الموضوع: سيناريو يطرح نفسه حول توقف المنتدى

المشاركة الأصلية كتبت بواسطة karim_monir

في فرق كبير بين اننا نثور
وبين اننا نشتم واصحاب المكان اللي بنشتم فيه يتاذو بسببي
لما اعمل ثورة هاثور في الشارع
مش هادخل كافية مثلا واكسره لاصحابه عشان انا اعمل ثوره

مع الفارق الكبير للوضع الحالي ويا ريتها هاتكون خسار مادية
الخسارة اكبر بكتير وكلنا فاهمين

مين قال كدة بس ؟؟؟!! ... أنا و ناس كتير بتكلم في السياسة ولا حد شتم و ولا حد غلط


ولا أنا عايز اكسر المحل و أقول ثورة



بس هي إلفكرة في التعريف


تعريف النقد المحترم للنظام إيه في نظر الجهة الامنية ؟؟؟؟!!!!

المشاركة الأصلية كتبت بواسطة karim_monir

كن كلام في السياسة
انا اول واحد هاناقش معاكم حال البلد
ولسه كنت عامل كذا موضوع
لكن فقط
بدون شيمة ولا نقد لحاكم الدولة او اي وزير في الدولة

معلش أنا حاسس بنوع من التناقض


في أول الكلام إنتقد ذي ما إنت عايز من غير شتيمة


و في أخر الكلام إنتقد ذي ما إنت عايز بس من غير ما توجه نقد لرئيس الدولة أو حد من الوزراء


يعني الواحد يقول إن حال البلد زفت ....... بس إلرئيس و الوزراء لا يأتيهم الباطل لا من قبل ولا من بعد


أنا مش قصدي حضرتك والله يا أستاذ كريم


أنا فاهم إنه غصب عنك


حاجة كمان ....... ليه أسهل حاجة عند الناس اقفل الإجتماعي ...... اقفل الإجتماعي ؟؟؟؟؟!!!!!!


هو خلاص احنا اترابنا على تكميم الأفواه و مابقاش عندنا أي حلول غير اقفل .... أسكت ..... إمسح


لله الأمر من قبل و من بعد

المشاركة الأصلية كتبت بواسطة karim_monir

منين بتقول مش قصدك انا
ومنين بتقول ايه التناقض
ايه التناقض اني اقول هاتكلم في السياسة
واني اقول بلاش شتيمة
يعني ماتعودناش غير على الشتيمة؟؟؟؟

بقول انتقد لكن من غير شتيمة
من غير شتيمة
من غير شتيمة
مش من غير نقد
فرق واضح وكبير جدا جدا جدا

أستاذ كريم


يمكن حصل سوء فهم


بس حضرتك قولت

المشاركة الأصلية كتبت بواسطة karim_monir

بدون شيمة ولا نقد لحاكم الدولة او اي وزير في الدولة

فأنا فهمت إن مش بس مرفوض أي شتيمة ( و أنا عمري ما شتمت ولا الرئيس ولا وزير حالي ) لأ دة كمان مرفوض أي نقد محترم للرئيس و للوزراء


حصل خير ....... أنا برضه ميرضنيش أي أذية لأي حد