عرض للطباعة
معنديش اي خلفيه خالص في البورصه
ونفسي افهم لو حبيت اشتري اليومين دول اشتري ايه خصوصا اني ناوي اشتري واخليها مثلا سنتين تلاته
وايه المخاطر اللي ممكن تحصل في الايام المقبله لو حصل انهيار فعلي للبورصه
((انا مش فاهم يعني ايه انهيار فعلي))
وهي ممكن البورصه تقفل مثلا ((يعني ماتفتحش تاني خالص مش مجرد وقف العمل لمده اسبوع))
ولما احب اشتري اشتري في ايه
واروح لمين علشان اشتري ((مين وسيط ولا ممكن اروح اشتري لنفسي))
:36_1_31:
اقتباس:
المشاركة الأصلية كتبت بواسطة النوبي
اشتري استثمار مضمون زي اوراسكوم تليكوم او المصرية للاتصالات او اي حاجة مضمون ربحيتها في احلك الظروف (الناس مش هتبطل تتكلم بالتليفون يعني ...... بس ممكن ما يشتروش عقارات) ...... و في نفس الوقت مضمون انه عمره ما هيهج و يسيب البلد
المخاطر ان فلوسك هتبقى عاملة كانها في وديعة ما تتفكش لحد ما الازمة تعدي
انهيار يعني الاسعار تنزل الارض يعني حضرتك اشتريت مثلا اسهم ب 100 الف جنيه عبارة عن 1000 سهم × 100 جنيه ..... السهم بقى ب 5 جنيه فال 100 الف بقوا 5 الاف
طبعا ده معناه انك تشتري بمبلغ انت مش محتاجه دلوقتي نهائي (سيولة مش محتاجها في المدى القصير) عشان نفسك يبقى طويل و تستنى لما السهم يرجع و يبقى ب 200 مش مية و تبيع ب 200 الف :)
تروح لوسيط و خليك في شركة محترمة زي هيرميس ...... فيها اونلاين اكاونت و ممكن كمان تتعامل اونلاين او بالتليفون و مؤمنة تماما .......
مفيش حاجة اسمها البورصة تقفل للأبد ..... الا لو قامت حرب و البلد اتدمرت و اتقفلت ...... و ساعتها فلوسك كده كده مش هتسوى مليم (زي ايام حرب العراق و الكويت اما الدينارين الكويتي و العراقي بقم بجنيه و هما كانوا ب 10 اصلا .....)
ان شاء الله ناوي علي مبلغ صغير يعني 10 او 15 الف بالكتير علشان حتي لو راحوا مش هزعل قوي (( هيجيلي شلل رعاش بس))
ثم انا حاسس اني لو معايا مبلغ مش محتاجه حاليا وحطيته في البورصه ده واجب وطني لان احوال البد محتاجه اي دعم بعد الكلاب دي ماحولوا فلوسنا وهربوا بيها
انا دورت ولقيت الموقع بتاع هيرميس وان شاء الله هستخير واشتري
الف شكر يابو كمال
فعلا ده وقت شرا و فرصة نادرة للشرا . . بس أول يوم تداول هيكون فيه هبوط كبير عشان الناس المحبوسة في أوامر البيع . . ممكن نراقب أول يوم في الهبوط و تاني يوم نراقب برضه و أول ما معدل الهبوط يقل ممكن ندخل شرا . . بس خلي في بالك ان فيه الأسبوع ده 3 مظاهرات مليونية يعني برضه هبوط الا لو الراجل الكبير خلع فده هيكون خبر ايجابي للسوق
انا قرأت أنه في تنظيم لمظاهرة لارجاع عمليات يوم الاربعاء والخميس
ان شاء الله ناوي اشترك مع هيرميس وادرس السوق اليومين اللي جايين
ولما الاقي فرصه كويسه هشتري واقول للناس انا اشتريت ايه ((مش نصيحه لحد ولاكن ممكن نقول توثيق لتجربتي ولا انصح احد بتقليدي))
لاكن صحيح هي البورصه حلال ولا حرام ((ده بجد علشان لو حرام مش هشتري نهائي))
أحمد كمال
+111
أشك أن ده ممكن يحصل تاني الأيام دي لأن نسبة لايستهان بها غيرت فكرها ومنتظرة تحصد نتائج الأنتفاضة ألي شايف أنها بدأت تترجم على أرض الواقعاقتباس:
المشاركة الأصلية كتبت بواسطة أبو صلاح
السلام عليكم و رحمة الله و بركاته
هو فعلا , الوقت اللى جاى , لو الأمور و الأوضاع فى مصر استقرت بشكل يبشر باحتمالية ارتفاع مؤشر البورصة, هيبقى وقت جيد للشراء , بس أنا من رأيى أننا نعمل زى الناس المحترمين و المتقدمين ما بيعملوا فى الدول الأجنبية المتقدمة و ان اللى عاوز يشترى فى البورصة و ماعندهوش فكرة عنها زى حالاتى و لا هوا عارف يشترى فى ايه و يبعد عن ايه , انه يلجا لأحد المكاتب الاستشارية اللى هو بتقدر تعمل تحليل كويس Fundamental Analysis للشركات المدرجة فى البورصة بناء على الأحوال الاقتصادية و السياسية و الاجتماعية اللى فى البلد و بناءعلى أحوال و أخبار و أوضاع الشركات دى نفسها و بتقدر نتاج كل التحليل ده تقول ايه أفضل الشركات اللى بنشترى فيها و ده هو الأسلوب اللى الناس بره بيتبعوه, أن بتلاقى كل واحد معاه قرشين عاوز يستثمرهم فى البورصة , بيلجأ لمكتب من المكاتب دى و بيعمل معاهم account و بيتلقى منهم تحليل سليم بصفة دورية , تخليه يشترى و يبيع بناء على أسس سليمة و علمية و منطقية .
هى مش مصر فيها مكاتب استشارية زى دى و لا كل الموجود شركات سمسرة و بس ؟؟؟؟؟
اقتباس:
المشاركة الأصلية كتبت بواسطة النوبي
البورصة حلال بشرطين
1- التقابض الفوري ..... يعني ما تشتريش عالمكشوف بفايدة من الشركة
2- التعامل في شركات تعاملاتها حلال ...... يعني شركات لا تتعامل بالربا (كدائن او مدين) و لا الخمور و لا خلافها ....الخ ...... لانك كمساهم تعتبر احد المالكين و المسؤولين شرعا عن تصرفات الشركة
احب انا الناس اللى بتصطاد يا نوبي
وانت يا احمد يا كمال ارسي على بر دكتور جوجول ولا محلل بورصة ولا خبير شيشة
حيرتني معاك يا متعدد المواهب
معلش يا استاذ احمداقتباس:
المشاركة الأصلية كتبت بواسطة أحمد كمال
ممكن تشرحلى الحتة دى شوية عشان مش فاهم
بسم الله الرحمن الرحيم
اولا البورصة حلال بالشرطين اللي اتكتبوا
و معني الحتة اللي انت مش فاهما هي انك تاخد فلوس من شركة السمسرة ( علي المكشوف ) و تشتري بيها اسهم بشرط العمولة في هذه الحالة بتبقي اكبر في حالة المكسب اما في حالة الخسارة بيبقي العمولة و الخسارة عليك و الشركة تاخد فلوسها علي داير مليم
اما بخصوص فرصة جيدة للشراء في الوقت الحالي ام لا
فا انا انصحك انك تستني الهوجة دي لما تخلص او بمعني اصح لما يبان معالم للفترة اللي جاية هل هايبقي في استقرار سياسي في البلد ولا لا و لو ابتدت تظهر معالم للاستقرار انصحك تشتري اي سهم بشرط يكون سيولة السهم ده كبيرة يعني ماتروحش تشتري في سهم بيتداول عليه في اليوم ب 10 الاف سهم مثلا ( لازم يبقي سيولة السهم كبيرة )
و طبعا يا حبذا لو اشتريت في الشركات المحترمة و طبعا اكتر شركات محترمة هي شركات اوراسكوم ( تليكوم او انشاء ) و طبعا البنك التجاري الدولي و موبينيل و ماريديف و السويدي
و حاول تبعد عن الشركات الي ممكن يبقي فيها قلق زي طلعت مصطفي و شركات الاستثمار العقاري و الحاجات اللي لسه مش عارفين ايه ها يحصل مع اصحابها
اي سهم لشركة محترمة لا غبار عليها هايبقي فرصة عظيمة للاستثمار سواء قصير الاجل علي مدار مثلا من شهر لثلاث شهور او علي المدي المتوسط بتتكلم مثلا من ستة شهور الي سنه ونص
خد بالك ان زي ما الناس قالت لازم الفلوس اللي تدخل بيها البورصة تكون زيادة عن حاجتك ( ليه بقي ) عشان ماترتبطش بيها نفسيا بمعني انك تبقي قادر تاخد قرارت صح في اوقات صح .. كمان قبل ما تفكر في المكسب لازم تفكر في الخسارة ( لا قدر الله طبعا ) اقصد انك لازم تحدد نسبة ايقاف خسائر لنفسك من الاول يعني لو لقدر الله خسرت هاتستحمل خسارة كام .. يعني لو داخل بعشر الاف جنية ممكن تستحمل تخسر كام منهم
انصحك كمان تختار شركة سمسرة عندها تداول اليكتروني Online Trading عشان تقدر تتابع محفظتك في اي وقت و من اي مكان .. خد بالك ان المبلغ اللي هاتبتدي بيه قليل و ده هايخليك تلعب لوحدك يعني مفيش Account manager هايبقي معاك كبيرك هاتقرأ التقارير بتاعة الشركة و تشتري و تبيع بنفسك ( لان اي مدير حساب بيبقي للمحافظ الي فوق 150 الف جنيه )
انصحك بقي نصيحة كويسة انك ماتروحش للشركات الكبيرة اصلا لانهم بيتعاملو بحجم محفظة العميل يعني الاهتمام بالعميل علي قد محفظته اما الشركات الصغيرة شوية بتهتم بالعميل اكتر عشان تبني قاعدة عملاء كبيرة
اخر نصيحة بقي انصحك بيها انك لازم تقرا كتير و تتعلم كتير عن البورصة و عن شركات السمسرة قبل ما تحط فلوسك فيها
ههههههههههههههههههههههههه ههههه معلش حقك عليا :)اقتباس:
المشاركة الأصلية كتبت بواسطة dr-mohamed
بص يا باشااقتباس:
المشاركة الأصلية كتبت بواسطة ams
حضرتك اما بتتعامل مع شركة زي هيرميس بتفتح معاهم حساب لمحفظتك
للسحب و الايداع فيه
يعني مثلا
نفترض عمولة شراء الاسهم مثلا 1 في الألف
دلوقتي حضرتك عايز تشتري اسهم سعرها 10 الاف جنيه
لازم الاول تودع في حسابك عندهم ما لا يقل عن 10010 جنيه (10 الاف + 10 جنيه العمولة)
هو يقوم يخصم الفلوس من حسابك لديهم (هو كأنه حساب بنك بالظبط) ..... و يقوم مشتري الاسهم بالنيابة عنك و يحطها في محفظتك (طبعا هي محفظة virtual مش شهادات اسهم ورقية ....)
جيت كمان يوم تبيع شوية اسهم ب 3000 جنيه ..... هيبيعهم و يخصمهم من المحفظة و يودع في حسابك 3000 جنيه مخصوم منهم عمولة البيع
لحد هنا التعامل حلو و عادي و حلال
و حسابك بتودع فيه بتحويلات بنكية من حسابك البنكي لحسابهم البنكي ...... و بعض الشركات بتقبل الكاش ......
طيب فيه بقى بعض شركات السمسرة بتسمح لك تشتري عالمكشوف بعمولة زيادة شوية مع عمولة يومية لحد السداد و ده بيبقى بعد فترة من التعامل او بضمانات تانية (ودائع او غيره) المهم انه بيبقى كانه تسهيل ائتماني
يعني مثلا حسابك في شركة الاسهم فيه 5000 ...... فيه دلوقتي قدامك فرصة ذهبية ان فيه اسهم انخفضت و عايز تشتري ...... بس انت عايز تشتري ب 10 الاف ...... عادي ..... يشتريلك ..... بس هيخصم منك 10000 + 10 جنيه عمولة بيع + مثلا 10 جنيه كمان عن ال 5000 اللي عالمكشوف
كده رصيدك بقى سالب 5020
لو ما سددتش في خلال يوم يبقى 5030
كمان يوم 5040
الخ (طبعا كلها ارقام تمثيلية)
كل ده انت اصلا مامعاكش فلوس و معتمد انه يغلى عشان تكسب و تسد المكشوف
و تيجي بقى اخر يوم مثلا تلاقي السهم غلي ........ تقوم بايع ال 10 الاف دول مثلا ب 12 الف ......يبقى انت كده حسابك بقى فيه 12000 - 5040 = 6960 - عمولة البيع .... و انت اصلا كان عندك 5000 يعني كسبت 2000 جنيه عن طريق بيع و شراء بالمكشوف .....
طبعا ده عين الربا
حبيبي انت يا دكتور محمد ((ياكشفني))اقتباس:
المشاركة الأصلية كتبت بواسطة dr-mohamed
ولا صيد ولا حاجه ده انا نفسي اني ارجع الاقتصاد قيمته ((بخزي العين))
الف الف شكر يابوحميد وجزاك الله كل خيراقتباس:
المشاركة الأصلية كتبت بواسطة أحمد كمال
الف شكر علي المعلومات القيمه يااستاذ اسامه :verygood:اقتباس:
المشاركة الأصلية كتبت بواسطة Bonanza
نصيحة لوجه الله .. ابعد عن المخروبه دي اللي اسمها بورصة .. ولو انت مصمم افتكر كلام العبد لله بعدين
جزاكم الله خيرا :)
ممكن تشترى برضه اسهم فى مصانع الاسمنت دى مستقره اصلى بشتغل فى واحد منهم:36_2_33::36_2_33::36_2_33:
طبعا ما انتوا شغالين تصدير الله ينور و لو الدولار غلي هتبقى مصلحة طحن ليكم (انا مش باحسد انا باقر :44: ....... باهزر معاك بس)
والله عن تجربة صديق شخصى ليا بقاله فى البورصة سنتين وهو اصلا شغال فى شركة بورصة
انصحك
ابعد عن البورصة
لا و الله يا عم احمد:tongue32: المصنع واقف ما فيش سولار علشان العربيات اللى بتجيب خامات للمصنع ربنا يستر و الله المستفيد من مصانع الاسمنت الشركات الاجنبيه بعد البلد ما اتباعت ليهم ربنا ينتقم من حكومه عاطف عبيد سواء الدولار غلى دى مصلحه ليهم انما الناس اللى بتقبض مرتبها اخر كل شهر زى حالاتنا يالا الحمد لله على كل حال احنا احسن من ناس كتير برضه قلبت علينا المواجع :_Alshmokh11:اقتباس:
المشاركة الأصلية كتبت بواسطة أحمد كمال
جزاكم الله كل خير /////////////
بفكر أزود أسهم في أسكوم و بايونير و الكابلات
ايه رأيكم ؟