ياجماعة حد يفهمنى قناة الجزيرة بتعملنا كدة لية

**dr-mohamed** · 05-02-2011 09:08 PM

المشاركة الأصلية كتبت بواسطة lion_heart

اضيف عليها كمان قناة المنار حاجة ......... فجة .............و كأنهم هما الاتنين بينافسوا بعض على دم مصر

قناة المنار اللى بيتم سب الصحابة فيها هي كمان بقت وطنية اكتر مننا
قناة المنار اللى صاحبها حرض الجيش المصري يعمل انقلاب بحجة الدفاع عن فلسطين وهو نفسه معملش اي حاجة لفلسطين
حاجة تقرف

المشاركة الأصلية كتبت بواسطة mohamed_hegazy

للاسف مفيش اى وسيلة اعلام محايدة فى الدنيا وفى حاله الجزيرة فهى فى صف الثوار والشعوب واقرب الى الحقيقه من قنوات الكذب الى انتم عارفينها كويس

طبعا كل الاعلام مسيس وموجه
بس لاجزيرة مش في صف الثوار ولا حاجة الجزيرة بتنفذ تعليمات اسيادها في الدوحة وتل ابيب وواشنطن
ولو بكرة قالوا لها ستوب هاتلاقي مفيش اي خبر عن مصر نهائي

المشاركة الأصلية كتبت بواسطة som3aa

من الاخر مفيش تليفزيون بلد دول عالم ثالث بينتقد اى حاجة فى بلده

مش بقول ان الجزيرة محيادة , بس مشوفتش منها اى حاجة وحشة خالص و لا تهييج و لا تقليل الايام ال12 الى فاتوا

معاك بس مش تليفزيونات العالم التالت بس كل اجهزة الاعلام مسيسة وموجهة لخدمة مصالح جماعات معينة واسئل اساتذة الاعلام بس بعيد عن التليفزيون هياكدوا لك الكلام ده
والجزيرة غير محايدة اطلاقا خاص ةمن يوم السبت وكل هدفها التهييج وتدمير مصر واسقاطها

**human** · 05-02-2011 10:03 PM

انت عايوز قناة الجزيره تقف مع مين؟؟

مع واحد موت ولاد بلده ولا مع نظام اطلق رصاص وقتل 300 متظاهر؟؟؟

اى انسان حر هيقف مع الشعب وده اللى بتعمله

و خد بالك انهم عندهم ضحايا كتير من النظام

لو مش عاجبينك انصحك تتفرج على التليفزيون الحكومى ممكن تحس براحه ضمير

**أبو عبدالله** · 05-02-2011 10:12 PM

وعلى فكره على مسألة قطرالنظام بتاعنا عيش الناس في مسألة ان قطر عاوزه نشوفنا مش عارف ايه وتشمت فينا ومش عارف ايه
يا جدعان والله كل ده تحايل على الحقيقه
اللي راح قطر واتعامل معاهم هيعرف اد ايه الشعب بيحترمنا جدا
وكمان اغلب الأجانب هناك في قطر مصريين
واغلب اللي ماسكين البلد وقاموا بها مصريين
ولو تفتكروا موقف امير قطر ايام غزة لما دعى لقمة
دعى مصر انها هيا اللي تقود الموضوع
يعني لو الراجل عاوز يفرد نفسه كان مجبش سيرة مصر انها تقود القمة
ولكن احنا ماشيين ورا نظامنا يقول يمين نروح يمين نقول شمال نروح شمال
وزي ما قال الشاعر
اللي ميعرفشي يقول عدس

**ecybrarian** · 05-02-2011 10:24 PM

الجزيرة لم تطلق النار على المتظاهريين..الجزيرة لم تأمر بذلك..الجزيرة تركز على العيوب ولكن لا تصنعها..مشكلتي الوحيدة كانت اثناء اعمال الشغب!!! كنت حاسس أنهم بيسخنوا الحرامية او بيوجهوهم..يعني بعد خبر عن الخوف على مركز سيتي سنتر المركز اتنهب تماما!! عموما أنا مركز دلوقت على العربية وbbc وكلهم زي بعض على فكرة..بس في الآخر احسن من الفضائية المصرية واخوتها

**otefa** · 05-02-2011 10:28 PM

المصرية كانت فاشلة بأستحقاق في أول أيام الأنتفاضة وتحسنت مؤخرا لحد كبير ومحسوس ودي نقطة تحسب للفريق أحمد شفيق
العكس تماما حدث بالنسبة الجزيرة وغيرها ........كانت على الحياد لحد كبير في أول أيام الأنتفاضة وتغيرت بعد ذلك ولاتركز على نقاط التفاوض الجارية ولا النقاط الدستورية والحلول الممكنة للأزمة .............سطحية رهيبة في التحليل أجمعت عليها هي والقنوات المثيلة
ده غير أنها بتجيب صور لتجمعات قديمة على أنها حديثة وده في حد ذاته يشكك في نواياها

**human** · 05-02-2011 10:30 PM

فى عهد مبارك وحكمته اصبحت قناة الجزيره هىه عدوه مصر

شكرا

**ahmedhawas** · 05-02-2011 11:04 PM

الجزيرة استطاعت بقدرة قادر انها تخللي أبناء الشعب الواحد ينقسموا ويقاتلوا بعضهم - والكلام ده ميعملهوش غير اليهود
الكلام ده حصل في مصر وشوفناه بعنينا وزعلنا جدا
وحصل بين شمال وجنوب السودان
وحصل في لبنان
وحصل بجدارة في فلسطين قبل يوم 25 يناير بيومين تلاتة- وثائق الجزيرة (مسألتوش نفسكم جابوها منين الوثائق دي) - البركة في العقل المدبر (إسرائيل)

الجزيرة بتزرع الفتنة - والفتنة أشد من القتل - وفي أوقات مثل هذه نحن مطالبون بطاعة الحاكم (حتى وإن كان ظالما)

يارب طهر مصر من الفساد والمفسدين

**mikho83** · 05-02-2011 11:25 PM

بصراحة المفروض يشيلوا قناة الجزيرة علشان بتجيب الحقيقة!!!! يا جماعة الأخبار اللي بتجبها الجزيرة هي هي اللي بتجيبها العربية والبي بي سي والحرة والفرنسية والسي إن إنن المفروض نشيلهم من عندنا ونخلي القناة الأولي بتاع الفقي علشان نشوف الأخبار اللي بتطمنا على مستقبل أولادنا. الله يخليك اقفل الموضوع وما تحرقش دمنا

**hossam20102010** · 06-02-2011 12:25 AM

فعلا الجزيرة والعالم كله متأمر علينا!!!!!

قطر وحماس واسرائيل وحزب الله بعتولنا ناس بالملايين تعمل مظاهرات!!!!!!

نيجى للجد

الجزيرة بتنقل الاحداث كما هى مش بتصنعها

ويكفى ان التلفزيون المصرى فى عز امظاهرات كان بيجيب بث مباشر(لكوبرى فاضى فالقاهرة)

-

الموضوع: ياجماعة حد يفهمنى قناة الجزيرة بتعملنا كدة لية

LinkBack

أدوات الموضوع

عرض

-

-

-

-

-

المواضيع المتشابهه

هنا لمقاطعة قناة الجزيرة

قناة الجزيرة الرياضية والتشويش

محمد صبحى على قناة الجزيرة

الكلمات الدلالية لهذا الموضوع

المفضلات

المفضلات

ضوابط المشاركة