صــوت تزيـــق من الخـلف عند السيــر فى طريــق غيـر ممــهد فى نيســان صنــى موديل 2001

**hit_mo2000** · 24-03-2008 09:50 AM

مشكلة ارجو المساعده فيها
عندي عربيه صني 2001 باسمع لما امشي في طريق اسفلت مش مستوي بصوت تزييق من ورا .. ده يبقا مساعدين ولا حاجة تانيه .. ولو مساعدين اجيب الاصلي بتاعة النيسان ولا حاجة تانية ..
انا سمعت ان في مساعدين اسمهم منرو ودول سبور .. احسن ولا لأ ولازم اغير الاربعة ولا الي ورا بس ..
ولكم الف شكر .. وعذرا على الاطالة

**hit_mo2000** · 27-03-2008 09:43 AM

يا اخواني ما فيش حد يساعدني ولا ايه ؟؟؟

**noon_eg** · 27-03-2008 08:39 PM

بالنسبه للمساعدين يمكنك التاكد من صلاحيتها من عدمه بالضغط على كل مساعد على حده وتشوف العربيه لما تيجى تطلع بعد الضغط حتطلع بسرعه ولا ببطء وكلما تحركت ببطء سواء اثناء ضغطك باليد لاسفل او اثناء ما سيبتها تطلع تانى يكون المساعد تقيل ولا يحتاج للتغيير
ممكن المساعد يضرب من مطب مثلا او عمر افتراضى 4-5 سنوات فى المتوسط

الخلاصه انك تكشف عند عفشجى كويس مضمون لو قالك لك غيرهم يبقى تغيير الاربعه وخليه يربط لك العفشه كلها ويراجع عليها لو محتاجه اى شىء تانى

بالنسبه للماركه اشترى Kyb يابانى ممتازين وسعرهم حلو حوالى 1000 ج لاربعه مساعدين موجودين عند نافع اللى فى شارع دمشق
انا عندى صنى 99 ومركبهم وحلوين ماتتخافش منهم خالص ولو مش عارف عفشجى كويس انا ممكن ادلك

وربنا معاك

**mohamed ibiza** · 27-03-2008 08:49 PM

احسن عفشجي اتعاملت معاه في شارع المدبح المتفرع من البحر الاعظم بعد قسم الجيزة اكشف عنده و ان شاء الله خيييير

Ibiiiiiiiiiiiiiiiiiiiiiiiiiiiiiiiiiiiiiiiizzzzzzzz zzzzzzzzzzzaaaaaaaaaaaaaaaaaa For Ever

**dr_3eshoo** · 27-03-2008 08:58 PM

ممكن يكونو بطحات المساعد لو مساعدين العربيه تعوم معاك
اكشف عند واحد بتاع عفشه لان دول غالبا يكونوا بطحات مش مساعدين

**hit_mo2000** · 31-03-2008 09:51 AM

مش عارف اخواني اشكركم ازاي ...
الف الف شكر على الردود

**ahmoda** · 22-04-2008 12:55 AM

انا عندى نفس المشكله وعربيتى نفس موديل عربيتك لكن العيب عندى من المقص اللى ماسك الاكس الخلفى مع الشاسيه الجلب اللى فيه بتطلع من مكانها يعنى مش راكبه مرتاحه فيحصل احتكاك يؤدى الى تزييق والحل هو
فك المقص الخلفى وكبس الجلب فى المكبس واعاده التركيب والتزييق هايروح
طبعا ده فى حالة ان العيب مش من المساعدين او السوست الخلفيه ول ان العيب ده بنسبة 80فى الميه من المساعدين