لو انت مكان مبارك دلوقتي
بداية من انهارده يوم 6 فبراير
تعمل ايه
ايه القرارات اللي تاخدها
كل واحد يكتب دماغه
عايزين نشوف ايه القرارات اللي ممكن تتاخد في الظروف ده
عرض للطباعة
لو انت مكان مبارك دلوقتي
بداية من انهارده يوم 6 فبراير
تعمل ايه
ايه القرارات اللي تاخدها
كل واحد يكتب دماغه
عايزين نشوف ايه القرارات اللي ممكن تتاخد في الظروف ده
اطلع على جدة اسمع ان الجو دفا دلوقتى حتى اقعد مع حبيبى بن على حتى ممكن اعمل عمرة
ماهو ده متوقف على ..أنا شايف نفسي إزاي ؟؟
لو أنا شايف نفسي بطل وخدمت بإخلاص وصدق لمدة 30 سنة
ولقيت شعبي كرهني أوي كده .. وكراجل عسكري
هضرب نفسي بالنار
.
.
ولو أنا شايف نفسي سرقت الشعب لمدة 30 سنة
وإتسببت لشعبي في المرض .. والفقر ..والجهل ..والسحل ..والقتل ..والعار ..والقهر .. والذل
ولو هربت هتحاسب ... وكده كده مش هقدر أقعد تاني
وكراجل عسكري ....برضو هضرب نفسي بالنار
بجد
حل المجالس النيابية
دعوة انتخابات نزيهة شريفة
دعوة لتعديل الدستور
دي توقعاتي الايام الجاية
خليكوا فاكرين
اول حاجه هخلى مجلسى المزور يعدل مواد الدستور 76 و 77 و 88
فى خلال ايام زى ماعملت قبل كده مش جديده عليا
هخلى فتره الحكم مدتين بس كل مده 5 سنوات
هخلى اشراف قضائى كامل للانتخابات
هخلى الترشيح مفتوح فى انتخابات الرئاسه لا حد بشرط مثلا تجميع 500 الف توقيع
هستقيل من الحزب الوطنى وهسلم البلد بعدها للانتخابات تكون حره
و والله انا لو مكانه وشفت اد ايه شعبى كان بيكرهنى اد ايه اللى انا عملته فى الناس مش عارف هبص لنفسى ازاى تانى طول عمرى
أنزل ميدان التحرير
وبأمر الله كله هيتحل
هبص لصور الشهداء دول
و مش بعيد خالص انتحر او اتجنن ....
ده لو عندي احساس
بتكلم بجد
اولا : هجيب كل الوزراء القدامى واولهم الحرامى الكبير يوسف بطرس غالى واحمد عز والشلة كلها (والاعدام فى ميدان التحرير ) بالدهس بالدبابات ماعدا يوسف بطرس غالى واحمد عز الحرق بالنار
ثانيا : الاعدام الجماعى لجماعة الاخوان المسلمين اللى هما اصلا مش مسلمين ولا يعرفو حاجة عن الدين الاسلامى
ثالثا: ضرب الرصاص الحى على كل المتظاهرين الخارجين عن القانون والاجانب المندسين وسطهم
رابعا خفض الاسعار الى 3/4 وتوفير السلع الاساسية والخبز والمواد البترولية
خامسا : بعد ما تخلص مدتى فى الحكم هخلى الجيش يمسك بدلا منى ويعين هو والشعب الرئيس اللى يعجبهم
ومع نفسك يا مصر
لو تنحيت مش هتعرفو تعدلو الدستور ولا تحلو المجلس
ومش هينفع اعدل الدستور علشان المجلس مزور
ومش هينفع احل المجلس لأنهم لازم يصوتو علي تعديله
أعملكم ايه طيب
لو في حسن النيه:
-تفويض نائب الرئيس بمباشرة مهام الحكم
-تشكيل لجنه لتعديل الدستور بكل بلاويه في أسرع وقت و أظن ده من الصلاحيات
-ثم حل المجلسين واعاده الانتخابات تحت اشراف قضائي
الغاء قانون الطوارئ
-الافراج عن المعتقلين السياسيين الغير صادر في حقهم أحكام
-تعديل اجراءات تشكيل الأحزاب متبقاش تعجيزيه
-تجميد أرصدة كل الحراميه ثم محاكمتهم ومصادرتها (ما عدا انا .. ممكن اسيبلكم معظمها ماشي والباقي مكافئة نهاية سرقه)
-لو في وقت هفور المجالس المحليه بكل الفساد اللي فيها ومحاربة الفساد في جميع الهيئات الحكوميه ومفيش خيار وفقوس في كل أجهزة الدوله
-إجراء انتخابات رئاسيه مبكره
إيه تاني
المشكله بقي كل الناس اللي دمهم استحل والناس اللي اتظلمت واتقهرت واتاكل حقهم طول 30 سنه .. هراضيهم ازاي
يا ويله من الحساب
هضحك على الشعب وهرشح نفسي مرة تانية
هفضل لازق في الكرسي واتفرج على التلفزيون المصري بس
لو لسه عندى ضمير اضرب نفسى بالنار
او اسلم نفسى للشعب
اما لو مفيش ضمير كالعاده
حفكر ازاى ممشيش من مصر وافضل قاعد فى الحكم حتى لو فى الخفاء (متنسوش هو القائد الاعلى للقوات المسلحه ورئيس الحزب الوطنى ) يعنى على قلبكم على قلبكم
او على الاقل حفكر ازاى أأمن نفسى للخروج بالثروه واعيش مرتاح فى دبى او فى سويسرا
أحاول أعمل شيئ أكفر بيه عن ذنوبى وأقابل بيه ربنا
ازيك يا كبير عامل ايه
بص يا سيدى الفاضل
انا نزلت ميدان التحرير يوم جمعة الغضب وانا اصلا ماليش لا فى سياسة ولا يحزنون قامت الليلة اللى احنا شايفنها دى وللى شكلها مش هيخلص ببص لاقيت جماعة سنية معاهم موتوسيكلات و زجاجات مولوتوف وعمالين يحدفو على المتحف المصرى وانا كل ده مش فاهم حاجة خااااااااااالص لقيت واحد منهم بيشدنى ويقولى ( الله اكبر المسلمين فاقو من غيبوبة مبارك الصهيونى تعالى معانا يا اخى نكسر الاصنام اللى فى المعبد ده (قصده على التماثيل الفرعونية اللى فى المتحف) تعالى الى طريق الخير )
بالله عليك بقى دول ناس يعرفو ايه عن الاسلام هل الاسلام امرنا اننا نكسر فى ممتلاكتنا واثارنا و المبانى والشركات واننا نحدف جنود الامن المركزى اللى هما اصلا فيهم مسلمين ومسيحيين ؟ هل امرنا بنشر الفتنة واشعال المواقف الحساسة اللى ممكن تخرب بلد كاملة ؟ هل امرنا اننا نسرق الدهب اللى هو مش بتاعنا وبتاع ناس مش هنقول بتاع حكومة ؟ هل هل هل هل ...........
انا ما بقولش كلام فى الهوا ولا بألف من دماغى و اقسم بعزة وجلال الله انا لا تبع وطنى ولا معارضة ولا ليا فى اللعبة القذرة دى اصلا
ارجو من الجميع تفهم موقفى
سوف اسخر كل الامكانيات لحمايتي و حاشيتي من المحاكمة بتهم الفساد
لاني لو لم احمي من حولي من المحاكمة سوف يقتلوني تودداً للشعب
و بعدين اسيبها تولع و اطلع علي هاواي :))
اشكك فى روايتك كثيرا
انا كنت هناك وقعدت كتيرقدام المتحف وانا اللى شفت الحرامى اللى قاله عليه وزعقنا ان المتحف بيتسرق عشان كنت قاعد قدامه ولقيت فرد بمسدس قالى ان اللى شفته حرامى
ومكانش فيه اى مولتوف ولا كلام من اللى انت قلته
والناس فضلت واقفه قدام المتحف كتير لغايه ما الجيش وصل بيحموه
مكانش فيه تواجد للاخوان بالطريقه اللى بتقول عليها ديه ابدا
ولم يتم القاء اى مولتوف على المتحف يوم الجمعه بتاتا
اتق الله
ربنا هيحاسبك
انا مش عارف بتقول كده ليه بس اتق الله يجعل لك مخرجا
هتخفض الأسعار وتوفر السلع لمين
إنت تقريباً عملت إبادة لكل الشعب حتى الأجانب
ممكن بعدها متلقيش حد تحكمه
تاخد عقد عمل وتروح السعودية بقى
من كلامك يرد عليك
أؤكد أنك لم تكن موجوداً في ميدان التحرير
الكلام الذي تردده هو نفس الكلام الذي قاله لواء شرطة إتصل بالقناة الأولى يوم الجمعة ليلاً أو السبت
وقعد يصوت ويقول الإخوان هيدمروا التماثيل وهيعملوا ويسوا
نصيحة لا تردد كلام من الإعلام فأغلب كلامهم كذب
أو على الأقل عندما تردده أخبرنا عن مصدره ليكون كلامك موثق
أخيراً الإخوان المسلمين في الغالب لا يطلقون لحاهم
وإنت قاعد تقول ناس سنيين على موتيسيكلات !!!!!!!!!!
الكل يستطيع الحديث والكتاية
لكن كل كلمة ستكتبها وتنطقها ستحاسب عليها يوم القيامة
والذي يقول رأيت ولم يرى هذه كبيرة من أكبر الكبائر وهي قول الزور
راجع موضوع عن التعديلات الدستورية كما اراها وقولي رايك
انت عايز الراجل ينزل ميطلعش
لا موقف ولا غيره
ما رأيته بعيني من حوالى الساعة 11 في ميدان التحرير كان فيه فعلا ناس على موتوسيكلات
حد فيهم مربي دقنه او لا الله اعلم
حد فيهم رمي مولوتوف على المتحف مشفتش
الحرامية اللى دخلوا المتحف كان تقريبا الساعة 12 او 1 ومصورهم على الموبايل عندي لما الجيش قبض عليهم ورماهم في الجنينة لغاية ما تيجي عربيات تابعة للجيش يشحنهم فيها
تكفير مسلم امر مرفوض مهما كان السبب وتحت اي ظروف ودون تقدير اي شئ ما لم ينطق بنفسه وبارادة حرة بكلمة الكفر
طيب مش كان يقول
واحد كان معدي جنبي قال هي الليلة السودة دي مفيهاش قرش حشيش نظبك بيه الدماغ ولا كله غاز
صعب الإجابة على سؤالك جدا لأنى لو كنت مبارك لا يمكن كنت هوصل الناس للى هما فيه دلوقتى أما لو انت بتفترض إنى فجأة بقيت مبارك بعد اللى حصل فأكيد هسأل ربنا توبة و مغفرة من 85 مليون فى رقبتى قصرت فى حقهم واحد واحد و أستغل سلطتى اللى فاضلة على قد ما أقدر عشان أحقق مطالب الشعب بدون وعود براقة زائفة و أسيب الحكم علطول مع استعداد تام لتقبل حكم الشعب كتكفير عن ذنوبى ناحيتهم