاع العام وخرج العمال الغلابة عماش مبكر (ال عماش مبكر ال)

10-اللى عايز يصلح كان صلح ومسبش موضوع انتحار عبد الحميد شتا (بوعزيزى المصرى الاصلى)
الشاب الاول على دفعته (سياسة واقتصاد) و الذى اجتاز اختبارات الدوبلماسية المصرية اللوزعية (وبرده طلع الاول)
الا ان كل هذا لم يشفع له عند الدوبلوماسية اللوزعية و رفضوه
لانه غير لائق اجتماعيا لانه ابن فلاح (الله يرحم ابهتكم و جدودكم ويرحمك يا عبد الناصر)

11- اللى عايز يصلح كان صلح وحل قضية خالد سعيد (رحمه الله) ولفافة البانجو المحشورة فى زوره
12-اللى عايز يصلح كان صلح وحل قضية سيد بلال(رحمه الله) ( وده بقى بلع سجادة الصلاه وال بلع لحيته محدش عارف)

13-اللى عايز يصلح كان صلح.....................................

14-اللى عايز يصلح كان صلح ...................................

15اللى عايز يصلح كان صلح....................................

16اللى عايز يصلح كان صلح.....................................

كملو انتم عد لغاية متخلصوه 30 سنة عد
وشكرا

نيجى لزتونة الموضوع
سيادة الفريق أحمد شفيق رجل عسكرى من الطراز الاول
كما انه من نسبه ال 5 % الذين لم تفسدهمالسياسة كما كان يقول المشير الجمصى (ان السياسة اذا دخلت الجيش افسدته) فهو رجل ادارى من الطراز الرفيع (ايه حكاية الرفيع دى انا مش عارف)
بالبلدى كده وعلى رأى زملائى فى نوبتجية اللجان الشعبية (اللى ساعات بيبقو بلطجية و ساعات يبقوا متحولون)
ادرجى

لكن ده ميمنعش انه بيتعامل مع الفئة التى تدرس مادة الشيطنة لابليس شخصيا فى الكلية الجهنمية
ودول بقى هيورطو الفريق شفيق ابو موتوسكل (اه انا مصر و ملح وكل افعال ركوب الدماغ فى لسان العرب لابن منظور<مين ابن منظور ده> على موضوع المتوسكل)
لا مش بس هيورطوه
دول كمان هيدبسوه
و يستعبطوه
(و كل افعال الاستهبال فى الزمخشرى باب الهاء - فصل الباء مع اللا م)

ربنا يستر على الراجل النقى ده مينهم
وساعتها يبقى يدينى الموتوسكل اخد لفة
وخليله هو الهدوم الكجول (الصراحة لايق فيها مش زى ناس)
ومحدش يقولى من الناس دول
يتفضل يتمشى و يدور على يفطة عليها صورة واحد صاحبنا ومكتوب عليها

فكر جديد

اه حاجة مهمة كمان نسيتها
كل اللى عايزة النظام هو الوقت
كل اللى عايزة النظام هو الوقت
كل اللى عايزة النظام هو الوقت
كل اللى عايزة النظام هو الوقت

(حد فاكر قصة عمر الختار لما الطلاينة (اللهم الوحيدين دلوقتى الواقفين جنب الراجل الكبير) طلبوا المفاوضات عشان يكسبو وقت ويلحقو ينزلو الدبدبات (هى ايه الدبدبات دى صحيح) الى الصحراء وبكدوا قدرو يقضو على الثورة الليبية

كل ما يحتاجه النمر الجريح هو الوقت (حاجة كدة بتاع سبع شهور) لكى يستريح و يستعيد عافيته
ومن ثم يفتك بالجميع

**som3aa** · 05-02-2011 04:57 PM

انا متاكد انه قرارات الوقف عن السفر وتجميد الاموال لحبايبنا الحلوين هو السبب الاساسى فيها

لا السبب الاساسى فيها ان الناس متضحكش عليها يوم الثلثاء بالخطاب اللذيذ و نزلوا يوم الاربع و الخميس و قالوا هينزلوا مليون يوم الجمعة و بسبب خوفهم عملوا الموضوع دا , سالوا مين من الوزراء بره مصر و عملولهم قرارات منع من السفر , للعلم رشيد برئ و سمعته كويسة و هو الوحيد اللى دافع عن نفسه و قال دول اساسا طلبوا منى امسك نفي الوزارة و انا رفضت و استاذنت قبل ما اسافر علشان مسببش حرج و مليش اساسا شغل فى مصر , شغلى فى دبى!!!!

كل ما الناس تروح اسرع كل ما القرارات و الوعود المشكوك فيها ما هتف و هيفوقوا لنا
الاصلاح ملوش علاقة بوجود الناس فى الشارع , انما فى حاجات تانية محتاجة الناس تروح علشان يعرفوا يتصرفوا فيها!!!!

**wael17** · 05-02-2011 04:59 PM

المشاركة الأصلية كتبت بواسطة amado ibrahim

ولو الراجل اللى بيقولو عليه رئيس وزرا ده مبطلش رغى ولف على القنوات الضائية بالموتوسيكل بتاعه وهو لابس القميص و البلوفر (مش عارف بيقلد مين باين واحد صاحبنا اتصور من كام سنة حلويين و هو لابس القميص و الكرافتة من غير جاكت البدلة(ال الراجل الكول معندوش وقت يلبس الجاكت)

كل الناس اللي يعرفوا الفريق أحمد شفيق و اشتغلوا معاه بيقولوا انه شخصية محترمة جدا و معروف عنه انه مش بيلبس بدله و تقريبا مش بيقعد في مكتبه اساسا و بيلف طول الوقت و يتابع الشغل في كل مكان بنفسه مش بيقعد و ستني تقارير...و دي طريقه لبسه و كل الناس بتقول انه مش بيلبس بدله غير لو مقابلة رسمية مش بيقلد حد زي ما انت فاكر
ليه اسلوب الاستهزاء براجل ماشفناش منه حاجة وحشة
ولا هي الشطارة اليومين دول ان الواحد ينتقد لمجرد الانتقاد و مايعجبهوش العجب
انا اعترض اذن أنا موجود

**Col. Eng. Khaled** · 05-02-2011 05:12 PM

المشاركة الأصلية كتبت بواسطة khaled_nowaihy

مفروض نضحك دلوقت ؟؟

جايز ده الهدف .

المشاركة الأصلية كتبت بواسطة wael17

ولا هي الشطارة اليومين دول ان الواحد ينتقد لمجرد الانتقاد و مايعجبهوش العجب
انا اعترض اذن أنا موجود

فكرتني فعلا بفيلم السفارة في العمارة لما عادل إمام كان عند التاس إياهم و رب الأسرة قال :-

"خلقنا لنعترض"

يا عزيزي في نسبة من الناس لا يمكن إغفالها مبدأها كده

أو مبدأها إن مفيش مبدأ .

-

الموضوع: الفريق أحمد شفيق و الموتوسيكل

LinkBack

أدوات الموضوع

عرض

-

-

-

-

-

-

المواضيع المتشابهه

رابطة مؤييدي الفريق احمد شفيق

قبول استقاله الفريق احمد شفيق

الكلمات الدلالية لهذا الموضوع

المفضلات

المفضلات

ضوابط المشاركة