شكرا يا شباب على إهتمامكم
اللى حصل أغرب من الخيال .
بعد مكالمة المدير الإقليمي في دبى لقيت المصنع هنا بيكلمنى و عايزيين يشوفو العربية علشان لو ينفع تتصلح يعالجوها ... ضحكت و قولت يبقى مافيش جديد إنتو شايفين إن المشكلة سهل إصلاحها و انا مش عايز الإصلاح يبقى لقائنا مالوش لازمة .... فطلب منى مدير الضمان إنى اشوف العربية و اقولة أخر تطورات البقع إية .. و بلغتة إن فى بقعة جديدة ظهرت فى مكان مكانش فية بقع قبل كده .. اول ما سمع كدة سكت و قاللى طب انا حكلمك تانى و بالفعل كلمنى بعد 4 أيام و حدد معاد الخميس اللى فات و طلب أروحلهم المصنع علشان فى لجنة كبييييرة عايزة تشوف العربية فى غرفة الكشف على الدهان
و قد كان روحت فى الميعاد و دخلنا الغرفة و كان التعامل المررة دية بإهتمام فوق العادي و الراجل المستفز بتاع الدهان كان واقف و لم يفتح بقة بكلمة و احدة علشان انا كنت قايل لمدبر الضمان إننى مش عايز أشوفة تاني و طلبوا منى بكل أدب إنهم يصوروا العربية و أعطونى قلم علشان أعلم على البقع قبل ما يصوروا العربية ...

و الغريب و المفاجأة إنى ما كنتش شايف ولا بقعة و لا أي حاجة مش عارف لية
صحيح انا كنت حاسس قبلها بيومين إن البقع بدأت تقل بس فعلا مكانش فى بقع تماما موجوده
مش عارف راحت لية بس على قد ما كنت مبسوط على قد ما كنت متضايق جدا إنهم فلتوا من تحت إيدي ....
بس قعدنا إتكلمنا شوية و إن نيسان و الضمان و و و و و و أهم حاجة عندهم إرضاء العميل ( عند أمة يا أدهم )
و توتة توتة خلصت الحدوتة ...