الموضوع: الاخوة الفرسان

انا اخوكم ايمن يا ترى فكرنى ؟
و اعانى بشدة من حالة اكتأب شديد جدا جدا و متأكد ان الجميع بنفس حالتى
و محتاج فعلا نكون حوالين بعضينا
عايز احس ان اخواتى حولى لان الاستمرار فى الاكتأب هاتكون النتأج بتاعتة سيئة
ياريت يا جماعة نكون حوالين بعض للخروج على الاقل نفسيا


ارجو الدخول الى القسم للاحساس بدفء الاصدقاء

انابعد الجيش اما ثبتني بالرشاش مبنزلش من البيت تقدر تقول ركبي سابت ونسيت يعني ايه اكتئاااب من الخضة وهتلاقوا التفاصيل علي دة
http://www.nilemotors.net/Nile/199141-a.html
المشاركه 3
لكن مبدائيا بحاول انسي الاكتائاب لانه هيبقي هم زياده علي هم الثانويه العامه
يلا كل واحد يرجع لموضع تهيس شفروليه وهينسي
لكن مايحدث الان فعلا يدعو الي الاكتئاب ونصيحه بقي من واحد خبرة في الاحزان فكر في اي حاجة حلوة حصلتلك مثلا لحظه استلام عربيتك او ميلاد ابنك او الخ وهكذا وادعوليييييي

بعد الشر عليك يا عمدة من الأكتئاب

انا حاسس ان شاء الله الدنيا هتبقي احسن

يا ريت حضرتك تجرب تمشي في الشارع بعد حظر التجوال هتلاقي الدنيا فاضية و هتلاقي احساس جميل بالأمان

ماهو يا اسامة لو مشيت بعد حظر التجوال فى مدينة نصر يبقى اكيد مش هارجع البيت من الحرامية
ياراجل دول نزلوا واحد من كام يوم من عربيتة هو و بنتة كان موديها مستشفى و اخذوا فلوسة و العربية
و الكثرة تغلب الشجاعة

بص يا خالد انا معاك جدا جدا
فى كل كلمة قلتها
بس الفكرة امتى ترخى الحبل و امتى تشدة علشان ما يتقطعش
انا باعمل كاستشارى تجارى لبعض الشركات على فكرة انا عندى 43 سنة ولا انتمى لاى احزاب وليس عندى بطاقة انتخابية لاقتناعى ان مش الصوت المؤثر بل التزوير ولانى ماكنتش لاقى حد جيد لانتخابة ( دى سلبية وضعها النظام فينا انا معترف ) لكن الموقف مختلف الان سياسيا لازم الكل يعترف ان طريقة الشارع ( الشعب ) سوف تختلف فى الفترة الحالية و الايجابية هاتكون قوية
من الناحية السياسية طبعا فية خطاء بيحدث من ان لازم يسقط النظام بالكامل
انا شايف ان دلوقتى فية اسباب بس الخوف مستقبلا كل ما حكومة تعمل حاجة مش عاجبة شريحة و مجموعة ينزل الناس الشارع و يقول يسقط النظام
المرة دى لازم تكون سلمية و دستورية علشان تستمر كدة دستورية و قانونية
خلى بالك زى ما فية شباب ناضج زى اغلب شباب التحرير فية من الشباب و الفئات العمرية الاخرى غير ناضج و غير واعى
و علشان تتأكد هاتلاقى فى التحرير ناس لا تفهم الغرض من الثورة ولن عندهم مشاكل فى العمل او مطالب على المستوى الحياتى
و الامور الى شايفها و شايف البوادر بتاعتها تخوف من الناحية الاقتصادية
و لو عايز نتكلم بالتفصيل ما عنديش اي مشكلة
و الناحية الامنية طبعا فيها مشكلة و الاستمرار بسبب كم السلاح المسروق يقلق جدا على المد ى الطويل
ما قام بة الشباب كان حلم نحلم بية ولم نفكر انة ممكن يحدث
بس بفضل شباب واعى جدا حدث
و انا اظن ان يجب الحد من المظاهرات و الاضراب فى التحرير و انتظار ما سيحدث فى الفترة القادمة بجدول زمنى و اذا حدث اي شىء من جانب الحكومة الحالية من اعتقالات او عدم تنفيذ الجدول الزمنى صدقنى مش هاتلاقى مليون او اثنين او ثلاثة فى الميدان هاتلاقى على الاقل 30 مليون فى الشارع و اولهم انا
بس الموضوع النهاردة اولويات انا خايف من قطع الحبل
مش عارف وجة نظرى فى التعامل مع الموضوع تعجب الناس ولا لأ
انا كاتب باختصار لان الموضوع كبير
منتظر تقول رأيك انت و باقى الاعضاء
لكن مستعد للنقاش مع اي حد طالما النقاش موضوعى ولا يتعدى حدود الاحترام الى تعودنا علية فى القسم ( فالقسم بة اخلاق الفرسان )

المشاركة الأصلية كتبت بواسطة thekingkhalid_86

ايمن باشا والله ليك وحشة

بالنسبة لوجه نظرى فى الموضوع دة انا على فكرة كنت مقتنع فى الاول بفكرة اننا لازم ننتظر ونشوف الحكومة الجديدة هتعمل اية بس اللى خلانى اغير وجهة نظرى ان لاقيت ان كل التغير اللى حصل هو تغير سطحى ومحلش مشاكل جزرية بمعنى مثلا لما مشوا هيئة الحزب الحاكم كلها محاسبوش لية الناس اللى كانت لازم تتحاكم زى مثلا جمال مبارك و ابو العنين وكل حرامية الحزب ودة اللى خلانى اقتنع ان حتى لو الحكومة كويسة مش هتعرف تدى فى ظل نظام فاسد ودة اللى مخلينى مؤيد جدا لفكرة انه لازم يمشى دلوقتى قبل بكرة علشان منديش فرصة لكل الحرامية انهم يرتبوا اوراقهم او يطلعوا برة البلد

النقطة دى ليها رد قانونى
اولا انت عارف ان البلد فيها قانون طبعا معاك انة كان مفعل على البعض و البعض الاخر لا يطبق علية بس الوضع دلوقتى متغير طيب القانون بيقول اية القانون بيقول لازم بلاغ رسمى و متهيئلى ان فى الكام يوم دول منعوا اكثر من وزير من السفر و التحفظ على ممتلكات و اموال ودى بادرة جيدة جدا لان دى اول مرة تحصل فى مصر و بعد كدة لازم مستندات تثبت الفساد ولا يكون كلة بالسمع فلايوجد حكم بناء عن كلام لازم مستندات مش كدة ولا اية
و بينى و بينك لو مسكو كل من ارتشى او سرق او شارك فى فساد فى على الاقل نصف الشعب لمصرى فوق سن ال 18 سنة لازم يتسجن من امين الشرطة الى كان بيأخذ رشوة الى الموظف العام
و بعد كدة ندى فرصة للمستندات تظهر و انا عندى معلومات ان فية اوراق كثير بدات تظهر و فى المصرى اليوم بلاغات جديدة على نظيف و سمير فرج محافظ الاقصر و الباقية تاتى يعنى الموضوع مش هاينام البلاغات كثير و متنوعة اصبر سوف تجد ما يسرك
واذا كان على الدستور وموضوع تغيرة وحل مجلس الشعب والقصة دية انا رائى ان الدستور كله لازم يتغير واللى خلانا نصبر 30 سنة نصبر سنة كمان ونعمل دستور بجد ومجلس شعب بجد
طيب ماهو علشان كل دة يتغير و خاصة الدستور لازم حسنى مبارك يفضل لان دى صلاحية رئيس الجمهورية حسب الدستور و بعد كدة يجى رئيس ننتخبة يغير الدستور بالكامل و يحل مجلسي الشعب و الشورة الى اخر المطالب
ومن الناحية الاقتصادية وانا احب اشاركك القلق بالنسبة لخوفى من التدهور الاقتصادى بس انا عايزك تساعدنى فى استفسار اقتصادية انت هاتكون اكثر دراية منى بيه هما بقالهم 30 سنة بيقولوا بنحاول يكون عندنا اقتصاد قوى وكانوا بيسرقونا طيب تيجى نفترض اننا لو هانبنى اقتصادنا من الاول بس على ايدى ناس واثقين فيه وقادرين انا شايف ان الموضوع مش هاياخد اكتر من خمس سنوات بالكتير وطبعا انا مستنى انك تصحح لى من الناحية الاقتصادية لو كلامى غلط علشان انت شغلك اكيد خلاك تعرف كتير عن الاقتصاد

بص يا سيدى اقتصاد الدولة هو الموارد للدولة الى بتيجى من البترول و الضرائب و المخالفات و مصادر اخرى كثيرة جدا
لكن فية اقتصاد اخر و هو الشركات الخاصة الاجنبية و المصرية و فية مقولة عن ان راس المال جبان و الى بيحمى الاستثمار هو ان الدولة مستقرة سياسيا لكن لو الموضوع ثورة بمعنى تغير نظام فورى يبقى كل دة هايتئثر لية لان لا يوجد حماية على الاستثمار فممكن الثورة تنادى بان يحصل تاميم للشركات فاي الى يخلينى كا مستثمر احط فلوسى فى مكان ممكن بكرة فلوسي تتامم او اخسر فيها ينطبق نفس كلام المشروعات دى على البرصة المصرية و دة ما عانى منة الشعب و الاقتصاد المصرى ايام ثورة 1952 علشان بأة تغير وجة النظر دى داخليا و عالميا و تبنى ثقة تانى محتاج سنين طويلة جدا جدا
فاحنى فى غنا تماما على كدة
لان الدولة اساسا فيها بطالة و مع خروج راس المال من مصر طبعا فية شركات هاتقفل فى مصر و بالتالى البطالة هاتزيد ها يبقى اية الحل ؟ الحل ان الدولة تعمل مشاريع قومية تشغل فيها الناس( على فكرة دة الى عملة الملك خوفو عند بنائة الهرم الاكبر و عملة جمال عبد الناصر مع ثورة 52 ) دى طيب منين و احنا بعنا بالفعل كل شركات القطاع العام و اظن ان السيولة فى الدولة ما تغطيش انشأت جديدة
واخر نقطة عايز اقولك رائى فيها هى ان كل واحد بعد كدة مش هايعجبة مسئول هايروح التحرير اعتقد ان شعبنا صبوووور جدا ولما بيحس ان المسئول بيشتغل بجد وبيشوف المجهود دة على ارض الواقع هيستحمل لو حد حب يتظاهر علشان يصفى خلافات شخصية محدش هايكون معاه وهتلاقى فى التحرير لوحدة
ما اظنش لان فى التحرير الان ناس مالهاش دعوة بالشباب الى عايز شقة و الى عايز يتثبت و الى عايز يبقى وزير وتعالى نشوف كم الوقفات الاحتجاجية الان فى وزارة الصحة احتجاجات و فى وزارة التعليم احتجاجات و فى وزارة البترول احتججات و غيرها كثير عارف المطالب اية مطالبهم بين التثبيت و المرتبات و تعين اولادهم و احتجاج علشان خايفين وزير التعليم يرجع تانى يعنى مش دستور و رحيل بالنسبة ليهم مطالبهم شخصية تخدم فئة معينة و احنا بنتكلم عن مصر و دستور و محاسبة مسئولين و فلوس مسروقة و رحيل بالنسبة ليهم دستور يا اهل البيت الفوضى دى انا خايف منها و هو اختلاط الحابل بالنابل
و عايزك تفهم ان لن ياتى نظام يرضى جميع الاطراف لا فى مصر ولا فى اي دولة فى العالم مش كدة
انا حبيت انى اقولك وجهة نظرى واسف لو طولت عليك

يا راجل طول ما انا كمان طولت صباح الفل