الموضوع: الحكم إنتقل والبلد تغيرت وتسير في إتجاه التغيير الشامل والمظاهرات الآن تقود لكارثة

ههههه ،،، مقولشي لحد في المنتدي إزاي ،،، هوا أنتا كاتبها بالحبر السري ؟؟؟

عايز بس اضيف رؤية ثالثة لرؤية إن مبارك يتثعلب أو إن مبارك مجرد صورة ورقية

الرؤية الثالثة ،،، إن كلمة إسقاط النظام ،،،، مبارك رمزه و لكن ليس هوا النظام بالكامل

يعني النظام ممكن يستمر و لكن ليس تحت اسم مبارك

و اعتقد إن ده رغبة أمريكا و إسرائيل حاليا ،، مش عايزين تغيير فوري و لا عايزين انتخابات و لا ديمقراطية

عايزين يكون أشخاص جدد بنفس مبادئ النظام السابق

اعتقد إن كلنا متفقين إن مبارك كشخص ،،،،، انتهي

و لكن بدون حرية حقيقية و انتخابات حقيقية ،،، فكما تعلم السلطة المطلقة مفسدة مطلقة

المشاركة الأصلية كتبت بواسطة col. Eng. Khaled

من مراسل قناة العربية الإخبارية :

بميدان التحرير تم عقد عقران اليوم لشاب و فتاة - من المعتصمين - تعرفا على بعضهما .

لا تعليق .

أيوون و السياح هيرجعوا تاني

ياخدوا صور جمب المعتصمين علي اساس إنهم من معالم الميدان

يمكن بقه السر الآلهي يطلع و يريحنا كلنا

ده عليه برووووووووووووووووووووووو ووود

معلش- اللى فى ميدان التحرير مش ضاغطين على النظام داخليا فقط- النظام عمره ما همه الداخل - اقروا كلام جنابه للمحطه الامريكيه ان عمره ما همه اللى بيتقال عنه- للاسف زى عبد الناصر- كان بيتسلى بقراية النكت اللى بتطلع عليه قبل ما ينام

منتهى الغطرسه والاستخفاف - لكن الافندى بترعب من ماما امريكا - وده اللى خلاه فى عصبيه وهياج لان كلام اوباما كان واضح انقل السلطه الان - ما قالش له ارحل قال انقل - لكن الغرور والغطرسه واخدين عقله - وللاسف لسه اللى حواليه كم البطانه القديمه

شفتم التليفزيون المصرى المقرف قال ايه لما المبعوث الامريكى قال انه بيرى ان مبارك يستنى لحد اخر مدته علشان ينقل السلطه- هييييه التليفزيون المصرى طلع يطنطن- رغم انه امبارح طلع يهاجم امريكا وانها وانها - الالذ انهم ما جبوش باقى الخبر ان المبعوث ده مهمته كانت انتهت من ساعة ما نقل رسالة امريكا للرئيس - وانه طبقا للبيت الابيض لايمثل بكلامه ده الانفسه - ياترى اتحول لحساب نفسه ده كام من ال 40 ولا ال 70 مليار

ما تستغربوش كل القائمين على السياسه الامريكيه بالذات السابقين منهم بيدوروا على الفلوس باى طريقه

الخلاصه اللى فى الميدان بيدافعوا عن كرامة المصرى اللى انداست بالجزم طول 50 سنه مش 30 بس

وحكايه الاتجاه والتغير بدء - كله كلام فى الهوا- ده حتى رفضوا يدو اى تعهدات مكتوبه

هو احنا حنفضل طيبيين قوى كده لامتى