السيارتين قريبين جدا فى السعر و الكماليات - الواحد محتار بينهم - ياريت حد يعمل مقارنه و يقول ايهم افضل ؟
عرض للطباعة
السيارتين قريبين جدا فى السعر و الكماليات - الواحد محتار بينهم - ياريت حد يعمل مقارنه و يقول ايهم افضل ؟
السياره الاوبترا بها مميزات يمكن ان اقوله لانها مع اخويا وبركبها كتير لكن الصنى انا معرفش عنها حاجه :-
1- السياره الاوبترا احسن حاجه فيها تجميعا ممتاز .
2- صالون واسع جدااااااااااااا بالنسبه لفئاتها .
3- عاليه على الارض .
4- تم اضافه 2 زجاج كهرباء بالخلف + تعديل الفرامل+ الكاسيت + التابلوه فى موديل 2007 .
5- بها ثلاجة فى التابلوه .
6-الشنطه كبيره جدااا
7- الثابت حتى 160 حلو اوى.
العيوب :-
1- الفرامل مش قويه كانت تحتاج الى abs لان السياره سحبها ماشاء الله ( يقال انه عدلها فى 2007 )لكن بدون abs .
2- التكيف حلو اوى للسائق واللى اعد واره يتحرق .
على فاكره انا بتكلم على موديل 2005 معرفش عدل موضوع التكيف ده ولا ايه النظام .
3- تم تغير قربة المياه منذ شهرين فى التوكيل (عيب تصنيع ) معرفش كلها كده وله حظ اخويا كده بدون وله جنيه .
وماذا عن النيسان ؟
وايه القرار النهائي ياشباب نيسان صني ولا أوبترا ؟
عليك وعلى سبعاوى هو أكتر واحد يفيدك فى موضوع الصنى
النيسان صنى تكسب المقارنة بمنتهى السهولة لأسباب منطقية ، نيسان شركة يابانية عريقة وموديل صنى تحديداً أثبت كفاءة على مدة سنين حتى فى ظروف تشغيل دول الخليج ، يكفى إنها يابانية وعليها إسم نيسان صنى حتى لو التجميع مصرى ده مش هيفرق كتير
أما الأوبترا فهى عربية دايو كورى ، مجرد تعديل للنوبيرا ، وعليها علامة شيفروليه عشان دايو مملوكة لشركة جى إم الأمريكية الآن ، أنا شوفتها برة فى السودان وفى سوريا عليها علامة دايو وإسمها دايو لاسيتتى هى والأفيو ، وكمان ركبتها فى مكان تانى وكان أدائها مقبول بس أداء كورى بحت لا علاقة له بأداء اليابانى مثلا ، وعلامة شيفروليه عليها لا تعنى ان لها اى علاقة بيشفروليه الأمريكية ، وده يخلي الأوبترا تنافس فى فئة تانية خالص مع النوبيرا والسبيرانزا والماتريكس ، أما الصنى فهى من فئة لانسر وكورولا يعنى الإعتمادية والثقة والأداء الثابت طول الوقت فى أى ظروف تشغيل وده عن تجربة فى جو الإمارات القاسى
ملحوظة لا تجعل تقارب أو تباعد الأسعار مقياس فى مصر ، لأنها لا تعكس أبداً تقييم السيارة ، إنما تعكس الحالة المزاجية للوكيل
النيسان احسن عشان الموتور بتاعها اقوي وفي الثبات معروف انها ثابته وبعدين اكيد عمرها الافتراضي اطول من الاوبترا والسعر زي الاوبترا
اعتقد النيسان الصني تكسب وبكل سهوله لانها عربيه معمره ويكفي انها بتنزل في الخليج والاوبترا لا ده لو اصلا ممكن الياباني يقارن بالكوري
علي فكرة الاوبترا موجودة هنا فى الامارات ومنتشرة، وبعادين طول عمر الاوبترا بتنزل باسم شيفروليه وممكن تشوف الموديلات القديمة بتاعتها فى اى حتة فى العالماقتباس:
اعتقد النيسان الصني تكسب وبكل سهوله لانها عربيه معمره ويكفي انها بتنزل في الخليج والاوبترا لا ده لو اصلا ممكن الياباني يقارن بالكوري
لكن موضوع انها مكان الدايو ده المفروض يبقى فيه اثبات
طبعا الصني تكسب بمنتهي السهولة ....
الصني ياباني الاصل والتاريخ والمنشأ...(التصميم ) حتي لو كانت تجميع مصري او برازيلي ....
الاوبترا انا ركبتها فترة مش طويلة ....هي تجميعها كويس بس برضة مش زي الياباني ...
انا ركبت الفئة الاكبر من الاوبترا وهي الايبيكا ودي ما بتنزلش مصر اصلا ..لانها 2000 CC بس ايلي اقدر اقولة بامانة ان اي فئة ياباني اقل منها (من 1600 الي 1800 cc ) كانت بتعديني بكتير ....
لو الاسعار قريبة من بعضها ....يبقي الافضل الصني ...
ممكن تتخيل شكر النيسان بعد 10 سنين ...(لو بصيت علي عربية نيسان 97) وممكن تتخيل شكل الاوبترا كمان 4 او 5 سنين ...
انا معايا صني وهي جلوة جدا اما الاوبترا مقدرش اتكلم عليها لاني مجربتهاش حتي انني لم افكلر فيها ىمن الاصل
يا باشا روح أي معرض قلب في العربيتين و اتفرج براحتك و شوف إمكانيات كل عربيةو شكلها و صالونها و ايه اللي نازل فيها و أنه اللي هتستريحلها أكترو لو في فرق سعر يفرق معاك و لا لأ ، سيبك من حكاية عشان هيا ياباني و خلاص، الصني اللي في مصر شكل قديم و تجميع محلي
لو الأوبترا هيا النوبيرا و ده الإنتقاد الرئيسي ليها ، أظن النوبيرا شكلها زي الفل بعد سبع سنين علي ما أعتقداقتباس:
ممكن تتخيل شكر النيسان بعد 10 سنين ...(لو بصيت علي عربية نيسان 97) وممكن تتخيل شكل الاوبترا كمان 4 او 5 سنين ...
انا ركبت الصنى 2004 هنا فى السعودية وركبيت الاوبترا 2006 فى مصر بصراحة النيسان عربية ممتازة من كل الوجوه ويكفى انها بتشتغل تاكسى فى الامارات واى عربية فى راييى تشتغل تاكسى تبقى عربية جامدة وعملية وتكييفها ممتاز
الاوبترا بتنزل هنا فى السعودية برضه تحت اسم شيفروليه وهى عربية كويسة بس بصراحة انا اشوف الصنى اضمن
الأوبترا فعلا في الأصل دايو و اسمها "لاسيتي" و موجود منها في بورسعيد مستورده من الخارج "منطقه حره" و ده شيء اكيد. و على فكره اللاسيتي تقفيلها تحفه و الأوبشن فيها اعلى من الأوبترااقتباس:
المشاركة الأصلية كتبت بواسطة casber
على فكرة انا شوفت اللاسيتى فى شاطئ النخيل فى اسكندرية و كانت من غير نمر و كانت نسخة طبق الاصل من الاوبترا ما عدا العلامة و الشبكة الامامية و الاكر بتاعت الابواب غير كده العربية هى هى الاوبترااقتباس:
الأوبترا فعلا في الأصل دايو و اسمها "لاسيتي" و موجود منها في بورسعيد مستورده من الخارج "منطقه حره" و ده شيء اكيد. و على فكره اللاسيتي تقفيلها تحفه و الأوبشن فيها اعلى من الأوبترا
اقتباس:
المشاركة الأصلية كتبت بواسطة Ashraf A.Kader
احترو الراي ده علشان من قال لا اعلم فقد افتى
علشان محدش يأثر على حد بكلام موش متأكد منة
اقتباس:
المشاركة الأصلية كتبت بواسطة Ashraf A.Kader
احترو الراي ده علشان من قال لا اعلم فقد افتى
علشان محدش يأثر على حد بكلام موش متأكد منة
احترم الراى ده ( تصحيح
tb3an w mn 3'eer kalam el nissan a7san mn el optra 60 marra
NISSAN yabany (10/10) OPTRA kory (6/10)
w 3la fkra ana a3raf nas m3ahom optra w 3ayzeen yebe3oha f a2rab wa2t
ألصنئ تكسب لانها مش امريكى 000 المقاطعة اضعف الائمان
الفكر الثوري ده كله ............ وفي الاخر م عارفين نكتب 8 كلمات عربي بدون أخطاء املائيه (أمجـــــــــــــاد يا عرب)اقتباس:
ألصنئ تكسب لانها مش امريكى 000 المقاطعة اضعف الائمان
الصنى والأوبترا فى نظرة سريعة:
1- الأصل الفنى:
الصنى هى احد احفاد الداتسون 120 Y التى غزت بها شركة داتسون(نيسان لاحقا) العالم ، وهى تصميم اصيل من نيسان ، بمعنى انها تحمل قاعدة عجلات ومحرك وجير بوكس وآلات جر صممت خصيصا لها وليست منقولة من سيارة اخرى ويتم تطويرها على مدى السنوات، بيعت تحت مسمى نيسان صنى فى نصف العالم الشرقى من اليابان وحتى انجلترا فى حين كانت تباع فى نصف العالم الغربى تحت اسم نيسان سنترا بغييرات طفيفة ، توقفت نيسان عن ادخال تطويرات جوهرية فى موديل الصنى منذ عام 2004 لصالح موديلات اخرى مثل التيدا، وتقوم تصنيع الصنى مع تطويرات خارجية بسيطة كل فترة لكن بدون تعديلات جوهرية، فى حين ان موديل النيسان سنترا والذى كان هو نفسه موديل الصنى سابقا حصل على تطوير جوهرى فى السنوات الاخيرة اختلف به عن الصنى حيث انه من الموديلات الناجحة فى السوق الأمريكى
2-بالنسبة للأوبترا : هى الموديل الأحدث من السيارة نوبيرا الىت كانت بدورها هى نفسها الموديل الأحدث من السيارة دايو سبيرو
عموما فإن دايو ،المملوكة حاليا لجنرال موتورز تصنعموديلاتها على قواعد عجلات ومحركات وآلات جر شركة اخرى مملكوكة لجنرال موتورز هى اوبل، وبالتالى فإن دايو تمتلك الكثير من مزايا وعيوب اوبل، لكن يعيب موديلات دايو عن موديلات اوبل ضعف الصاج الخارجى، وكذلك ان بعض المكونات فى سيارات دايو يكون عمرها قصير بالمقارنة بمثيلاتها من اوبل، فمثلا نجد النوبيرا عند مقارنتها بالنسخة الأصلية (فيكترا) نجد ان المقصات والرشاشات مثلا اقل عمرا من مثيلتها الأصلية، برغم تشابه شكل قطعة الغيار تماما وهذا يعود لفرق مئة عام من تكنولوجيا الخامات والتصنيع بين كوريا وألمانيا
تباع السيارة دايو لاسيتى تحت العديد من المسميات فى العديد من الاسواق بحسب العلامات التجارية المحببة فى كل سوق من العلامات التى تملكها جنرال موتورز، فنجدها تباع فى كوريا باسم دايو لاسيتى ، او دايو نوبيرا 4، وتباع فى استراليا باسم هولدن وفى الشرق الأوسط عاشق علامة الشيفروليه تباع باسم شيفروليه اوبترا، وفى انجلترا تباع باسم شيفروليه لاسيتى اما فى امريكا بلدا الشيفروليه فلا تباع باسم شيفروليه وذلك تمييزا لسيارات شيفروليه الكبيرة فى عيين المواطن الامريكى فتباع فى امريكا باسم سوزوكى رينو(rhino) (تكتب بهجاء مختلف عن اسم شركة رينو الفرنسية ، والتى لا تباع سياراتها حاليا فى امريكا)
2- التصميم الخارجى: تمتلك الاوبترا تصميما خارجيا احدث من تصميم الصنى ذو خطوط حادة والكثير من النواكل داخل وخارج الصالون مما يعطيها لمسة عصرية تفتقلا اليها الى حد ما الصنى الموجودة حاليا فى مصر
3- الميكانيكا والعفشة: حيث ان السيارتين جديدتيين على السوق فسنعتمد على تاريخ محركات هذة وتلك، محرك وآلات جر الصنى عرف تاريخا انه من اكثر المحركات المعمرة وقليلة المشاكل كما يتميز بهدوء ملحوظ ونعومة فى الاستجابة، تاريخ الجير بوكس اليدوى والاوتوماتيكى للصنى تاريخ مشرف، بالنسبة للعفشة فأن الصنى المجمعة محليا مزودة بعفشة تفتقر الى المرونة الى حد كبير لحساب الثبات على الأرض والذى يعتبر من المميزات العظيمة لعفشة الصنى
بالنسبة للأوبترا فسنعتمد على تاريخ محرك E-tech الذى خدم فى النوبيرا ، هو النسخة الكورية من محرك الفيكترا اواخر التسعينات، محرك النوبيرا طويل العمر ، مرن الأستجابة، يعيبه فقط ان بعض الإكسسوارات المحطية به مثل الرشاشات وطلمبة المياه قصيرة العمر، كما يعيبه انه انه الى حد ما محرك صاخب بالمقارنة بمحرك نيسان
عفشة الاوبترا مريحة الى حد ما عن عفشة الصنى، كما ان ثبات الاوبترا لا غبار عليه ابدا، وبالتالى تتميز الاوبترا فى مجال العفشة، يبقى لدينا ان مقصات النوبيرا كانت قصيرة العمر، فهل سيتكرر هذا مع الاوبترا ام لا
بالنسبة لآلات جر النوبيرا-الأب الشرعة للأوبترا فلا غبار اطلاقا على الجيربوكس اليدوى، لكن الاوتوماتيك كان كثير المشاكل، وبالتالى حتى تتضح الصورة مع الأوبترا لازال لدينا علامة استفهام حول العمر الإفتراضى لناقل الحركة الاوتوماتيكى
4- الإتساع: بالنسبة للراكب الامامى لا فرق، اما بالنسبة للراكب الخلفى فقد اجمع كل من ركبوا السيارتين على ان الأوبترا تتفوق فى المساحة المتاحة لأرجل الركاب الخلفيين
5-سهولة القيادة والمناورة تكاد لا تختلف بين السيارتين، وبينهما من ناحية وبين باقى سيارات نفس الفئة من ناحية اخرى، معظم سيارات هذة الفئة من شرق آسيا متقاربة جدا فى الأداء والفروق لا تذكر، الفروق تظهر عندما نقارن سيارة اسيوية بسيارة اوروبية، او سيارة من هذة الفئة بفئة اعلى او اقل
6-التكييف حتى الآن يبدوا انه نقطة تميز للصنى حيث توجد شكاوى منه فى الاوبترا بعكس الصنى
7-التجميع المحلى للصنى كان التعليق المشترك عليه من الجميع هو نوعية موكيت الارضية ،والبطارية السائلة، فيما عدا ذلك لاتوجد تعليقات جادة او حيادية او متكررة
الخلاصة: الأوبترا شكلها احدث وتعد بأداء جيد قليل المشاكل من واقع تاريخ النوبيرا، الصنى شكلها اقدم شوية لكن تعد بعمر اطول الى حد ما من الأوبترا وبمشاكل اقل، بالنسبة لهواة الأوتوماتيك فينصح لهم باختيار النيسان لحين ثبوت الرؤيا مع جيربوكسات دايو كثيرة المشاكل
مقارنة جيدة جدا - شكرا سبعاوى
ممتازة كماناقتباس:
مقارنة جيدة جدا - شكرا سبعاوى
سبعاوي ........... انت استاذ --- بس خلاص
مقارنة جيدة
شكرا سبعاوى ....
نموذج للمقارنة الموضوعية
بدون مبالغات
بس احب أضيف نقطة ، بالنسبة للتابلوة أن شايف تصميم تابلوة الصني أجمل رغم إنه أقدم و أكثر عملية ،، و لكن الألوان القاتمة للأوبترا توحي بالتحمل و إنه مش هيتوسخ ويتبهدل بسرعة غير تابلوه الصني غير تفضيلي للون الأسود في التابلوهات بيعطي استايل أحلي،، البيج الفاتح للصني نقطة سلبية في وجهة نظري بحس إنه هيحتاج معاملة من نوع خاص
حضرتك الصنى فى منها التابلوه لونه بيبقى اسوداقتباس:
بس احب أضيف نقطة ، بالنسبة للتابلوة أن شايف تصميم تابلوة الصني أجمل رغم إنه أقدم و أكثر عملية ،، و لكن الألوان القاتمة للأوبترا توحي بالتحمل و إنه مش هيتوسخ ويتبهدل بسرعة غير تابلوه الصني غير تفضيلي للون الأسود في التابلوهات بيعطي استايل أحلي،، البيج الفاتح للصني نقطة سلبية في وجهة نظري بحس إنه هيحتاج معاملة من نوع خاص
المشكله اللى مضايقانى فعلا فى العربيه ديه الموكيت بتاع الارضيه بحس انهم لو طالو يوفروا سنتى حيوفروه و فيه فراغات بينه وبين العتب
بس على ما اعتقد مفيش حد حيدور على الموكيت لما يشترى عربيه :wink:
معلهش والله مخدتش بالي من توفر لون أسود لتابلوها عشان اللي شفتها في معرض المصرية تحديدا كانت ألوانه فاتحة
و الأخوة في المنتدي و م / سبعاوي ، كانوا بيكلموا علي إن صالونها محتاج معاملة خاصة
سبعاوى انت ممتاز ليه كده :shock:
سلام عليكم يا شباب دي اول مشاركة ليا وحبيت اوفر عليكو بس لا نروح سوريا ولا حاجة الاوبترا كتير جدا في بورسعيد عليها علامة الدايو وعلى فكرة تحفة من جوه احلى بكتير من اللي عليها علامة الشيفروليه
محتار مابين الأتنين الأوبترا عربية واسعة وشنطتها كبيرة والألبنترا عربية اشيك وافخم ومتهيالى ان الأوبترا عمليه...
عايز اعرف قبل ماشترى
انا حأصورك الاوبترا و عليها علامة الدايو لأنها موجوده عندنا هنا فى بورسعيد كتير و هى مش الا تعديل للنوبيرا و فى أمريكا مش اسمها اوبترا أصلا اسمها شيفورليه نوبيرا احنا بس هنا فى مصر اللى الوكيل بيسمى بمزاجه حتى الهونداى الماتريكس ده اسم مصرى فقط فى الخارج اسمها مختلف تماما
معقولة يا ناس لسة فيه حد فى مصر بيسأل السؤال ده؟
عموما دى شوية لينكات تثبت لحضراتكم الموضوع اللى مش محتاج اثبات اصلا وهو ان شيفروليه اوبترا هو احد مسميات السيارة دايوو لاسيتى اللى هى وريثة النوبيرا
http://en.wikipedia.org/wiki/Chevrolet_Lacetti
http://www.infocoches.com/m/daewoo/lacetti/
http://www.honestjohn.co.uk/road_tests/?id=114
طيب وكونها وريثة النوبيرا ،، هل دي حاجة وحشة للدرجة دي ؟؟
النوبيرا عربية محترمة جدا ،، و راسية علي الأرض ،، و شغالة من سنة 97 بإستثناء موديلات السنوات القريبة ،، ،، ده غير الله أعلم طوروا فيها أيه عن النوبيرا ،،
أنا شايف النتيجة 1 / 1 ،، مفيش حد كسبان ،،
تقفيل مصري ، شكل عتيق مقابل شكل جذاب حديث ، تقفيل كوري و توكيل محترم
أنا لو مكانك هاختار الأوبترا ، مادام العربية شايفها ماشية قدامي بقالها عشر سنين ،، ايه اللي يخليني اشتري عربية مفهاش أي ميزة غير إني مقتنع إني هاكتبها للورثة في الوصية ،،،،
يا جماعة انتو فعلا فرزتو السيارتين تماما وما خليتوش حاجة ممكن نسأل عنها واضح انهم متقاربين جدا
انا ح اشتري بعد ما ابيع الشاهين اللي معايا واستقريت علي الاوبترا علشان اوسع من جوة و تشطيبها ارقي من الصني
برضة التقفيل المصري مش قد كدة
بس ح اشتري المانيوال مش الاوتوماتك واللون فضي
لو حد عندة نصيحة اخيرة اكون شاكر جدا
شكرا لكل من شارك بالراى فى المقارنة و الافادة
انا متابع المنتدى من مدة وكان عندى نفس مشكلة السائل
بس احب اضيف
تقفيل الصنى بعد المعاينة بها الكثير من العيوب فى التقفيل
1- علاقة سوكة الرفرف مع الباب .........غير منتظم
2- علاقة سمك السوكة يمين و شمال الشنطة مع الفوانيس ..........غير متماثل
3- علاقة تجميع نهاية الكبوت مع الرفرف مع الباب ...........غلط
4- الموكيت فى الشنطه غير موجود فى ظهر الكنبه ولونة مختلف عن العلب الفبر الموجودة فوق العجل
5- تقفيل موكيت الشنطة لم يتم مراعاة بروزات الشنطة من الداخل
6- نوع الموكيت متوسط او اقل
7- والله اعلم اية داخل الكهرباء و الميكانيكا
على فكرة انا مش بحارب الصناعة الوطنية بس المشكلة ان كل الكلام الى انا و حضراتكم بتقولوة ممكن يتحل لو المصنع او مهندس مراقبة الجودة فى المصنع كان اهتم
يا جماعة العربية مش وحشة بس فية شوية اهمال ملهمش لازمة فى التجميع
شكرا على ملاحظاتكم
م/حسام