إشتريت سيارة نيسان صنى 2006 1600 أتوماتيك مستعملة منذ شهر واحد ولكن للأسف عندما جربتها بعد ذلك وجدت ناقل الحركة الأتوماتيك به شىء غير طبيعى ألا وهو عندنا اغير من وضع ال p الى d او R اشعر برعشه صغيره فى العربيه وايضا عند الحركه وعند اخذ اول غيار لها تحث هزه او نتشه فى الحركه
افيدونى ما هى المشكله وهل يلزم الكشف على الجير ام لا ولو اشتريت واحد جديد ما هو سعره؟[/url][/b]
اولا عند نقل من بى الى اى نقله لاذم تكون دايس فرامل وبعد النقل ترفع رجللك من على الفرامل ولن تجد اى رعشه
انا فعلا بكون دايس على الفرامل اللى فيها ايضا فاصل الحركه (الدبرياش) ولكن تحدث الهزه ايضا عند تغيير ناقل الحركه لأى وضع
لاذم تروح التوكيل ومتخليش اى حد يلعب فى الجير وهى لو 2006 تبقى فى الضمان لو لم تعدى 60000 كيلو
شكرا على الرد والمشاركه اخى العزيز بس انا مقيم فى العاشر من رمضان ومعرفش حاجه فى القاهره خالص ممكن تقول ليه فين اقرب توكيل كويس ليه اروح له وجزاكم الله خير
وكمان انا مش عارف ممكن اللى كانت معاه السياره قبل كده يكون لاعب فى عداد الكيلو مترات لأنها الان 6 الاف كم فقط فممكن يكون مصفر العداد او كان فاكك الحساس بتاعها علسان مش يعد ال كم ولا ده مش ممكن يعمله أفيدونى لو سمحتم فأنا خبرتى بالسيارات محدوده
العاشر يبقي اقرب مركز صيانة مودرن موتورز في الهايكستب يعني طريقك يا باشا
لا العداد مش مصفر احتمال يكون مشغل عداد رحلة حضرتك فيه زرار طويل في العداد دوس عليه حيظهرلك العداد الاصلي للعربيه
شكرا يا أ اشرف عبد القادر على الرد بس يا ترى التوكيل ده فى الهايكستب فيه كل حاجه وقطع الغيار المطلوبه للنيسان صنى معلش اعذرنى انا اول مره هاروح التوكيل بعربيه
ضمان العربية 3 سنين او 100 الف كيلومتر ايهما اقرباقتباس:
لاذم تروح التوكيل ومتخليش اى حد يلعب فى الجير وهى لو 2006 تبقى فى الضمان لو لم تعدى 60000 كيلو
طبعا عندهم كل حاجة من الابرة للصاروخ بدون اى مبالغةاقتباس:
شكرا يا أ اشرف عبد القادر على الرد بس يا ترى التوكيل ده فى الهايكستب فيه كل حاجه وقطع الغيار المطلوبه للنيسان صنى معلش اعذرنى انا اول مره هاروح التوكيل بعربيه
شكرا يا باشا وربنا يسهل ومتكنش حاجه كبيره انت عارف مش ناقصه مصاريف
حضرتك لو العيب ده عيب صناعة مش سوء استخدام يبقى هيتصلح على حسابهم حتى لو وصل الامر الى تغيير الفتيس بالكاملاقتباس:
شكرا يا باشا وربنا يسهل ومتكنش حاجه كبيره انت عارف مش ناقصه مصاريف
أ معاذ انت مش واخد بالك انا شارى العربيه مستعمله وتقريبا الراجل كان عامل فيها شغل يعنى خرجت من التوكيل لأن الشغل المعمول فيها مش بتاع توكيل وكمان هو لاعب فى العداد تقريبا لأن لو كانت فى الضمان كان عمل شوية حاجات فيها لسه انا هاعملها صح عموما انا هاروح التوكيل وربنا يسترها
اولا حضرتك العربية مو 2006, يعنى ضمانها يخلص اما فى 2009 او لما العربية تكون مشيت 100 الف كماقتباس:
معاذ انت مش واخد بالك انا شارى العربيه مستعمله وتقريبا الراجل كان عامل فيها شغل يعنى خرجت من التوكيل لأن الشغل المعمول فيها مش بتاع توكيل وكمان هو لاعب فى العداد تقريبا لأن لو كانت فى الضمان كان عمل شوية حاجات فيها لسه انا هاعملها صح عموما انا هاروح التوكيل وربنا يسترها
هل حضرتك مشيت بالعربية اكتر من 100 الف كم؟
وكيل نيسان مش متعنت اوى, و حتى لو الراجل عامل حاجات فى العربية , الجزء ده فقط هو اللى يخرج من الضمان, مش العربية كلها
مثلا لو هو عامل حاجات فى ضفيرة الكهرباء, يبقى الكهرباء بس تطلع بره الضمان
و مظنش ان الراجل لعب فى الفتيس
حضرتك متقلقش, و روح وانت مطمن
و اقرأ الكتالوج و شوف ايه الحاجات اللى بتخرج العربية من الضمان
احتمال تكون قواعد موتور ،،
مش فتيس ،،،
عشان كان عندي حاجة زي دي في السويفت الأتوماتيك
و الله أعلم ،،
انتظر رد م / سبعاوي
و كده كده عليك و علي التوكيل مش هتخسر حاجة
على فكرة انا معايا صني 2007 اتوماتيك وانا شايف ان ده شيئ طبيعي انك لما تنقل من ال P الى D او R يحصل رعشة عشان انت دايس على الفرامل وهي بتاخد حركة والدليل على كده انك لما بتسيب الفرامل العربية بتتحرك وتمشي وبرده روح التوكيل وشوف هيقولولك ايه .
روح التوكيل اللي في الهايكستب احسن هما اكيد فاهمين عربيتهم اكتر من اي حد تاني
Ibiiiiiiiiiiiiiiiiiiiiiiiiiiiiiiiiiiiiiiizzzzzzzzz zzzzzzzzzzzaaaaaaaaaaaaaaaaaaa For Ever
سؤال:
الموضوع ده بيحصل معاك والعربية لسة دايرة حالا ولسة باردة ، وللا بعد ما تسخن كمان؟
لو بيحصل معاك وهى لسة باردة فقط فدة طبيعى
لكن لو فضل معاك لحد ما العربية تسخن يبقى فيه عندك مشكلة
الإخوة الأفاضل لقد وجدت حل لمشكلة الرعشة فى العربيه لما ذهبت للتوكيل ألا وهى ان المقاومه التى تسمى dropping resistor ليست موجوده فى مكانها وعندما ركبتها انتهت المشكله والحمد لله ولكن للأسف لم اجد المقاومه فى اى توكيل واتشتريتها استعمال من بورسعيد
هذا لعلم الجميع وشكرا
الف مبروك ان العربية اتظبطت معاك بس كنت عاوز اسالك سؤاليناقتباس:
المشاركة الأصلية كتبت بواسطة Elsayed
1 اشتريتها بكام ومنين فى بور سعيد؟
2 فين مكان التوكيل الى اكتشف العيب الخطير؟ لأن دا حصل مع واحد صاحبى وداير يلف على الورش بدون أى فايدة
مع خالص تحياتى
أولا انا كنت مسافر وأخويه هو اللى راح بيها للتوكيل اللى فى طريق المطار ولكنه لم يجد المقاومه به والمهندس الموجود بالتوكيل هو اللى اكتشف الموضوع
ثانيا المهندس نفسه هو اللى اشتراها لى من بورسعيد لأنه يذهب هناك باستمرار وهو الذى عرض ذلك واشتراها فعلا وهو اللى ركبها خارج التوكيل لأن تركيبها مفيش فيه مشكله وأخذ حوالى 800ج
ممكن تكون فى بورسعيد أرخص لو اشترتها بنفسك بس مكنتش فاضى
ارجو ان يكون ردى فيه فائده
خالص الشكر وجزيل الاحترامhttp://www.nilemotors.net/Nile/images/icons/icon7.gifاقتباس:
المشاركة الأصلية كتبت بواسطة Elsayed