الموضوع: و الله احنا شعب عسل

المشاركة الأصلية كتبت بواسطة أحمد كمال

ماهو الناس دي قعدت هناك بال 12 يوم

اكيد اكلوا و شربوا ...... ما مثلوش ضوئيا !!!!!!

و اكيد اما اكلوا و شربوا ..... عملوا زي الناس ..... ما نتحوش زي النبات !!!!!

و اكيد جت عليهم اوقات ..... تعبوا .... و ناموا ..... او ريحوا ...... ما قعدوش 240 ساعة صاحيين !!!

و اكيد جه عليهم اوقات ..... زهقوا ...... و نكتوا ..... و هزروا ...... و لا هما هيقفوا عالحيط و يرفعوا ايديهم


ابسط رد يا ميدو ترده على اي واحد يقول البق ده

قل له هو انت ما بتضيعش و لا دقيقة واحدة في شغلك و لا بتقول نكتة لزميلك و لا بتقعد ترغي في الكورة و العربيات و السياسة و لا الهوا ؟؟؟؟؟؟؟؟؟؟؟؟؟؟؟؟ خلاص طول النهار جاد مجد ما بتفصلش؟؟؟؟؟؟؟؟؟؟؟؟؟

مش هاقول اكتر من كده ........

و ليه لازم تندرج تحت بند الراحة و تغيير الجو.....ما ممكن تعتبرها طريق مختلفة فى التعبير...و كل واحد و دماغه و طريقته....و ابسط حقوقه ان احترم رأيه حتى لو كنت مختلف معاه تماماً......يعنى هو اللى شايل يافطة مكتوب عليه" امشى ايديا وجعتنى ده كان قصده يهرج و يقضيها ,,,ما اعتقدش
بس المشكلة ان احنا بنصنف الناس يا فى اقصى اليمين ....يا فى اقصى الشمال...حسب مدى اتفاقهم مع رأينا...او" مصالحنا "بشكل أدق

المشاركة الأصلية كتبت بواسطة أحمد كمال

انا عارف و فاهم كده و متفق معاك من الاول

بس اما واحد يبقى تفكيره ضيق لدرجة انه يقول "العيال السيس الفاضيين بتوع التحرير قاعدين يهزروا و هما سبب حظر التجول و قفل البنوك و قطع الارزاق و تقفيل المحلات و احتلال فلسطين ..... و كمان قاعدين يهزروا ولود ال ........ "

يبقى لازم ترد عليه باللي هو يفهمه ....... كلام حضرتك طبعا منطقي اكتر من كلامي بس واحد بالعقلية دي مش هيفهمه خالص

انا كنت متخيل ان كل الى بيفكر كده تفكيره ضيق او بيبص تحت رجليه.....و فى ناس معينة لازم تلتمس لها لعذر نتيجة لظروفها ....سواء تعليمية او مادية او اجتماعية او ......لكن المصيبة فى انى بقيت اتصدم فى ناس ما لهاش اى عذر من اللى قلتهم......يعنى من خلفية ثقافية و فكرية -قبل ما تكون اجتماعية او مادية- كويسة..متبنية مبدأ الهجوم التام

و المصيبة مش فى الاختلاف معايا على شىء انا مقتنع بيه تماما...انا بحترم رأى الاخر و عارف ان كله واحد ليه ظروف مختلفة...جايز لو اتحطيت فيها افكر زيه

لكن المصيبة لما تلاقى ناس متعلمة و فاهمة و دايرة و عارفة....و ما بتديش نفسها فرصة تحلل الكلام اللى بتسمعه

هى تبنت رأى معين شايفة انه بتفيذه مشاكلها هتتحل...و مشاكلها هى مش مشاكل حد تانى...و اى حد ضده يبقى ...عايز الحرق

و المشكلة انه ساعات ما بيبقاش مقتنع باللى بيقوله .....و ده هتفضل تلاقيه طالما ما عندناش فكرة تقبل الرأى الاخر

فده مهما تجيبله فى رد يناسبه.....مش هيقتنعع

عشان كده انا عن نفسى بيقت ما افتحش فى الكلام كتير....بقيت حاسس كانى بحاول اصطب برنامج من بتوع الاى فون ع جهاز 688