الموضوع: وائل غنيم

المشاركة الأصلية كتبت بواسطة tlrsiap

تحياتي يا أخ احمد , الرجوع للحق فضيلة و كلامك ده شجاعة منك


أحمد فارما
المصيبة ان الناس لما يسمعوا كلام نظرية مؤامرة صرف من الاعلام الرسمي بيصدقوه مش عارف ازاي

و لما يسمعوا كلام نظرية مؤامرة فيه منطقية من اي حد تاني يسمعوه كأنهم بيسمعوا حواديت :)))

بص
لحد فترة مش بعيدة..الناس مكنش حيلتها في التليفزيون غير الأولى والتانية
وكان إلي بيدخل وصلة دش .. كنا بتقول عليه كافر ومرتد هههههههههههههههه
يعني مصريين كتير
بقالهم عشرات السنين بيسمعوا الأولى والتانية..ولو هز الاريال شوية..ممكن ربنا يكرمه ويجيب السادسة بتاعت الدلتا
وللأسف
الإعلام ده لعب الدور الأساسي في إيهام الناس..زي فيلم الماتريكس كده
كل واحد يشوف التليفزيون ..ويلاقي الدنيا حلوة..ومصر الخير ...ومصر العطاء
يسأل نفسه؟؟
طيب أنا حالي زفت ليه ..يقول لنفسه..أكيد العيب فيا أنا ..
ولما ظابط شرطة يديله على قفاه ...ويشوف ظباط الشرطة البواسل في التليفزيون
يسأل نفسه ليه أنا بالذات الي الظابط إداني على قفايا..يقول لنفسه..يمكن هو الظابط ده بس الي وحش فيهم..أو يمكن أنا إلي إبن تيتتتت منحوس
الاعلام المصري مغيب الناس بهبل
======================
تاني يوم مذبحة التحرير .فاتح الراديو الصبح على اذاعة مصرية
المذيعة بتستقبل رسايل من المستعمين(وخدمة الرسايل أساسا مقطوعة)
واحد يقولها : بحبك يامصر ..بحبك يامصر ياأم الهرم والخير
واحد تاني يقولها : مصر الخير .. مصر الحب .. مصر مصر مصر
واحد تالت : مصر الكنانة .. مصر حبيبتي
تيتتتتتتتتتتتتتتتت تيتتتتتتتتتتتتتتتتتتتتتتت تتتتتتتتتتتتتتتتتتتتتتتتت تتتتتتتتتتتتتتتتتتتتتتتت
الناس مدبوحة من ساعة
وتشوف التليفزيون والاذاعة المصرية..يالهوي
يجيلك إستبحس نفساوي