الموضوع: شركتك وضعها ايه دلوقتي

الوضع زى الزفت دة بيقولك نخفض ساعات العمل علشان تكون طريقة و ذريعة لتخفيض المرتبات و دة لو فضلت تاخد مرتب أساسا بيقولك حا نجيب منين . دة قطاع السياحة و الطيران . الوضع بقى أسود و مش مطمئن عاوز بقى اعرف الحل فى هذا المأزق . سوق السياحة و سوق الطيران أنضرب و بقى مشلول ((( هل دى ضريبة النجاح بقى و لازم تستحمل علشان الناس تتبسط )))) لا تعليق

المشاركة الأصلية كتبت بواسطة hagan

انا صاحب شركة صغيرة للاعمال الهندسية
عدد العملين الثابتين عندي (( 20 )) ما بين مهندس و فني
عدد العاملين المؤقتين حسب حاجة العمل تصل الي (( 20 )) اخرين
كل العدد ده بفضل الله بما فيهم سيارات بنستأجرها لتسيير العمل جالسين في البيوت بمن فيهم العبد لله
قبل الاحداث (( يوم الخميس 27-1 )) كانت الحمد لله كل مرتبات الناس جاهزه ولكن كان سيتم سحبها من البنك يوم الاحد (( 30-1 ))
و لكن تمت الاعمال للاسف و لم استطيع صرف فلوس الناس المربوطين في رقبتي
طب الحمد لله الفلوس تم صرفها اليوم من البنك بأعجوبة
معظم الشركات التي اتعامل معها شركات قطاع عام يعني اشتغل و اصرف و فوت علينا بعد كام شهر علشان تأخذ جزء من مستخلصك طب اجيب انا فلوس اشغل بيها الناس لمدة شهر او اتنين منين و بعدين اجري وراهم علشان أأخذ كام ملطوش حتي غير مضمون بعد الاوضاع الحالية و طبعا شركات القطاع الخاص و المكاتب الاستشارية العاملة في المجال اكيد هتلم رجلها في فتح اي مشاريع جديدة و اذا استمرت فسوف تحاول ان تنجز ما في ايديهم و لا يتم التوسع في الاعمال
و ان كنت استطيع الصبر شهر كمان و الحفاظ علي المجموعة الدائمة لا اعرف هل استطيع الصمود اكثر من ذلك
الكثير منهم فاتح بيت و شباب يريدون استكمال زيجاتهم
اللهم استرنا و ارحمنا يا كريم

م.حاتم السباعي

و الله ما عارف أقولك أية تصدق ب الله واحد صديقى مهندس مدير مشروع بيقولى حال الى خلفونا وقف و المشروع شكلة حا يتوقف المصيبة الكبرى بعض الناس كانت واخدة عربيات زيرو بالتقسيط حا يكمل باقى الاقساط أزاى البنك مش حا يرحم حد