رجالة القاهرة والجيزة حد بيودي أكل لميدان التحرير؟

**abou_ruqi** · 08-02-2011 08:15 PM

المشاركة الأصلية كتبت بواسطة elgamil

يا جماعه من ارض الواقع كل الموجودين بميدان التحرير معاهم اكل وبزياده والمحلات حوالين الميدان عندها كل حاجه وبالاسعار العاديه ومفيش اي نوع من انواع الاستغلال

حتى لو بتوع الكشري شغالين وواحد دخل عليك بمشلتت وجبنة قديمة و عسل نحل , مش برضه حتنبسط ؟؟؟

**Mahmoud Nagieb** · 08-02-2011 08:25 PM

طب ايه يا جماعة النظام ..... الناس اللى من القاهرة هيعملوا ايه ؟ .... هيجيبوا اكل معاهم ولا ايه ؟

انا عاوز اعرف دورنا فى الموضوع ده

**abou_ruqi** · 08-02-2011 08:38 PM

المشاركة الأصلية كتبت بواسطة mr_7oda

طب ايه يا جماعة النظام ..... الناس اللى من القاهرة هيعملوا ايه ؟ .... هيجيبوا اكل معاهم ولا ايه ؟

انا عاوز اعرف دورنا فى الموضوع ده

دورك ت حاول تجمع مبلغ من معارفك وتتصل بأحمد بدري تنسق معاه حتجيبوا ايه و منين و حتقبلونا فين

**badry78** · 08-02-2011 09:48 PM

المشاركة الأصلية كتبت بواسطة abou_ruqi

حتى لو بتوع الكشري شغالين وواحد دخل عليك بمشلتت وجبنة قديمة و عسل نحل , مش برضه حتنبسط ؟؟؟

فكرة الفطير جميلة جدا بس مشكلتها انك هاتحتاج كمية رهيبة مافيش محل هايقدر يجهزها الا لو رتبت معاه قبلها بيومين
انت بتتكلم مش في أقل من 3000 فطيرة ده لو افترضنا ان الناس اللموجودة هاتكون من 15 الى 20 ألف فرد
لو انت يا خالد هاتعرف تأمن الكمية دي فأنا معاك قلبا وقالبا
البديل اننا ممكن نتقابل الأول ونشوف الجو هناك عامل ازاي وايه الأكل المتاح في المحلات هناك وبعدها نقرر ال وقت هايكون متاح معانا ان شاء الله
ويا ريت ياجماعة اللي عنده رأي يقوله عشان نكون فكرة مجملة بكرة اخر اليوم ان شاء الله
وماتنسوش وانتوا بتقولوا أرئكم ان فيه فئة مندسة لها اجندات خارجية واقليمية هاتحاول تركب الموجة وتقفز على مكتسبات التوبيك وسلم لي على التليفزيون المصري

**Karim_Monir** · 08-02-2011 11:22 PM

سلام عليكم
هو مش الاولى بالصدقات اهل الصدقات عشان دول يستاهلو
90% من اللي في المظاهرات مش محتاجين فعلا
وبقت فسحة يا ابو رقيه
اقرا موضوعي في الاجتماعي علن زيارتي اليوم والاخيرة لميدان التحرير
http://www.nilemotors.net/Nile/20038...post3873276919

**Mahmoud Nagieb** · 09-02-2011 08:02 PM

إيه يا جماعة .... بكرة على معادنا ولا ايه اللى هيحصل بالظبط ؟

**Samah AbdAllah** · 09-02-2011 09:46 PM

انا ليا اقتراح تانى
ارجو ان تتقبلوه بصدر رحب
المتظاهرين سواء فى التحرير او اى مكان فى مصر الحمدلله كلهم من ميسورى الحال
يعنى بينزلوا المظاهرات وهم قادريين ماديا انهم يشتروا اطعمة وعصائر
ممكن يكون الدعم المعنوى اهم وتوفير الطعام افضل للمعتمصين فقط اللى مقيمين يوميا هناك
لكنى اعتقد ايضا انهم يتابدلون المواقع
يعنى فى ناس تبات انهاردة وناس تبات بكرة هكذا
فبرضه دول مش محتاجين النوع ده من المساعدة اوى
اقتراحى الذى ارجوا ان تتقبلوه وتفكرون فيه ققبل الرد
ليه من غيرش وجهتنا
وبدل ما نوجه الاطعمة للمتظاهرين
نوجهها للناس المحتاجين فعلا واللى هم كتير جدا فى مصر
واللى يمكن من فقر الحال والجوع اللى بيعانوا منه مقدروش اصلا يطلعوا المظاهرات لضعف الحالة الصحية من قلة الاكل على اقل تقدير
ونبقا كده وجهنا الموضوع فى الاتجاه الصحيح
وكمان كسبنا الناس دى فى صف المتظاهرين
يعنى الاكل يوصلهم باسم شباب مصر المتظاهر ..........ثوار مصر الباحثين عن الحرية والكرامة
فبدل ماهم زعلانين اننا تسببنا فى وقف حال عمال اليومية وضيقنا عليهم زيادة
يعرفوا اننا جيبنالهم خير كمان ولسة لما الثورة تحقق مطالبها بالفعل
ويمكن لما ياكلوا ويشبعوا يقدروا ينزلوا يتظاهروا