الموضوع: أرجـــو الإفــادة قى شــراء هوندا اكورد 84-82

'طبعا كل الناس عارفه ان الهوندا احسن حاجه فى اليابانى .. لو حالتها كويسه

ابعد عن المازدا ..ربنا يوفقك .. لازم معاك ميكانيكى مخلص يشوفا

طيب بالنسبه للصيانه بعد كدة وقطع الغيار يا أستاذ مدحت موجودة والا لا وغالية والا الاسعار كويسة

ايه يا جماعة فين اهل الخبرة محدش رد يعنى ارجو اللى يعرف يرد عليا و شكرا

ديه هوندا اكورد عايز تقارنها ب323 ليه...لكن اللى يقدر يفيدك اللى عنده درايه بقطع الغيار المتوفره لمين

ارجو الافادة انا لسة محدش فادنى فى موضوع قطع غيار الهوندا اكورد هى موجودة بسهولة والا لا واسعارها نار والا لا ويارب حد من أهل الخبرة يفيدنى

اهل الخبرة فين معقول محدش يعرف حاجه عن قطع غيار الهوندا الاكورد 82-84 وصيانتها وعيوبها ومزاياها ياريت اللى يعرف يرد عليا يا جماعة

السلام عليكم ورحمة الله وبركاته

أخي العزيز :-
العربية ديه كانت معايا لمدة سنتين بالضبط وكانت موديل 83 ولونها نبيتي وكانت كاملة بس هاف أوتوماتيك يعني ( وديه كانت أول مرة أشوفها ) الفتيس كان عبارة عن علامات يعني على ما أذكر كان فيه نجمه و حرف L وحاجة ثانية مش فاكرها بصراحه وعلى عداد السرعة نفس العلامات يعني لغاية 40 كم كانت النجمه وبعديها لغاية ال 120 كانت ال L .

المهم إني لغاية النهارده بندمممممممممممممممممممممم مم أشد الندم والله العظيم على بيعها أنا كنت شاريها بالضبط ب 18000 ألف جنيه وصرفت عليها حوالي 3500 بس خليتها عروسة من سمكره ودوكو وفرش وصالون ( فكيت الصالون كله ) عند سروجي محترم وفرشت الأبواب ، وكمان جبتلها طقم كبالن كان أياميها بحوالي 420 على ما أفتكر المهم إن قطع غيارها متوفرة في الدقي آخر شارع التحرير قبل الكوبري على إيدك اليمين والشمال بتوع قطع الغيار عندهم كل حاجتها العربية بسم الله ما شاء الله فعلا الهوندا هوندا وأنصحك وبشده وبعنف إنك تشتريها لو هي فعلا كويسه وفعلا وفعلا عمرك ما هتندم .

يعيب هذه السيارة فقط كباقي سيارات هوندا وطوها على الأرض أي نعن ثبات رهيب لكن مشكلة في المطبات لكن معايا أنا ما كانتش فارقه بصراحه لأن العربية كانت تحفه ، عارف والله ليا صحاب لغاية دلوقتي كل ما يشوفوني باللانسر تخيل يقولوا إيه ؟؟؟؟؟؟؟؟ ولا يوم من أيام الهوندا الأكورد .

وعلى فكره العربية كان فيها أوبش كثير جدا لأن الأكورد فعلا أعلى بكثير من السيفك .

مشكور اوى على الرد بس كنت عايز اعرف اسعار قطع الغيار لو امكن