مشــكلة رعشــة فى الفتيــس الأتومــاتيك فى نيـــسان صنــى موديـــل 2006

**Elsayed** · 29-10-2007 06:21 PM

شكرا يا باشا وربنا يسهل ومتكنش حاجه كبيره انت عارف مش ناقصه مصاريف

**معاذ الشرباصى** · 29-10-2007 06:42 PM

شكرا يا باشا وربنا يسهل ومتكنش حاجه كبيره انت عارف مش ناقصه مصاريف

حضرتك لو العيب ده عيب صناعة مش سوء استخدام يبقى هيتصلح على حسابهم حتى لو وصل الامر الى تغيير الفتيس بالكامل

**Elsayed** · 29-10-2007 06:46 PM

أ معاذ انت مش واخد بالك انا شارى العربيه مستعمله وتقريبا الراجل كان عامل فيها شغل يعنى خرجت من التوكيل لأن الشغل المعمول فيها مش بتاع توكيل وكمان هو لاعب فى العداد تقريبا لأن لو كانت فى الضمان كان عمل شوية حاجات فيها لسه انا هاعملها صح عموما انا هاروح التوكيل وربنا يسترها

**معاذ الشرباصى** · 29-10-2007 07:04 PM

معاذ انت مش واخد بالك انا شارى العربيه مستعمله وتقريبا الراجل كان عامل فيها شغل يعنى خرجت من التوكيل لأن الشغل المعمول فيها مش بتاع توكيل وكمان هو لاعب فى العداد تقريبا لأن لو كانت فى الضمان كان عمل شوية حاجات فيها لسه انا هاعملها صح عموما انا هاروح التوكيل وربنا يسترها

اولا حضرتك العربية مو 2006, يعنى ضمانها يخلص اما فى 2009 او لما العربية تكون مشيت 100 الف كم

هل حضرتك مشيت بالعربية اكتر من 100 الف كم؟

وكيل نيسان مش متعنت اوى, و حتى لو الراجل عامل حاجات فى العربية , الجزء ده فقط هو اللى يخرج من الضمان, مش العربية كلها

مثلا لو هو عامل حاجات فى ضفيرة الكهرباء, يبقى الكهرباء بس تطلع بره الضمان

و مظنش ان الراجل لعب فى الفتيس

حضرتك متقلقش, و روح وانت مطمن

و اقرأ الكتالوج و شوف ايه الحاجات اللى بتخرج العربية من الضمان

**Ahmed Anwer** · 28-03-2008 03:25 AM

احتمال تكون قواعد موتور ،،

مش فتيس ،،،

عشان كان عندي حاجة زي دي في السويفت الأتوماتيك

و الله أعلم ،،

انتظر رد م / سبعاوي

و كده كده عليك و علي التوكيل مش هتخسر حاجة

**maged george** · 01-04-2008 09:06 PM

على فكرة انا معايا صني 2007 اتوماتيك وانا شايف ان ده شيئ طبيعي انك لما تنقل من ال P الى D او R يحصل رعشة عشان انت دايس على الفرامل وهي بتاخد حركة والدليل على كده انك لما بتسيب الفرامل العربية بتتحرك وتمشي وبرده روح التوكيل وشوف هيقولولك ايه .

**mohamed ibiza** · 01-04-2008 10:04 PM

روح التوكيل اللي في الهايكستب احسن هما اكيد فاهمين عربيتهم اكتر من اي حد تاني

Ibiiiiiiiiiiiiiiiiiiiiiiiiiiiiiiiiiiiiiiizzzzzzzzz zzzzzzzzzzzaaaaaaaaaaaaaaaaaaa For Ever

**sab3aawy** · 02-04-2008 06:34 PM

سؤال:

الموضوع ده بيحصل معاك والعربية لسة دايرة حالا ولسة باردة ، وللا بعد ما تسخن كمان؟

لو بيحصل معاك وهى لسة باردة فقط فدة طبيعى

لكن لو فضل معاك لحد ما العربية تسخن يبقى فيه عندك مشكلة

**Elsayed** · 08-04-2008 08:43 AM

الإخوة الأفاضل لقد وجدت حل لمشكلة الرعشة فى العربيه لما ذهبت للتوكيل ألا وهى ان المقاومه التى تسمى dropping resistor ليست موجوده فى مكانها وعندما ركبتها انتهت المشكله والحمد لله ولكن للأسف لم اجد المقاومه فى اى توكيل واتشتريتها استعمال من بورسعيد
هذا لعلم الجميع وشكرا

**ashrsy** · 08-04-2008 06:29 PM

المشاركة الأصلية كتبت بواسطة Elsayed

الإخوة الأفاضل لقد وجدت حل لمشكلة الرعشة فى العربيه لما ذهبت للتوكيل ألا وهى ان المقاومه التى تسمى dropping resistor ليست موجوده فى مكانها وعندما ركبتها انتهت المشكله والحمد لله ولكن للأسف لم اجد المقاومه فى اى توكيل واتشتريتها استعمال من بورسعيد
هذا لعلم الجميع وشكرا

الف مبروك ان العربية اتظبطت معاك بس كنت عاوز اسالك سؤالين
1 اشتريتها بكام ومنين فى بور سعيد؟
2 فين مكان التوكيل الى اكتشف العيب الخطير؟ لأن دا حصل مع واحد صاحبى وداير يلف على الورش بدون أى فايدة
مع خالص تحياتى