وائل غنيم على دريم....الان
عرض للطباعة
وائل غنيم على دريم....الان
الملاحظات الاولية فقط
ولد محترم جدا
يا ريت يبطل يقول مصطلحات اجنبية ممكن يقولها بالعربي رغم اني عارف انه واخد ماستر من الجامعة الامريكية بس الناس كرهت اي حد بيقول مصطلحات انجليزية وسط الكلام لانه بيفكرهم بواحد حبيبهم
نفيه لاشتراك الاخوان في التخطيط لما حدث حقيقي
تاكيده لوجود عشوائية في التنفيذ وان الناس يوم 25 مكانتش عارفة هاتمشي ازاي ولا تعمل ايه بالظبط حقيقي واي حد نزل يوم 25 عارف كدة كويس مش واحد زي عمر عفيفي قاعد في امريكا ومعتقد انه هو اللى حرك كل حاجة
احترامه للدكتور حسام بدراوي يدل على ان وائل فعلا محترم وبيحترم الاكبر منه على عكس بعض من ادعوا انهم زعماء للثورة الايام اللي فاتت وظهروا في التليفزيونات كتير اوي وأساؤا للثورة بدل ما يمثلوها
رغبته في عدم رؤية لوجو الحزب الوطني اطلاقا له عذره فيه لكن غير مقبول مينفعش واحنا بننادي بالديمقراطية نبقي ديكتاتوريين
قوله انه حزين على حرق الاقسام ومقتل بعض رجال الشرطة يجعله ينال احترام الجميع
حديثه عن الكرامة الوطنية امر جميل جدا وحبه لبلده واصراره على عدم الحصول على الجنسية الامريكية رغم احقيته فيها بيقول ان وائل غنيم محترم جدا مش زي الناس اللى معاه جنسيتين وبيولعوها او الناس اللى بتزايد على القاضي
مطالبته بألا يكون هذا وقت تصفية الحسابات وانما وقت بناء البلد كما نريد ان تكون بيقول ان وائل من اجمل ما يكون وانه فعلا يهمه البلد وبس
اعترافه بانه قال اسماء من نسقوا معه رغم انهم كانوا بيعاملوه باحترام و دي ممكن تتاخد عليه الا انه معذور فيها ومتهيالي ناس كتير جدا لو كانت مكانه كانت هتعمل اكتر من كدة
كلامه عن انعدام الثقة وانه لو ادعي انه اتعذب رغم ان الناس كلها شايفاه سليم وان الناس هتصدقه وان لو قال انه سليم والناس كلها شايفاه سليم محدش هيصدقه وهيقولوا انه اتعرض للضغط علشان بيكدب فعلا تعبير عن انعدام الثقة وصحيح جدا وكلامه عن الاعلام علقة سخنة للبيه اللى قاعد في التليفزيون ومش عارف هو بيعمل ايه لغاية ما الناس كلها اتجهت للجزيرة وبقت بتصدق اي حاجة فيها حتي لو كانت بتقدم حاجات كدب وسط الصدق
كلامه عن تقسيم التورتة والله العظيم صحيح و ده من الاسباب اللى جعلتني رفض بعض ما يحدث الان وهو نفسه رافضها بشدة
بكاؤه الشديد وقت اذاعة صور الشهداء والله جعلنى ابكي معه يا تري جواك ايه يا وائل وانت بتشوف صور الشباب دي
وائل مقدرش يبص على الشاشة اللى بتعرض صورهم
كلامه ان مش غلطتنا غلطة كل واحد ماسك في السلطة ومكلبش فيها وتركه للاستديو فورا بيقول ان وائل من جواه خايف يبقي هو السبب في استشهاد ورد جناين مصر لانه اللى دعا للثورة
وائل فعلا محتاج فرصة مع نفسه ولازم يعرف انه مش هو السبب ويا ريت الاعلام ميضغطش عليه دلوقت
دي مش غلطتنا...دي غلطة اللي متبت في السلطة ومش عاوز يسيبها
فلوبنا بكت عليهم قبل عيوننا وذنبهم في رقبة اللي قتلوهم مش رقبة وائل
وفعلا انا حسيت ان وائل غير باقي الشباب اللي ظهروا في القنوات الفضائية
وهو برر اعترافه باسماء اللي كانوا معاه انهم اصلا معروفين للجميع
ابن ناس ومحترم ...ابكاني
انا مش قادر اعلق بجد
لأني مش عارف اقول ايه ولمين
اللي مفهمشي يبقى مش محتاج ان الواحد يتكلم علشان يفهم بجد
خلص الكلام
كل ماتيجي صور الشباب الي راحوا
الدموع لازم تقهر العين ..وتنزل
لاحول ولاقوة إلا بالله
كل شاب فيهم كان وردة منورة لأبوه .. أو لأمه
والله ولد زي الفل وخلانا كلنا ف البيت نعيط
ولد ابن ناس و محترم جدا
و فعلا علي رايه انا كان ممكن اقعد في فيلتي في دبي و اقول البلد تولع
حسبنا الله و نعم الوكيل في كل ظالم
انا كنت عملت موضوع من فترة باسم كلنا ضد صفحة خالد سعيد
ووجب عليا اعتذار للتشكيك في صفحة الجروب ده واعتذار لوائل غنيم واتمنى ان تتقبلو اعتزارى
انا قتلوا ابنى برصاصه بين عينيه .... بكاء..... انا عندى اتنين تانيين ياخدوهم بس نتغير... حرام
"
اب مصرى يرثى ابنه
اميره--16 عاما تجلس فى البلكونه - رصاصه تخترق قلبها الرقيق من كتفها
التعويض:خمسه الاف جينيه
لا تعليق سياسى تضامنا مع كريم
فعلا شاب محترم جدا ومثقف جدا والجميل انه صادق جدا وعفوي في كل ماقاله
ربنا معاه
هم مش قالوا ان الصفحة دي عليها مشاكل كتيرة؟
ايه الجديد بقى ؟
حد يفهمنا؟
شاب زي الفل بن مصر بجد
كفاية تخوين و تخويف و مؤامره
كفااااااااااااااااااااية بقى حرااااااااااااام
ده شباب مصر بجد
وائل غنيم شاب محترم
للاسف يا اخ احمد انت كنت تردد كلام بدون ان تقرأ او تحلل , وشوهت صورة الثورة الجميلة وهذا الشاب الجميل الذى ابكانا جميعا
رجاك خاص من اخ
لا تكتب عن شئ بدون ان تقرأ من جميع المصادر وتفهم وتحلل
انت شارب شاي بلبن شلك كده ياأبو صلاح
الناس كلها الكام يوم الي فاتوا ..بدأو يقولوا إن الجروب وراها أياد خفية
وإن وائل غنيم قابض...علشان يكلب نظام الحكم
ههههههههه
وطبعا نظرية المؤامرة دي الناس جالها إسهال منها والله
وأدي وائل غنيم طلع على دريم مع منى الشاذلي
ومن غير دليل ..إلي شاف وائل
هيعرف إنه مصري جدع شريف
راجل مدير إقليمي لجوجل ..يعني بيقبض فلوس ماتتعدش .. وعايش في فيلا في دبي
بس راجل حابب يشوف بلده أحسن
بجد بحسده على الوطنية دي
اعتذارك مقبول...
وشكرا ليك...
تحياتي يا أخ احمد , الرجوع للحق فضيلة و كلامك ده شجاعة منك
أحمد فارما
المصيبة ان الناس لما يسمعوا كلام نظرية مؤامرة صرف من الاعلام الرسمي بيصدقوه مش عارف ازاي
و لما يسمعوا كلام نظرية مؤامرة فيه منطقية من اي حد تاني يسمعوه كأنهم بيسمعوا حواديت :)))
احييك عل ىشجاعتك يا احمد
وفيه موضوع معمول عن ردود الفعل الاولية عن وائل غنيم المصري
يا سيدي الفاضل
الرجوع للحق فضيلة ..... و جزاك الله خيراً
و خير الرجال من لم يستنكف الرجوع للحق ......
بجد يا رب نفهم وكفاية غباء وقلة كرامة
تحية لكل وطني ولكل شهيد ولكل راجل تسبب دمه المسال في تدفق الحياة مرة اخري في قلبي الميت وفي قلوب الكثير من الموتي في ذلك الشعب العظيم
عقبال باقى الرجالة
عقبى لك يا دكتور محمد :)))
الحلقة دي كانت رائعة مش هتتكرر تاني.
مرحبا بك في عالم الاحياء
فعلا...حلقة رائعة...نسيتني حلقة يوم الخطاب المضلل
بص
لحد فترة مش بعيدة..الناس مكنش حيلتها في التليفزيون غير الأولى والتانية
وكان إلي بيدخل وصلة دش .. كنا بتقول عليه كافر ومرتد هههههههههههههههه
يعني مصريين كتير
بقالهم عشرات السنين بيسمعوا الأولى والتانية..ولو هز الاريال شوية..ممكن ربنا يكرمه ويجيب السادسة بتاعت الدلتا
وللأسف
الإعلام ده لعب الدور الأساسي في إيهام الناس..زي فيلم الماتريكس كده
كل واحد يشوف التليفزيون ..ويلاقي الدنيا حلوة..ومصر الخير ...ومصر العطاء
يسأل نفسه؟؟
طيب أنا حالي زفت ليه ..يقول لنفسه..أكيد العيب فيا أنا ..
ولما ظابط شرطة يديله على قفاه ...ويشوف ظباط الشرطة البواسل في التليفزيون
يسأل نفسه ليه أنا بالذات الي الظابط إداني على قفايا..يقول لنفسه..يمكن هو الظابط ده بس الي وحش فيهم..أو يمكن أنا إلي إبن تيتتتت منحوس
الاعلام المصري مغيب الناس بهبل
======================
تاني يوم مذبحة التحرير .فاتح الراديو الصبح على اذاعة مصرية
المذيعة بتستقبل رسايل من المستعمين(وخدمة الرسايل أساسا مقطوعة)
واحد يقولها : بحبك يامصر ..بحبك يامصر ياأم الهرم والخير
واحد تاني يقولها : مصر الخير .. مصر الحب .. مصر مصر مصر
واحد تالت : مصر الكنانة .. مصر حبيبتي
تيتتتتتتتتتتتتتتتت تيتتتتتتتتتتتتتتتتتتتتتتت تتتتتتتتتتتتتتتتتتتتتتتتت تتتتتتتتتتتتتتتتتتتتتتتت
الناس مدبوحة من ساعة
وتشوف التليفزيون والاذاعة المصرية..يالهوي
يجيلك إستبحس نفساوي
غباء الاعلام هيبقى ان شاء الله القطنة المتعاصة سبرتو اللي هتفوق كل واحد نايم في اوهام الاستقرار و النظام .............
تحليل ممتاز و انا متفق معاك فيه
الصورة قاتمة جدا , بس كل واحد فينا كان بيبقى فاكر ان العيب في واحد عمل معاه كده و خلاص
مش معااااك أغلب دول أوروبا الشرقية و روسيا دخلت أنظمة ديموقراطية أو شبه ديموقراطية من أول قرارتها حل الحزب الشيوعي الحاكماقتباس:
رغبته في عدم رؤية لوجو الحزب الوطني اطلاقا له عذره فيه لكن غير مقبول مينفعش واحنا بننادي بالديمقراطية نبقي ديكتاتوريين
حسبي الله في كل واحد كان سبب في نزول دمعه من عين المصريين بسبب الظلم و القهر اللي شيفينه . رحم الله شهدائنا الشباب .
احييك يا اخي
وربنا يهدي الجميع
النهارده كان فيه تقديم استقالات جماعيه في مبني الأذاعه والتلفزيون وتندد بأنس الفقي ودوره في اظهار الأعلام المصري بصوره سيئه وبأنه اعلام كاذب وبيطالبوا احمد شفيق بعزل انس الفقي
اسوء شيئ عمله السيد احمد شفيق انه ابقي علي هؤلاء الوزراء ابواق السلطه لست ادري ماالحكمه من ذلك لذلك يجب ان نطلب ونطالب الشباب المتظاهرين بميدان التحرير المطالبه بعزل هؤلاء الوزراء المتبقون من الوزاره السابقه والذي اعيد تعينهم مرة اخري
خبر اكيد سمعته من صديق موثوق به ان الفاسد وزعيم الفساد عاطف عبيد الذي يملك بنكا خاصا يقوم حاليا بتهريب ومساعدة من يريد تهريب امواله وسرقة اموال المودعين بتحويل مليارات الجنيهات الي الخارج بأكواد وليس بأسماء
وليس كما اشاع الأعلام في القنوات المصريه بأن الحد الأدني 50 الف جنيه
ملكك الى زوال يا ريس_ex....والله الذي لا اله الا هو...
ويحيا شعب مصر...وتحيا الحرية