تقرير عن ال byd

**ehabpopo** · 07-02-2011 10:05 AM

الساده / الزملاء
اسف على التأخير ... لاكن انتم عارفين الظروف والاحداث الاخيرة ... وربنا يعدى الايام القادمة على خير ...
المهم ... وطبعا انا مش هاقدر اقول على انطباعاتى الكاملة عن العربية ... لان العربية عاملة دلوقتى تقريبا 350 كم .. ومش بقالها كتير معايا ... وطبعا كان معايا قبلها هيونداى اكسيل .. فا الفرق كبير جدا سواء فى السحب .. او اتزان العربية ... او صالون وامكانيات التابلوة ...
لاكن انا عندى ملاحظتين :
اولا : صوتها عالى جدا لما بدورها الصبح ... والموضوع ده الاخوة اتكلمو عنه كتيييييييييير
ثانيا : الفتيس فية عضة مش مريحانى ... وكمان بحس برعشة فية وانا على الغيار التانى .. بحس بيها جدا لما بكون حاطط ايدى علية ... والرعشة دى مش موجودة فى باقى الغيارات
اما بخصوص البنزين ... فأنا ممون بنزين 92 وحسبت لاقيها عاملة 303 كم فى 26 لتر ... يعنى عاملة 11.6 كم لكل واحد لتر ... ويا رب يكون حسابى ده صحيح ...وطبعا المسافى دى كلها داخل القاهرة واغلبها من الدقى اة الجيزة عامتا الى البيت فى حدائق القبة
المهم ... اخليكم مع الصور .. يا رب اكون رفعتها وها تبان
اسف انى طولت عليكم

**bassem.naguib** · 07-02-2011 11:29 AM

ربنا يباركلك فيها يا بوب .. ويبعد عنك

بالنسبة لصوت الموتور أثناء الصبح .. مش عارف إذا كان عندك فكرة أن صوت العربية الصبح بيبقى عالي نظراً لارتفاع عدد لفات الموتور لتسخين السيارة .. ولا قصدك حاجة تانية !!! .. وبالنسبة للغيارات إن شاء الله تتظبط في أول صيانة .

ومستنيين انطباعاتك عنها باستمرار في تقارير تانية .

**bassem.naguib** · 07-02-2011 04:37 PM

متنساش أنك لسه في مرحلة التليين وكل شيء حيبقى كويس إن شاء الله بعد هذه المرحلة .. وطبعاً أنصحك بعدم الحرق على الغيارات والنصائح الأخرى الخاصة بالتليين علشان المرحلة دي بيتحدد على أساسها العمر الأفتراضي للموتور وكمان أداءه حيبقى معاك عامل ازاي بعد كدة .

الموتور 4g18 صوتة عالي شوية وخصوصاً في السرعات العالية بس مش بدرجة مزعجة طبعاً .. وإن شاء الله كله حيتظبط بعد صيانة الألف .. ومتنساش تكتب ملاحظاتك عن العربية علشان لما تروح الصيانة تقولهم عليها .. وحاول تتأكد أن فيه فوم راكب وراء الأكصدام ولا لآه .. علشان لو مش راكب تطلب تركيبه في الصيانة الجاية .

**memos** · 08-02-2011 02:05 AM

مبروك يا بوب علي العربيه وربنا يملهالك بركه ويحمهالك من العين وارجو ان تكون انت والاسره بخير الصوت العالي عند التشغيل طبيعي والعضه هتروح مع الصيانه وان شاء الله ميكنش فيه مشكله

**ehabpopo** · 08-02-2011 08:02 AM

الله يبارك فيك يا memos ... واكيد ها نشوفك فى حدائق القبة .. إن شاء الله

**abaza2107** · 09-02-2011 10:18 PM

الف مبروك عليك السياره وعلينا اخ عزيز في منتدى الجميله
وربنا يديك خيرها ويكفيك شرها

**ALshahba** · 10-02-2011 02:08 PM

ممكم تقولنا علي امكانياتها وكمالياتها
لاني بصراحه مش عارف عنها اي معلومات , انا كان معايا سبيرانزا وكانت جميله ..فلو عجبتني السياره دي ممكن افكر فيها

شكرا للافاده

**mmmmgogommmm** · 11-02-2011 03:02 PM

الف مبروك----وهو فعلا محركات الميتسوبيشى صوتها اعلى من التويوتا ومن الكورى ----ممكن تتاكد من اى زميل او جار ليك معاة لانسر 2007/1600cc

-

الموضوع: تقرير عن ال byd

LinkBack

أدوات الموضوع

عرض

تقرير عن ال byd - انشر الموضوع فى :

-

-

-

-

-

المواضيع المتشابهه

انفراد لنايل موتورز ... أقوي تقرير لـــ... _تويوتا أفنسيس_ (تقرير مصور)

تقرير عن اللوجان بعد 3500 كيلو تقرير شامل ( الكل يدخل )

تقرير مفصل بحملة الكشف المجاني ...... نيسان موتورز إيجيبت (تقرير مصور)

تقرير تجمع كيا بمدينة الرحاب- تقرير مصور-

الكلمات الدلالية لهذا الموضوع

المفضلات

المفضلات

ضوابط المشاركة