موافق
عرض للطباعة
أستاذ كريم
يمكن حصل سوء فهم
بس حضرتك قولت
فأنا فهمت إن مش بس مرفوض أي شتيمة ( و أنا عمري ما شتمت ولا الرئيس ولا وزير حالي ) لأ دة كمان مرفوض أي نقد محترم للرئيس و للوزراء
حصل خير ....... أنا برضه ميرضنيش أي أذية لأي حد
لا تخضع للتهديدات الامنية يا استاذ كريم كلها حلاوة روح ولو استفزوك هددهم باللجوء للقضاء ومكتب حقوق الانسان
على كده هيقفلوا كل مواقع النت المصرية
ولو على الموارد المالية كلنا معاك بس انت حط الية تطوير للمنتدى تكون سهلة وعملية
باشمهندس سمير
انا اعرفك معرفة شخصية
وقابلتك اكثر من مرة
وده اللي بيخليني اتكلم عن ثقة من خلال خبرتي في الحكوم على الناس
حضرتك شخصية محترمة جدا ومهذب
ارائك الحادة شيئ طبيعي في هذة الاونه
لكن اللي بعقوله مش اللي انت بتعمله
اللي غيرك بيعملة
ماينعش اقول على حاحك الدولة ده تيت وابن تيت ويلعن تييييييت
اكيد حتى مش اسلوب حوار حضاري بين ناس متعلمة بتحاول ترتقي بنفهسها بين الامم
ده مقصدي
ولك تحياتي
ألكلام دة عام لكل الناس:
هو لازم عشان نبقى عندنا حرية نشتم؟... انتقد براحتك لكن شتيمة لا
و اللى عايز متنفس عشان يتكلم فى السياسة السايتات كتير... مش لازم نتسبب فى غلق المنتدى (اللى هو منتدى سيارات) عشان السياسة
و على فكرة معظم الاعضاء ليهم عضوية على الفيس بوك و سهل اوى تضيفهم من خلال جروب نايل موتورز هناك و تتكلم فى السياسة لحد ما ريقك ينشف... بس ياريت مندخلش الدنيا فى بعضها و يتحول نايل موتورز الى ساحة سياسية بتناقش الاحداث الاخيرة (حفاظا على التخصص) ولا ساحة لشتم الرئيس (حفاظا على المنتدى و مالكة)
ياريت محدش يقولى كدة كبت حريات و بتاع و كلام من دة... انتوا عندكم حرية تتكلموا براحتكم فى اى مكان... المهم تراعوا تخصص منتداكم و استمراريتة
MMamdouh
السلام عليكم ,
يا شباب الحوار أخدنا و نسينا أهم جزء , المشكلة المادية ازاى هنحل الموضوع دة ؟
really no comment
انا رأيي الان هي بدأ اجراءات شد الحزام بمعنى تقليل الامكانيات والمساحه المطلوبه للمنتدى ودي اعتقد ان الادارة الفنيه للمنتدى قادرة على ذلك وذلك للاتي
- اي دعم مالي من الاعضاء للمنتدى ليه مشكلتين الاولى هي المسئوليه القانونيه المترتبه عليها لجامعي التبرعات بما قد يؤدي لمسائلتهم أمنيا ، المشكله التانيه ب الى اي مدى يمكن ان تستمر هذه المساهمات
- الاقبال الكبير الان على المنتدى الاجتماعي يقابله بالتأكيد احجام كبير من الجميع عن المشاركه في الاقسام الاساسيه كمنتدى سيارات، والاجتماعي بطبيعته الحاليه لا يحتاج لمساحات كبيره لرفع صور وفيديوهات وخلافه ويقتصر على النقاش وتبادل الحوار
اما بخصوص المشاركه السياسيه فده يحدده فقط المسئولين عن المنتدى رسميا ... لانهم في النهايه سيتحملوا نتائج اختيارهم ولا نستطيع طلب اي تضحيات اضافيه منهم .... وان كنت اتمنى استمرار النقاش المحترم بين مجموعه تمثل فعلا أمل مصر في احداث التغيير للافضل .... مع الاعلان رسميا في المنتدى عن ذلك .... هدفنا هو انقاذ مصر ... هدفنا الان ليس الماضي ولكن هدفنا المستقبل
و تبقى فين بقى الديموقراطية اللى الناس بتغنى بيها لما الأمن بيهددك عينى عينك خللى الأعضاء تلم نفسها الراجل لسه فى الحكم مش هى دى الديموقراطية اللى كانوا بيحكوا و يتحاكوا عنها إن أى رئيس تانى ما كنش هيسمح بنصف اللى انتم بتعملوه دلوقتى طبعا ده كان زمان عشان الناس كانت بتتعرض لأسوأ أنواع الديموقراطية ماركة ارغى يا عم الأمور و الليمبى برده ينفذ اللى هو عايزه أما دلوقتى لما بقى الصوت مسموع و مؤثر بدأنا نسمع تهديدات و اقفلوا بقكم و لازم نحترم الكبير حتى لو ما كانش فى السلطة و لو أبوك ضربك حتى كنت هتطرده من البيت و لا هتشنقه و الكلام اللى لا يودى و لا يجيب و لو كان الكلام زى ما هو مالوش وزن تأكد إنك كنت هتشوق رجال الدولة واحد واحد بيتشتموا و ماحدش فيهم أو غيرهم بيفتح بقه ليه عشان الشتيمة ما بتلزقش و أهه الشعب بيفك عن نفسه و بينفث شوية لكن يوم ما الانتقاد ده هيوصل لمرتبة الفعل أو التغيير هنا تسقط الديموقراطية المقنعة و تحل محلها مصلحة أفراد الدولة العليا.
ربنا يكرمك يا كريم إن شاء الله و يفضل المنتدى مفتوح و لو فى إيدينا نعمل أى حاجة حتى لو عايزنا ندفع فلوس للمنتدى عشان ما يقفش أى حاجة انت عايزها ما أفتكرش إن فيه حد هيتأخر عليك و على المنتدى ما عدا إننا نكتم صوتنا و نخرس خوف من التهديد
السلام عليكم ورحمة الله وبركاته
بجد خبر وحش جدا , المنتدى دة بالنسبالى متنفس و حاسس انى وسط عائلة كبيرة , يا ريت لو فى حل ممكن نفكر فيه كلنا مع بعض
معلش كريم سؤال المفروض اني ما ليش فيه
هو تكاليف اشتراك السيرفير كام شهريا
وعدد الاعضاء الموجودين في المنتدي كام
معلش استاذنك بالارقام
علشان نعرف نحدد كده كل عضو ممكن يدفع اد ايه ولما الواحد يلاقي انه هيدفع بتاع 10 جنيه ويدعم مكان هو بيته
ما اعتقدش حد هيمانع
ابعتلي بس ونبدا الترتيبات انشاء الله
أ / كريم .................
بالرغم من قلة مشاركاتي (يمكن علشان عندي مشكلة مع الكي بورد العربي :) لكن لا اقبل ان يغلق هذا المنتدي لما يحملة من معلوات قيمة و كلنا استفدنا منها.
لماذا تأحذ موضوع التبرعات بهذة الحساسية فهذا اقل واجب علينا تجاة هذا المنتدي الذي استفدنا منه كثيرا حيث انني اري انه نوع من التكافل و رد الجميل.
و بالنسبة للاشتراك فارجو ايجاد طرق اخري متعددة لدفع قيمة العضوية المميزة مثل الفيزا مثلا او باليد او تحويل بريدي لتسهيل الأشتراك لانني قررت ان اشترك عندما علمت بهذا الموضوع ولكن لم اتمكن من العثور علي حدمة التحويل بجواري.
طارق قيمة سيرفر المنتدى حددتها في مشاركة سابقة في نفس المووضع
بس معلش لسه ماوصلناش لمرحلة التبرع الحمد لله مش هايحصل
اشتراكات فقط
استاذ عزمي ممكن التحويل بسهولة عن طريق حوالة بريدية
او تحويل بنكي
او تحويل رصيد
كل دي طرق للتحويل
هل هناك اى اخبار جديدة يا استاذ كريم طمنا الاحوال اية حاليا
نسال الله التوفيق يا هشام بيه
وان شاء الله ترجع الامور لمسارها السابق
بس لما الناس تقف على رجلها الاول
و الله يا باشا حتى فى خلال الاحداث الجارية أنا فاكر الموضوع دة و الفكرة أننا كلنا أنشغلنا فى موضوع المظاهرات و القصص دى بس دة لا يمنع أننا برضو ما ننساش الموضوع دة لان الفلوس الى بتتدفع بتاعت السيرفر مش حا تتوقف و لازم نوازن الامور و برضو يا باشا أن شاء الله معاك فى الجديد الى حا يحدث
شكرا جزيلا يا باشا
وان شاء الله المركب ترجع تمشي
واحدة واحدة هانجدف ونمشي