حد جرب السواقه بالطريقه دى ونفعت اقصد يعنى النقل من غير الضغط على الدبرياج.....؟؟
[youtube]http://www.youtube.com/watch?v=jLw0hAtOik4[/youtube]
عرض للطباعة
حد جرب السواقه بالطريقه دى ونفعت اقصد يعنى النقل من غير الضغط على الدبرياج.....؟؟
[youtube]http://www.youtube.com/watch?v=jLw0hAtOik4[/youtube]
انا جربتها في عربية لانوس نقلت التاني قبل 40 من غير دبرياج والتالت قبل 60 من غير دبرياج عشان لما بنقل التاني على 40 او بعد 40 الفتيس ما بيجيش معايا
يعنى ممكن الواحد يتعود عليها ولا هتبوظ حاجه فى الفتيس لو نقله غلط -- اصلى عاوز اتعود استخدم الدبرياج عدد مرات اقل....
جربتها فى 128 علشان سلك الدبرياج معذبنى
الاول قبل ما اجرب الكلام ده
بس على اساس انو فى حاجه نفهمها
وهى
ايه هو تعريف الدبرياج وباللغه الانجليزيه cultsh كلاتش
هى اداه تعمل على فصل وواصل الحركه اثناء الدوران
انا ليه لما بجى افصل و اعشق الحركه بدوس على الدبرياج
علشان خاطر سنون التروس بيتم تعشيقها مع بعض ومفيش تروس يتم تعشيقها و هى اثناء الدوران لابد من توقفها بدليل انتا لما بدوس على
الدبرياج بتفصل الجير بوكس عن حركة الموتور قلى هو الفتيس و بعد كده بتعشق و بتشيل رجلك
النقطه هنا ازاى اعشق الترسين مع بعض اى بشكل اوضح ازاى اخلى السنون تيجى قصاد بعض هو ده الايضاح
بس اجرب و اقلوكم تحليلى
حرااااااااااااااام عليه ده بيجرب في ميني كوبر
وبالمناسبة الدواسات بتاعتها مش حلوة
دة حوار, كفاية انك لازم تبقى ماشى على rpm معين, يعادل النقلة اللى هاتنقلها
يا جماعه الموضوع عادى جداً وبيتم فعلن وانا جربته فى كذا عربيه بس فى عربيات حديثة مش بترضى تنقل اصلن من غير دبرياج بس انا جربت الطريقه دى عادى جداً بس اهم حاجه انك تبقى رافع رجلك تماماً عن البنزين وتنقل الغيار براحه خالص فتجيب السرعه وبالنسبه للأستاذ موى اللى بيقول على الآر بى ام انت كده كده مش محتاج ار بى ام علشان تنقل الغيار وانت سايق بدبرياج انت من غير ار بى ام بتنقل الغيار عادى جداً ...
اما بقى بالنسبه لسؤالك انها مؤذيه للعربيه وللا لأ فأنا متهيألى طالما العربيه مش متعلية الكهربا بتاعتها والكاربراتير مظبوط على الصفر فى لفات الموتور يبقى عادى يعنى بس مظنش الخواجه عامل الدبرياج رخامه وللا عاملو منظر !!
مش عارف خايف اجربه
بس هينفع فى العربيات الفيات لما السلك بتاع الدبرياج يتقطع
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟
هو مش المفروض كده التروس تتكسر ؟؟؟؟؟؟؟؟؟؟؟؟؟؟؟؟؟؟؟؟
وبعدين الفتيس مش هيرضي أصلا !!!!!!!!!!!!!! هيرضي أيوه بس بعد لما التروس تتكسر الأول ..
عامة دي ميني كوبر يعني ممكن نتوقع منها أي حاجة حتي لو مشيت ع الحيط
مين قالك التروس تتكسر ؟؟ لا مش هاتتكسر ولا حاجه جرب الطريقه هتلاقى الغيار بيجى معاك مفيش مشكله خالص بس انت ارفع رجلك خااااااااااااالص من على البنزين وجرب ورد عليا .... وبالنسبه للمينى هى فعلن تحفه فنية ماشية على الأرض بس معلش يعنى مش أى أى ولا زى زى تيجي ايه جنب ال 131 ولا موستانج وللا اى حاجه من الحاجات التقيله العفية بتاعتنا دى دى هى اه عربية ثابتة وعلى اى سرعه تاخد غرزة وعن تجربة :grin54: بس برضه لكل مقام مقال
سبحان الله الي بيقولك انقل الفتيس من غيرمتدوس دبرياج ويقولك بس ارفع رجلك من علي البنزين طيب ما انتا لو هتنقل برضة هتدوس دبرياج وهتشيل رجلك برضة من علي البنزين وثانيآ دة انتا لو مدستش دبرياج لي الاخر بتسمع صوت التروس بتنحل في بعض وبتعمل صوت غبي
ثانيآ ان جربت قبل كدة موضوع اديت عربية الاولني وهيا مبطلة ودورت ودوست بنزين العربيه جريت مني
امابي النسبة لي النقل فا انا شكك ان الفتيس شيف ترونك يعني ممكن يمشي منول واتو ماتك
فى الاساس فكرة الدبرياج انه بيوفق بين سرعةالتروس المتصلة بحركة الموتور وسرعة التروس المتصلة بالعجل ..الراجل اللى فى الفيديو بيعمل كدا بس بطريقة تانى وهى انه بسيب لفات الموتور تقل شوية لما بيبقى بينقل لغايار اعلى ولما بينقل لغيار اقل بيزود شوية بنزين ..هو كدا فعلا عمل عمل الدبرياج
انا لسة مجربها من ساعتين يا شباب
وانا راجع من الشغل كان الطريق فاضي فافتكرت الموضوع قلت اجرب مش هخسر حاجة
المهم كنت ماشي على التاني
طلعت لحد ما وصلت ل 30 كم -انا معنديش عدادا ار بي ام - وقمت رافع رجلي من على البنزين ومحرك وناقل تالت نقل بكل سلاسة
وصلت بالتالت لحد 50 وقمت مكرر نفس الحركة ونقلت رابع
الحياة زي الفل
قلت طب لو نقلت على السرعة المعتادة!
قمت طالع لحد 40 جيت انقل منقلتش
فكيت الغيار التاني بدون دبرياج
بس جيت اعشق التالت طلع صوت عظيم فطبعا مغصبتش عليه
دي كانت تجربتي وعايزين نتأكد من ضررها يا شباب لو سمحتم!
فيرنا 2010
بالنظر الى التركيب الداخلى للفتيس المانوال يمكن توضيح ان له نوعان:1-الفتيس الانزلاقى sliding2-الفتيس دائم التعشيق Synchronizerو فى الحالتين يجب التوضيح ان الدبرياج المستخدم فى الحالتين مسؤول عن فصل او وصل الحركة بين المحرك و الفتيس , فعندما تريد تغيير السرعة تقوم الضغط على الدبرياج ثم فصل النقلة التى كنت عليها ثم توصيل النقلة الجديدة ثم ترك الدبرياج تدريجيا بما يناسب النقلة.يجب العلم ان تعشيق التروس فى حالة النقلة الجديدة يتم بين ترسين احدهما يأخذ حركته من الموتور(له نفس سرعة الموتور) و الاخر من عجل السيارة(له نفس سرعة العجل) الموصل مع الفتيس بالكورونة او الكردان و هى وصلات ميكانيكية , يجب عند التعشيق ان يكون الترسان لهما نفس السرعة و الا يحدث الصوت الغريب الذى ذكره الاخ اشرف ابراهيم.بواسطة الدبرياج يتم تحرير الترس الموصل بالموتور بالتالى يكون حُر و تحت تصرف الترس الاخر الذي له نفس سرعة عجل السيارة و بالتالى تقل سرعة الترس الموصل بالموتور لانه حُر بما يتناسب مع سرعة الترس الاخر الموصل بالعجل و بالتالى يحدث التعشيق بسلاسة و بدون صوت عالى.اذا اردت استخدام النقل بدون دبرياج يجب معرفة اولا حركة يقوم بعملها سائقى الميكروباصات و النقل و هى تُسمَّي بفاصل الجاز و اسمها كذلك لان السيارات التى يقودونها تسير بالسولار اذن عندنا هنا اسمها فاصل البنزين :اذا اراد السائق الا يستخدم الدبرياج لظروف ما فانه يقوم بفصل النقلة التى كان عليها بتحريك عصا الفتيس الى وضع التعادلN بسرعة و ذلك حتى لا يترك فرصة للترسين المعشقين فعليا ان يصطدما ببعضهما عند الاطراف فى نهاية عملية الفصل, ثم يقوم بعمل فاصل البنزين و هو ان يضغط على دواسة البنزين ضغطة واحدة بحيث يزداد مؤشر ال RPM من 1000 ر ب م الى 5000 ر ب م بالتالى تكون قد سمحت للموتور بتكوين مدى سرعات كبير بالتالى يستطيع الترس المتصل بالموتور و الذى لم يتم فصل حركته عن الموتور لانك لم تضغط دبرياج ان يتزامن مع الترس الاخر الموصل بعجل السيارة عند نفس سرعته وذلك بمحاولة تحريك عصا الفتيس للنقلة الجديدة المطلوبة بدون عنف حتى لا تجبر الترس على التعشيق و هو فى حالة اختلاف فى السرعة مع الترس الاخر.نصيحة: لا يجب استخدام هذه الطريقة الا فى الطوارئ ,اى عندما تكون فى سفر و الدبرياج فاصل و لا يمكنك اصلاحه و فى هذه الحاله تستطيع اختيار نقلة- مثلا الثالث- و لا تزيد عنها لان سرعة استجابة السيارة لك فى تغيير النقلات طبعا لا تقارن بوضع الدبرياج الطبيعى تحسبا لاى موقف طارئ ستضطر خلاله الى تغيير السرعة فجائيا.ملحوظة: أصعب وضع للنقل بهذه الطريقة هو النقل و السيارة ساكنة لانه لايمكن النقل لاستحالة ايجاد سرعة عندها يمكن تعشيق الترسين ( الترس الموصل بالموتور فى حالة حركة و الاخر ساكن لان عجل السيارة ساكن على الارض) اذن يجب ادارة السيارة بالزق ثم التكملة بفاصل البنزين او ان تدير السيارة و هى على نقلة الاول مع ملاحظة ان السيارة ستتحرك للامام تلقائيا عند التشغيل حتى لا تصطدم بشئ و فى ذلك حمل عالى على المارش.والله أعلى و أعلم