الموضوع: شاهدة عيان : على تحضيرات موقعة الجمل

الناس دي اتفرجت كتير على فيلم صلاح الدين وكانو طالعين يقلدو الكفار

المشاركة الأصلية كتبت بواسطة elgabry1977

انا من الهرم و واضح من اليوزر نيم بتاعى انى من عيلة الجابرى , للاسف اللى بعت الخياله عضو مجلس الشعب اللى عندنا وهو للآسف من عائلتنا و اسمه عبد الناصر الجابرى هو ويوسف هنداوى خطاب عضو مجلس الشورى من الحزب الواطى الفاسد
الكلام اللى يبتقال ان كبار رجال الحزب الواطى زى ابراهيم كامل و ابو العنين هما اللى طلبوا منهم كده
الخسائر قتيل و 3 مفقودين و 3 فى العنايه المركزه و جملين و 3 خيول
فى عيله اسمها عيلة ابو باشا طالبه رأس عبد الناصر و اولاده نتيجه للخسائر و هو هربان منهم هو عيلته

من غير شتيمه و تريقه العالم دى غلابه جدا و رزقها يوم بيوم و حسبنا الله و نعم الوكيل فى اللى ضحك عليهم

يا باشا لو خدت بالك من المشاركة بتاعتى فى أول الموضوع أنا ذكرت العائلات الى فى نزلة السمان و قولت الى أعرفهم عائلة الجابرى و خطاب و غنيم و عارف و مصدقك تماما الناس هناك ليها هم واحد فقط و هو لقمة العيش و التجارة و مالهومش فى السياسة . أنا ليا أصدقاء من واحدة من هذة العائلات و عارف قيمة الحصان الواحد بالنسبة لهم و حتى الحصان البلدى العادى يعنى مش خيول الجمعية الى بتتجاب من عائلة الطحاوية.

المشاركة الأصلية كتبت بواسطة otefa

200 جنيه .....معقولة الحالة وصلت أنه يخاطر بحصانه بالمبلغ البسيط ده
الساعة(الطلعة)في نزلة السمان بتبدأ من 60 جنيه وبتعدي ال100 جنيه لو خيل حامية شوية!
أنا بأستغرب ومش بكدبك

بص يا باشا علشان يطلع الحصان و يبقى عارف أنة ممكن يغامر أن الحصان ينجرح و لا تتكسر لة رجل يبقى يا أما الملغ كان كويس يا أما ما كانش لاقى لقمة و مصدر رزق أو بأوامر تحت ضغط رهيب علية و عموما أنا أرجح ضغط كبير جدا علية فوق أحتمالهم ووعود

لما الناس سألتني هنا عن مشاهد الخيول و الجمال في قلب ميدان التحرير في قلب العاصمة المصرية!!!
بصراحة أحسن رد كان أن ده مهرجان الفروسية العربية السابع!

المشاركة الأصلية كتبت بواسطة mohamed_rashad

لما الناس سألتني هنا عن مشاهد الخيول و الجمال في قلب ميدان التحرير في قلب العاصمة المصرية!!!
بصراحة أحسن رد كان أن ده مهرجان الفروسية العربية السابع!

ههههههههههههههههههههه الله يخرب بيوتهم دول ضحكو العالم علينا بجد و كانت فضيحة . ممكن نقول للأجانب دة كرنفال و لا أحتفالات علشان شكلنا بقى وحش جدا أمام العالم

المشاركة الأصلية كتبت بواسطة heshamzaky

ههههههههههههههههههههه الله يخرب بيوتهم دول ضحكو العالم علينا بجد و كانت فضيحة . ممكن نقول للأجانب دة كرنفال و لا أحتفالات علشان شكلنا بقى وحش جدا أمام العالم

و الله يا باشا هو ده أحسن رد جيه في بالي للمهزلة اللي حصلت.
ربنا يرحم شهدائنا الأبرار اللي ضحوا بحياتهم عشان أنا و أنت و غيرنا نعيش حياة أرقى و أنظف.

الخبر منقول........................................ .......................
بدء ملاحقة المتورطين في “موقعة الجمال والبغال” خطط لها جمال مبارك وصفوت الشريف وزكريا عزمي ونفذها المرشدي
20-02-2011
انتشرت قوات الشرطة العسكرية مساء اليوم السبت 19 فبراير 2011، داخل مجموعة المرشدي بالمعادي، وتفيش منزل مالكها محمد المرشدي عضو مجلس الشعب المنحل. جرت المداهمة الأمنية على خلفية بدء تحقيقات سرية حول مرتكبي جرائم قتل شهداء الثورة ومجزرة موقعة ” الجمل” التي نظمتها أمانة الحزب الوطني وقيادات مباحت أمن الدولة والأمن العام ضد المتظاهرين في ميدان التحرير، يوم الأربعاء 2 فبراير الحالي. وكان المرشدى قد أرسل لساحة التحرير العديد من الأتوبيسات والبلطجية المدججين بالأسلحة والطوب لضرب المتظاهرين واجبارهم على الخروج من ميدان التحرير، بعد رفضهم خطاب مبارك الذي رفض فيه التنحي واكتفى بتعيين عمر سليمان نائبا له.. وفرضت القوات حراسة مشددة على فيلا اللواء اسماعيل الشاعر مدير أمن القاهرة المقال، في المعادي الجديدة، وأخرى بهضبة الأهرام يقيم بها نجله، لحين مراجعة أوراق المرشدي، بعد اكتشاف علاقة الطرفين ومساهمتهما في تنفيذ مجزرة ” معركة الجمل”. وكانت معلومات المخابرات العسكرية والعامة قد توصلت إلى خيوط مرتكبي جرائم موقعة الجمل التي خططها صفوت الشريف أمين الحزب الوطني وجمال مبارك أمين السياسات وزكريا عزمي أمين العضوية ونفذها اللواء حبيب العادلي وزير الداخلية ومديرأمن القاهرة والأمن العام السابقين. وصدرت التعليمات بتكليف أمناء الحزب في المحافظات وأعضاء مجلسي الشعب والشوري والمحليات بجلب بلطجية من كافة أنحاء البلاد .