الجيش يستعد لإخلاء ميدان التحرير... رجاء الدعاء

**dodino2006** · 05-02-2011 09:29 PM

ذكرت قناة الجزيرة ان الجيش يستعد لاخلاء ميدان التحرير و ان حشود من الاشخاص تتوافد علي الميدان لتشكيل ما يشبه درع بشري.... رجاء من الاخوة الاعضاء الدعاء لاخواننا من المتظاهرين و افراد الجيش انه يعدي اليوم علي خير و ان لا يتهور احدهم علي الاخر و لا تراق نقطة دماء واحدة من اي مصري .....

.

**dr-mohamed** · 05-02-2011 09:36 PM

قائد المنطقة المركزية راح النهاردة علشان يكلمهم ويقنعهم انهم يفتحوا جزء السيارات من الميدان هتفوا برحيل مبارك
تركهم وقال مش هقف في مكان بيتقال فيه الكلام ده
الناس مش مستوعب خطورة موقف الجيش وبيعاندوا فيه فاكرين انه امن مركزي
وعلى فكرة الجيش مش بيخلي الميدان الجيش بيخلي اماكن السيارات فقط
ربنا يستر وتعدي على خير

**تامر.محمد** · 05-02-2011 09:38 PM

ربنا يستر ان شاء الله

احد اصدقائي كان هناك و قال ان المتظاهرين رقدوا على الأرض كدروع بشرية قدام الدبابات و الجيش ساعتها وقف

الكلام ده كان من ساعتين , الله اعلم ايه اللي حصل بعدها

**Col. Eng. Khaled** · 05-02-2011 09:46 PM

المشاركة الأصلية كتبت بواسطة hossaam

يا سلاااااام !!!...غريب جدا كلامه ده...هو الجيش بتاع الشعب ولا بتاع مبارك؟؟!!

تحت أي حال من الأحوال

بالنسبة لمصر منذ ثورة 52 ، رئيس الجمهورية (أيًا كان) = القائد الأعلى للقوات المسلحة .

**Ralliart** · 05-02-2011 10:01 PM

المشاركة الأصلية كتبت بواسطة dr-mohamed

قائد المنطقة المركزية راح النهاردة علشان يكلمهم ويقنعهم انهم يفتحوا جزء السيارات من الميدان هتفوا برحيل مبارك
تركهم وقال مش هقف في مكان بيتقال فيه الكلام ده
الناس مش مستوعب خطورة موقف الجيش وبيعاندوا فيه فاكرين انه امن مركزي
وعلى فكرة الجيش مش بيخلي الميدان الجيش بيخلي اماكن السيارات فقط
ربنا يستر وتعدي على خير

لا مقالش كده
فضل يتكلم عن الشرق الاوسط وشوية تخاريف وقالهم روحو بيوتكم مش فضو مكان للعربيات

**heshamzaky** · 05-02-2011 10:02 PM

المشاركة الأصلية كتبت بواسطة hossaam

يا سلاااااام !!!...غريب جدا كلامه ده...هو الجيش بتاع الشعب ولا بتاع مبارك؟؟!!

القائد الاعلى للقوات المسلحة هو رئيس الجمهورية و أذا لا قدر الله حدث تمرد من بعض قيادات الجيش و دة مش حا يحصل أبدا هناك جيش أخر يتم من خلالة حماية رئيس الجمهورية . يا شباب بجد أفهمو الصورة صح و عيشو الواقع الى أنا شايفة انة لغاية دلوقتى بيطبطب على الشباب دول بس دة مش معناة أن الشباب تتمادى كفاية كدة و أسألو حد بيفهم فى الامور دى علشان تكون الامور واضحة صح

**A.Saad** · 05-02-2011 11:29 PM

طيب المفروض ان الناس تقعد فيى البيت وما ترحش شغلها علشان المظاهرة
هيا دى الديمقراطية اللى بتنادوا بيها
المفروض يكون فيه احترام للحرية
يكون فيه عدم مضايقة للى عايز يمشى واللى عايو يقف
مش لازم يبقى احتلال
يارب البلد تفهم بقى