يا جماعه الكلام اللي فوق ده هو اللي بيدايق
عرض للطباعة
تقريبا من هول الصدمة احنا لسه مذبذبين والاشارة عندنا مشوشة
انا عن نفسي شوية كدة وشوية كدة
احيانا بحس اني عايزة اقنع عقلي ان المؤامرة خارجية عشان عقلي مش متحمل هول صدمة الخيانة الداخلية
وارجع واقول مهي الخيانة قديمة ومن زمان اللي فرق بس انها دلوقت بقت خيانة ببجاحة ووقاحة وعلى عينك يا تاجر
الحرية مش الفوضي
الحرية انك لما تنظم مظاهرة تبقي في اماكن لا تعوق الحركة او السير زي المظاهرات اللى بيعملها المصريين في الخارج من وراء حواجز الشرطة امام السفارة المصرية وعلى الرصيف ولا يجرؤ واحد منهم ينزل عن الرصيف للشارع والا الشرطة تقبض عليه فورا
انما يوصل الامر لرفض محاولات الجيش لتسيير الحركة في ميدان التحرير مع ترك المتظاهرين في الحدائق والتهديد بالاعتصام بكل ميادين مصر ومنع الحركة بها يبقي مش حرية
كدة تبقي فوضي
وكلام من عينة ان المخالفين في الراي والمطالبين بتوقف التظاهر مبدئيا ونشوف ايه الاصلاحات اللي هاتتم ولو متمتش ننزل البلد كلها يبقوا حزب وطني
او انهم عملاء للامن
او انهم مغيبين العقل
او انهم عاطفيين ومضحوك عليهم
او انهم مستفيدين من النظام
هو ده الكلام اللى بيدايق
ياشباب اهدوا شوية في ايه نازلين بنسلخ في بعض مالنا في ايييييييييييييييييه كولنا اخوات ومنخليش اختلاف فاراء تفتنا ..... ده وقت ازمة ولو تعاضدنا فيه ها أجرها كبييييييييييير
الشباب مش هيروح ولازم كولنا نعترف ان الاخوان المسلمين ممثلين بقوة في التحرير دلوقت وده مش معناه ابدا انهم هم كول من في التحرير بالعكس هم لا يمثلوا اكثر من 30% من الموجودين في التحرير الان علي اكثر التقديرات تفاؤلا لكن هم الوحيدون المنظمون هم الوحيدون المسياسون هم الوحيدون الذين يملكون برنامج وهدف واضح ومحدد وبالتالي فعندما يخرج علينا مدير المخابرات السابق ونائب الرئيس الحالي الرجل الصارم ويقول ان الاخوان لهم ايدي في الفوضي ويصرح الرئيس لل abc الاخبارية ان الاخوان هم سبب الاحداث الفوضوية فهنا من المستحيل علي هذه القوة الممثلة في 30% ان تخرج من التحرير لانه الضمانه الوحيده لبقائهم بعدها ....اما باقي الشباب 70% فهم لايثقون ابدا في النظام ويشاركهم في ذلك غالبية الشعب المصري وساعد علي ذلك غباء المعالجة السياسية والامنية والبطئ في التحرك الشديد كما اوضحت في موضوعي من قبل ....
أنا حاليا أري جديا استحالة اقناع الشباب بان ميدان التحرير اصبح موقعه معروف والوصول له سهل وان هذه الضمانة لان الشباب والمصريون جميعا يؤمنون بان الحكمة التي طالما حفظناها وكتبت دائما علي غلاف الكتب المدرسية ان عصفوراً في اليد خير من 10 علي الشجرة والرئيس الان اصبح في ايدي الشعب واصبح الشعب ولاول مرة هو الحاكم الحقيقي لمصر منذ عصر الفراعنة
حاليا انا شايف ان النظام نجح فى تحويل المتظاهرين اللى بيطلبوا بحقوق الشعب فى ميدان التحرير الى عملاء ومندسين ويقولوا هما اللى خربوا البلد والناس نسيت ما هو أت
1. الداخليه اللى انسحبت بدون مبرر وجعلت الشارع ملك البلطجيه اللى هيه السبب حاليا فى وقف عمل الناس
2. اكيد مفيش واحد هنا فى المنتدى معاناش من المعامله فى اقسام البوليس
3. نسوا العباره اللى غرقت والقطر اللى ولع والأكل المسرطن
وحاجات تنايه كتير كافيه انها تشيل نظم بالكامل مش حكومات
وانا لاحظت حاجه تانيه ان الدستور و مجس الشعب والشورى من كتر ما تم التلاعب فيهم بقينا مش عارفين نصلح النظام مش عارفين نحل مجلس الشعب المزور ولا نصلح الدستور اللى تم تظبيطه على ابن مبارك
وناس كتير متعلمه تقولك البلد بتخسر كل يوم عاوز اقول حاجه ان الى تم خسارته لا يساوى واحد على ميه من اللى تم سرقته بسبب الفساد
متزعلشي يا أ / طارق ،،
أنتا أعمل ما في وسعك
و في الآخر يا أخي التاريخ مبيصنعهوش حواديت السمر و برامج ربات البيوت
التاريخ بيصنعه الأبطال في ميدان التحرير
بمعني آخر ،،، المخالفين دوول اللي هما النسبة السلبية الكبيرة الموجودة في مصر من زمان
اللي هيا بتتكلم و تمصمصم شفايفها و مبتعملشي حاجة في الآخر
فدوول مش فارقين هما هيكونوا مع اللي ينتصر في الآخر و خلاص
لحد إن شاء الله ما تنتصر الثورة و يكون فيه حرية حقيقية وشفافية و مشاركة شعبية
فالناس هتكون رايها بناء علي قناعتها ،،
لكن إحنا لحد كام يوم مكناش نعرف أسماء وزرا اساسا ،،
فالنهاردة بنستسهل و عايزين حد يقولنا كلمتين نمشي وراهم و خلاص
اصبر شوية أخوانا و أهالينا ،،،، بكره هيتغيروا مع مصر كلها إن شاء الله
من القناة الاولى والنايل تي في للمنتدى يا قلبي لاتحزن
سبحان الله الواحد بيلاقي نفس الكلام نفس المنهجية
الله يسامحك يا ريس
30سنة تشوية للعقول وفساد للرؤية
لغاية ما الناس جالها حول سياسي
وخليتهم بقو خايفين من اليويو على طول
يوم الخميس هنا يا جماعة الدنيا هتولع نص الشعب هيولع في النص التاني
بلاش تروحو التحرير بلاش تولعو الدنيا بلاش فتنة
وفي الاخر الحمد لله لما النظام غير تكتيكة مؤقتا وسحب البلطجية عدى اليوم على خير
عجبت لقوم يلوم المقتول ويترك القاتل
هو فين دوا الضغط لسة سيبه هنا
بالظبط يا احمد فعلا
انا قولت لناس كتير كده
ان اللي معارض للمتظاهرين هو اساسا لم يتحرك لعمل شئ السنين اللي فاتت
فلا تنتظر منه اكتر من كلام فقط
يعني مش هتفرق
انا اتحدى حد من اللي معارضين المتظاهرين انه يقدر يبيت في الشارع زيهم علشان هو معارض لأي شئ
وصباح الفل