http://www.nilemotors.net/Nile/199663-a.html
أنا شايف التلويح بالحكم العسكرى مجرد "تخويف" لشباب التحرير ... و ربما يكون فقط ورقة ضغط فى يد عمرو سليمان للحول دون حصول لجنة الحكماء المفوضة عن الشباب على مكاسب كبيرة.
حاجة تانية .. الحكم العسكرى يعنى رحيل مبارك أعتقد ... يبقى ايه الفرق بين انه يرحل دلوقتى أو يرحل لما يطبق الحكم العسكرى؟!
عالعموم الشباب اللى فى التحرير لا يهمهم سوى أن يرحل رأس النظام مبارك لسبب فى أذهانهم هو انه لسه عنده المقدرة يعمل undo (بالتعبير اللى سمعته من أحدهم) لكل اللى عمله ده حتى لو كانت الإحتمالات 1% ... و هيفقد المقدرة دى بمجرد رحيله.
ملحوظة أخيرة أوجهها لبعضكم ... مطلبنا هو : "الشعب يريد "إسقاط" النظام و ليس "إصلاح" النظام.
ربنا يستر ويجيب العواقب سليمة
موقف المسلم في الفتن فضيله الشيخ الدكتور احمد النقيب
http://www.albasira.net/cms/play.php?catsmktba=5494
انا نفسي اعرف بس انتم واثقين فى نظام زى دا ازاى انه هيحقق مطالب الشعب اذا كان وهو واقع دلوقتى بيلف ويدور ويعتقل ويقتل
نظام زى دا عمل مؤامره عالشعب وخرج السجون وبالتعاون مش الشرطه بيقتلوا ويرهبوا..... عايزين تدوا الناس دى فرصه بمناسبه ايه !!!
شفيق الجديد الى الجميع فرحان بيه.. اذا كان هو مش مقتنع ان دى انتفاضه ولا ثوره وكل ما يطلع بيقلل من الناس فى بتتظاهر ناقص يقول عليهم بلطجيه واحداث شغب زى بن على فى اخر ايامه...
ولا مره جاب سيره الشهداء ولا كان اكتر من 300 واحد ماتوا..
واول وعد شفيق يديه للشعب عالهوا قبل احداث البلطجه قال على جثتى حد من شباب التحرير يتأذى تانى يوم 14 ماتوا و1500 جريح..
شفيق لما اتسأل عال bbc ليه الرئيس مش هيتنحى؟ جاوب ان دى مش ثقافه مصريه ههههههههههههههههه والله هم يضحك يعنى الثقافه المصريه قتل المظاهرين المسالمين وكلاب الشرطه ترهب الشعب وقطع النت واعتقال الصحافيين و و و و كل دا يمشى ثقافه عادى يا شفيق ...
للاسف النظام مع ارهابه الاعلامى بالذات خلى ناس كتير تقلب وتتهم المتظاهرين بوقف الحال و و و و و ونسوا ان المئات منهم دفعوا حياتهم
نفسي اقولكم نتراهن ونشوف لما النظام يقف على رجله هيعمل ايه بس مينفعش لاننا مش طرفين كلنا فى نفس المركب لاما كلنا هنخسر لاما كلنا هنكسب
ربنا يستر
المتظاهرين مش واقفين حال حد
النظام بيحاول يلبسهم هذه التهمة لكي يثير الناس عليهم
وأغلب الناس يرون ذلك ومتأكدين من خبث نظام مبارك ولا خلاف فيه
الخلاف هو في الخطوة القادمة الصحيحة ما هي ؟؟؟؟؟؟؟؟؟؟؟؟؟؟
للأسف هي في علم الغيب
وكلنا نحاول الإجتهاد في الحل الأفضل
ولذلك تختلف الآراء
وكلنا نتمنى إتخاذ الخطة التي ستوصلنا للنصر حتى لو كانت على خلاف رأينا
المهم هو النصر
لكن أين
الله أعلم
طب يا باشمهندس أحمد و حضرتك راجل مثقف و فاهم و صاحب عقل من متابعتي للمشاركاتك في المنتديات المختلفة
دلوقتي سؤال بسيط ،، المعتصمين في ميدان التحرير ،،
ضمانة و عامل ضغط علي النظام أم لا ؟؟؟
حتي لو بيقولوا ريان يا فجل و شوية عيال صغيرة ( مع إختلافي مع كل هذه الأفكار )
حتي لو لجان الحكماء و قادة المعارضة و كله بيتفاوض و لكن في النهاية هم ورقة الضغط الحقيقية
مش هاسبق إجابتك و لكن أنا متأكد منها
بح صوتى فى إفهام الناس هذه النقطة التى تمثل للبعض واحدة من أعقد نظريات آينشتاين
النظام فور استكانة المظاهرات ستظهر أنيابه من جديد على كل من نظم وشارك وعلا صوته ولكم فى 30 سنة عبرة يا أولى الأباب وللا لحقتوا تنسو!!!!!!!!
إذا أردت التخلص من النظام الفاسد تخلص منه كله و مرة واحدة حتى لا تقوم له قائمة ولا تترك فرصة أخيرة يستقوى بها عليك ويجد الفرصة الذهبية إما للفرار أو للاستقواء والانتقام
هالة فهمي المذيعة بالتلفيزيون المصري إستقالت و نزلت ميدان التحرير
و تتهم أنس الفقي إنه أحد الداعمين للبلطجية