-
تقرير عن ال byd
الساده / الزملاء
اسف على التأخير ... لاكن انتم عارفين الظروف والاحداث الاخيرة ... وربنا يعدى الايام القادمة على خير ...
المهم ... وطبعا انا مش هاقدر اقول على انطباعاتى الكاملة عن العربية ... لان العربية عاملة دلوقتى تقريبا 350 كم .. ومش بقالها كتير معايا ... وطبعا كان معايا قبلها هيونداى اكسيل .. فا الفرق كبير جدا سواء فى السحب .. او اتزان العربية ... او صالون وامكانيات التابلوة ...
لاكن انا عندى ملاحظتين :
اولا : صوتها عالى جدا لما بدورها الصبح ... والموضوع ده الاخوة اتكلمو عنه كتيييييييييير
ثانيا : الفتيس فية عضة مش مريحانى ... وكمان بحس برعشة فية وانا على الغيار التانى .. بحس بيها جدا لما بكون حاطط ايدى علية ... والرعشة دى مش موجودة فى باقى الغيارات
اما بخصوص البنزين ... فأنا ممون بنزين 92 وحسبت لاقيها عاملة 303 كم فى 26 لتر ... يعنى عاملة 11.6 كم لكل واحد لتر ... ويا رب يكون حسابى ده صحيح ...وطبعا المسافى دى كلها داخل القاهرة واغلبها من الدقى اة الجيزة عامتا الى البيت فى حدائق القبة
المهم ... اخليكم مع الصور .. يا رب اكون رفعتها وها تبان
اسف انى طولت عليكم
http://img101.herosh.com/2011/02/07/712366029.jpg
http://img103.herosh.com/2011/02/07/310412161.jpg
http://img102.herosh.com/2011/02/07/286696795.jpg
http://img101.herosh.com/2011/02/07/608015697.jpg
http://img102.herosh.com/2011/02/07/863045583.jpg
-
ربنا يباركلك فيها يا بوب :_Alshmokh22[1]:.. ويبعد عنك :B4_444:
بالنسبة لصوت الموتور أثناء الصبح .. مش عارف إذا كان عندك فكرة أن صوت العربية الصبح بيبقى عالي نظراً لارتفاع عدد لفات الموتور لتسخين السيارة .. ولا قصدك حاجة تانية !!! .. وبالنسبة للغيارات إن شاء الله تتظبط في أول صيانة .
ومستنيين انطباعاتك عنها باستمرار في تقارير تانية .
-
ما تحرمش منك يا باسم ويارب تكون بخير ... انت وجميع الاصدقاء .. وعقبالك وتجيب الاوتوماتيك ان شاء الله ...
اللى اقصدة بالصوت العالى انا اخى عندة اسبرانزا 516 ... وفية جار لية عندة لانوس ... بننزل فى وقت واحد وتقريبا بندور العربيات مع بعض ... لاحظت ان صوت عربيتى عالى جدا عنهم وعاملة دوشة كبيرة بس الصوت يكاد يكون بينعدم لما بتحرك بالعربية ... وده اللى خلانى اقول الملاحظة دى ...وفية بعض الزملاء كانو علقوا على موضوع الصوت العالى ده ... وانا مش عارف ومش بفهم خالص فى الميكانيكا ولو حبة صغيرة ... هل طبيعة صوت الماتور بتاعنا كدة ولا اية ؟؟؟ ولو كده يبقى نتعود على الصوت وخلاص ... ولا بعد تغيير الزيت فى صيانة ال 1000 كم الموضوع ها يتغير ؟؟؟
هو ده السؤال
-
متنساش أنك لسه في مرحلة التليين وكل شيء حيبقى كويس إن شاء الله بعد هذه المرحلة .. وطبعاً أنصحك بعدم الحرق على الغيارات والنصائح الأخرى الخاصة بالتليين علشان المرحلة دي بيتحدد على أساسها العمر الأفتراضي للموتور وكمان أداءه حيبقى معاك عامل ازاي بعد كدة .
الموتور 4g18 صوتة عالي شوية وخصوصاً في السرعات العالية بس مش بدرجة مزعجة طبعاً .. وإن شاء الله كله حيتظبط بعد صيانة الألف .. ومتنساش تكتب ملاحظاتك عن العربية علشان لما تروح الصيانة تقولهم عليها .. وحاول تتأكد أن فيه فوم راكب وراء الأكصدام ولا لآه .. علشان لو مش راكب تطلب تركيبه في الصيانة الجاية .
-
لية هو راكب سيات علشان يركب فوم دى لسة عربية زيرو ولا نسيو فى المصنع:36_2_33::36_2_33::verygood::verygood: :bravo:
-
مبروك يا بوب علي العربيه وربنا يملهالك بركه ويحمهالك من العين وارجو ان تكون انت والاسره بخير الصوت العالي عند التشغيل طبيعي والعضه هتروح مع الصيانه وان شاء الله ميكنش فيه مشكله :36_8_1[1]::khd::15_2_143:
-
الله يبارك فيك يا memos ... واكيد ها نشوفك فى حدائق القبة .. إن شاء الله
-
الف مبروك عليك السياره وعلينا اخ عزيز في منتدى الجميله
وربنا يديك خيرها ويكفيك شرها
-
ممكم تقولنا علي امكانياتها وكمالياتها
لاني بصراحه مش عارف عنها اي معلومات , انا كان معايا سبيرانزا وكانت جميله ..فلو عجبتني السياره دي ممكن افكر فيها
شكرا للافاده
-
الف مبروك----وهو فعلا محركات الميتسوبيشى صوتها اعلى من التويوتا ومن الكورى ----ممكن تتاكد من اى زميل او جار ليك معاة لانسر 2007/1600cc
Content Relevant URLs by
vBSEO 3.6.0 PL2