الموضوع: سيناريو يطرح نفسه حول توقف المنتدى

المشاركة الأصلية كتبت بواسطة midohits

على مأظن مش فارقه كتير ، كده كده محدش بيدخل ولا حد بيرد عل مشاركات ولا حاجة من يوم ماتعمل موضوع العضويات داه وانا مش عارف تكاليف ايه الكتير للمنتدى ؟
هوه المنتدى الدومين : 60 جنيه
السرفر آخره كام في الشهر ؟
داه لو سيرفر امريكي : 71 دولار في السنه ياعني 400 جنيه وشوية ، انا نفسي اعرف تكاليف ايه ؟يمكن فيه حاجة الأعضاء مش عارفهاها ، ماحنا عندنا كلنا مواقع ولا بنكسب منها ولا حاجة ، ولو كسبنا فين وفين ، اهم حاجة السمعه الكويسه للموقع والأعضاء ، الفلوس مش كل حاجة
بس معلش اني بتكلم كده بس ، انا زعلان انه حاجة زي دي تحصل لموقع زي داه ، علشان هوه من احسن المواقع في مصر

حضرتك ممكن تبص لها بصة غير التربح ، بقراية الموضوع بعناية حتلاقي العضوية العادية على حالها

المدفوعة لها بعض الترويش مش أكتر لو كان العضو عايز .

لكن بصرف النظر عن حد بيرد و لا مش بيرد فدي - من وجهة نظري الشخصية - مسألة تتفاوت من واحد للتاني

عن نفسي حاطط إستيكر المنتدى على عربيتي كنوع من الإنتماء و لسه ما إستخدمتهوش في أي نوع خدمي

كذلك مشترك في العضوية المدفوعة ، و الإتنين بالنسبة لي مجرد إحساس بالإنتماء ليس إلّا .

أما بقى المنتدى بيكسب / بيتربح طالما مش آذيني في حاجة فدي حاجة ما تخصنيش .

كفاية عليا لقيت فيه رجال أأمنهم على حياتي و على بيتي لو جرى لي حاجة .......... و هو ده سبب إحساسي بالإنتماء للمنتدى بصرف النظر عن المعلومة ........... في رجال بتصرفاتهم

مش بالنوع في الأوراق الرسمية بس ، و رجالة مالهاش في المحلسة للإدارة (مع العلم إن ده مش أسلوب حد في الإدارة) و لا طعن الغير في الخفاء .


إحنا في زمن صعب تلاقي فيه رجالة .

المشاركة الأصلية كتبت بواسطة mostafabakry

و بالنسبة لنفقات المنتدي انا عن نفسي شايف انه جاء الوقت لرد الجميل ، اي نعم الوقت مش مناسب خالص ههههه بس الرجال بتظهر وقت الأزمات و انا رأي اننا نتكاتف كلنا مع بعض و نعمل صندوق خاص بالمنتدي لتدبير نفقات عمل المنتدي من استضافة و غيره
بيقوم علي التبرعات و الجهود الذاتية مع عمل قسم خاص لإطلاع الأعضاء المشتركين فقط علي كل صغيرة و كبيرة بالصندوق
و اما ربنا يفرجها و الأزمة تعدي ممكن نحول نشاط الصندوق لعمل خيري لمساعدة منكوبي الثورة لو حبينا او اننا نوقف الصندوق زي ما العضاء تقرر ساعتها

احنا كأعضاء في المنتدي بسم الله ما شاء الله عدددنا كبير يعني ممكن الإشتراك يبقي رمزي علشان العدد كبير يعني الواحد ممكن يدفع في الشهر مبلغ مش هيؤثر علي الميزانية العامة اللي شكلها هتخرررررررررررم و تنفجر من قلة الموارد ههههههههه

المشاركة الأصلية كتبت بواسطة dramir1

انا شايف ان احنا استفدنا كتيرفي مجال السيارات من المنتدى دا......و اقل واجب تجاه المنتدى اننا كلنا نشترك في العضويات المدفوعه حتي يعود الحال كما كان وربنا ان شاء الله يخلف على المشاركين

نموذج مبدئي للرجالة إللي بتكلم عنهم و غيرهم كتيييييييييييير

بالإضافة لإخواتنا العزيزات المحترمات و مواقفهن المشهودة للجميع .