الموضوع: الحكم إنتقل والبلد تغيرت وتسير في إتجاه التغيير الشامل والمظاهرات الآن تقود لكارثة

المشاركة الأصلية كتبت بواسطة moh.abdelbaset

المظاهرات و المسيرات السلمية أرجو أن تكون مثل الفيضان
الذي يغمر الأرض بالماء ويهدأ حتى نزرع و نحصد ما زرعناه
و لكن إن استمر الفيضان يتحول من فيضان إلى طوفان يأكل الأخضر و اليابس

تعبير جميل جداً ... احييك عليه .

يا سادة موضوع الجيش فعلاً حتى هذه اللحظة محايد .... وقادة الجيش على الرغم من ان بعضهم مخنوق زيه زى الشعب من النظام الفاسد لاكن هما لسة محايديين .
ولو كانوا حد فى الجيش عاوز يعمل انقلاب على الرئيس اللى هو أصلاً القائد الأعلى للقوات المسلحة كان عمل كدة من يوم جمعة الغضب أو من الايام اللاحقة ليه .
لاكن هما زينا بردوا نفس شعورنا بالظلم والقهر من فساد النظام .... هما ناس مش من كوكب تانى دول برضوا والدى و اخويا و ابن عمى و خالى .....الخ يعنى ناس من الشعب برضوا وعاوزين حال البلد كله ينصلح بالتغلب على الفساد المستشرى فيها واللى كان للأسف بيدعمه فساد الأغلبية فى وزارة الداخلية اللى اصبحوا حماة للنظام الفاسد بدل ما يبقوا حماة للشعب اللى هو اصلاً بيدفع مرتباتهم من الضرائب المفروضة علينا .
خلاصة الكلام ..... قادة الجيش بردوا عاوزين الأصلاح السياسى والأقتصادى للبلد زى كل الشعب ومش طمع فى التحكم بالسلطة والا كانوا خلصوا من زمان والشعب كان هيبقى وراهم .
والله أعلم ..

المشاركة الأصلية كتبت بواسطة moh.abdelbaset

اللي يتابع حضرتك في موضوع اللغة العربية
لازم يتعلم من حضرتك حاجة :)
إنت أستاذنا في التعبيرات و البلاغة

الله يكرمك يا سيد محمد .... بس مشفناكشى هناك ليه ساعتها .
وحشتنى الأيام دى .... اكنها ايام كانت فى زمن تانى .... بعالم تانى .