هو اية النظام دا واية علاقتة بالرئيس؟تفتكر لو الرئس مشى النظام حيسقط ولا البلد اللى حتصقط
عرض للطباعة
المتظاهرين ألي يمشو لأنهم زودوها قويييييييييييييي والسحر هايتقلب على الساحر وعلينا كلنا
ياسيدى تظاهر فى جزء وسيب الميدان ماشى دانا بقعد ساعة علشان اعرف اوصل لشغلى وكل المناطق المحيطة بالميدان لغاية العتبة اتقلبت رايح جاى
الشركات والمحلات اللى فى التحرير وطلعت حرب وقصر النيل كلهم قاعدين ياكلوا طوب واذا كنا احنا قاعدين يعيد متاثرين لكن الناس دى فى اخر الشهر مش حتاكل عيالها ثورة وحرية
الناس اللى شغالة فى المناطق دى حيتقلبوا عليكم وحتفقدوا تايدهم
متسبوش التحرير وتمشوا لكن ادوا الطريق حقه
لأ مش هى دى الديموقراطية بس انت شايفها لوجيك إنهم يوسعوا الدنيا للعربيات من غير ما ناس تمشى و لا حتى يسيبوا المكان و يقفوا على الرصيف بعد كده يشحتوا طلباتهم ما هو لازم بالعقل كده وجودهم يبقى بيمثل مشكلة عشان يبقى بيمثل ضغط فمطالبهم تتاخد فى الاعتبار أما إنهم يقفوا مش عاملين أى مشكلة فالحكومة هتقول يولعوا و لا كأنهم موجودين هو بيعمل ضغط غير وجود مشكلة و لا هما لو كانوا واقفين فى ميدان سليمان أباظة مثلا و لا سفنكس كانت هتفرق مع الحكومة فى حاجة فبلاش نقول دى ديكتاتورية لأنها الوسيلة الوحيدة المتاحة للضغط و على فكرة حكومتنا الجميلة استعملت نفس الوسيلة و أغلب الناس اتضحك عليها و صدقت لما سحبت الشرطة و قالت إن الناس اللى فى التحرير السبب و لما وقفت كل البنوك و البورصة و الشركات و زودت ساعات الحظر و قالت الناس اللى فى التحرير هى السبب لكن دلوقتى بانت كدبتهم لما كل حاجة رجعت طبيعية و هى عايزة توجهلهم رسالة وجودكم هنا زى عدمه خليكم قاعدين مافيش حاجة هتحصل و بتقول الناس برده هما السبب فى مجمع التحرير مقفول عشان الناس تثور عليهم