حد يعرف حل لمشكلة غيامه الفوانيس الأمامية البلاستيك للكليو

**medohai510** · 02-04-2008 02:36 PM

بعد التحية أخوكم أشتري سيارة كليو 2002 ;) و قبل ما أشتريها سألت البائع عن لماذا الفوانيس الأمامية مشبرة كدة فقال أنها عيزة تتنظف من برة وجوة بي ودي حاجة بسيطة قوي. وبعد أما أشتريت ذهبت للكهربائي علشان يفك الفنوسين فقال أن فكهم صعب جداً وقال أنهم يتغيروا أحسن، فأنا عايذ أعرف يمكن تنظيفهم ولا ملهمش حل ولازم يتغيروا، وشكراً....
مع تحياتي
محمد مسعد

**عمرو عمارة** · 02-04-2008 04:20 PM

السلام عليكم ورحمة الله وبركاته

مبروك يا باشا حسن اختيارك ....انا اعتقد ان المشكلة دى ملهاش حل لان صعب انك تفك الوش البلاستيك لانه متبرشم والمشكلة دى من برة بس مش من جوة
انا لما اشتريت العربية كان عندى نفس المشكلة واشتريت فانوس جديد بـ250 جنيه
انا عندى فى البيت الفانوس القديم وكنت بافكر اليومين دول اعمل عليه شوية تجارب انى احط عليه شوية compound واسنفاروه بسفنجة ناعمة مدورة الى بتركب على الشنيور واشوف النتيجة

الله المستعان

السلام عليكم
عمرو عمارة

**medohai510** · 02-04-2008 05:38 PM

الله يبارك فيك يا باشا :)، وأشكرك علي أهتمامك بالموضوع، ويريت لو وصلت لشيء بالتجارب المعملية الي هتعملها تقولنا عليه.
مع تحياتي
محمد مسـعد

**farahat** · 03-04-2008 12:33 AM

كان في موضوع هنا على المنتدى ، أعتقد في قسم الكماليات بيتكلم عن الموضوع دة ، و بيقول إن ممكن يتسنفر و يتلمع بعد كدة بحاجة زي البوليش كدة بس للبلاستيك اسمها plastix
هدورلكم على الرابط و احطه إن شاء الله

**A.ELgamaL** · 03-04-2008 05:09 AM

الف مبروك و ربنا يباركلك فيها

معلش يا فندم ممكن تقولنا مواصفات العربيه ايه 1200 ولا 1400 و اشترتها بكام عشان انا امامي واحده و عاوز اعرف في حدود كام ادفع

**medohai510** · 03-04-2008 01:40 PM

الله يبارك فيكوا ياجماعة وشكراً علي الردود السريعة.
مواصفات السيارة:
مو 2002 اللون أبيض- فابريقة بالكامل- تكييف وكاسيت بايونير أصلي وسماعات كنوود- جهاز أنذار وسنتر لوك- حالة الموتور كشفت علية في 2 محطة بنزين قبل الشراء (مصر للبترول أول عباس 80%- اسو وسط البلد أمام عمارة أستراند 75%)- حالة العفشة ممتازة- الأنوار والأشارات... وهكذا كله تمام- ومفيش حاجة كانت بتتعمل فيها ألا في توكيل المقطم- بس عاملة 160000 كم والصراحة أشترتها بــ47000 جنية.
مع تحياتي
محمد مسعد

**عمرو عمارة** · 03-04-2008 02:30 PM

السلام عليكم ورحمة الله وبركاته

انا اقيت اللينك الخاص بتنظيف الفوانيس اخيرا....فعلا فوق الممتاز...انا هاجرب فى الاجازة دى ان شاء الله بس المهم الاقى هذا المنتج الى اسمه PLASTX
جزاكم الله خيرا يا استاذ فرحات
الرابط :http://www.nilemotors.net/Nile/showt...hlight=Plastix

السلام عليكم
عمرو عمارة

**Hossam.Hamdy** · 03-04-2008 02:42 PM

ياباشا بيتنضف و بيتفك وكل حاجه...هو عايز بتصنفر بمكنه و يتلمع عند الناس بتوع الفوانيس...
فى محل فى الحرفيين جامدين جداا بيعدلو وينضفو...اسمه ال عمار في الشارع اللى قدام مركز سمير على.
ده رقم الشيخ صاحب المحل اسمه احمد 0184331018
قوله من طرف حسام بتاع الفيرنا السوداء ...انا هروح النهارده و هسألك تكلفتهم ايه ان شاء الله

**عمرو عمارة** · 03-04-2008 04:16 PM

المشاركة الأصلية كتبت بواسطة Hossam.Hamdy

ياباشا بيتنضف و بيتفك وكل حاجه...هو عايز بتصنفر بمكنه و يتلمع عند الناس بتوع الفوانيس...
فى محل فى الحرفيين جامدين جداا بيعدلو وينضفو...اسمه ال عمار في الشارع اللى قدام مركز سمير على.
ده رقم الشيخ صاحب المحل اسمه احمد 0184331018
قوله من طرف حسام بتاع الفيرنا السوداء ...انا هروح النهارده و هسألك تكلفتهم ايه ان شاء الله

السلام عليكم

انت كده جبت من الاخر......ربنا يباركلك

عمرو عمارة

**medohai510** · 03-04-2008 04:24 PM

أشكرك علي ذوقك الرفيع، وأنت فعلاً جبت من الأخر فيريت لو عرفت التكلفة كام تقولي علشان أعمل حسابي وأنا رايح أن شاء الله.
بس أنا أعرف أن الفيرنا فوانيسها زجاج وليست بلاستيك مثل الكليو بش كدة ولا أية؟