اشتري زيت فيسكو منين وايه اقرب مكان الاقيه فيه

**spiderloking** · 08-02-2011 03:57 PM

انا بكره ان شاء الله نازل اعمل صيانة ال 10 الاف في ابو رواش كنت عاوز اجيب زيت فيسكو انهارده علشان احطوا هناك وانا بعمل الصيانه انا من سكان منطقة الهرم انا سمعت انوا بيباع في بنزينه اسمها كار جاس و عندنا منها واحده في الهرم لو ملقتش فيها الزيت الاقيه فين تاني و يكون مكان قريب من الهرم او الجيزه ؟

يا جماعه ان شاء الله بكره لو حد عاوزني اسألو عن اي حاجه و انا في التوكيل يقولي و انا اسألوا انا حجزت الصيانه و ان شاء الله هكون مع المهندس محمد عبد الهادي و لأول مره بس طبعا اسمع انوا من افضل الناس هناك و احسنهم في المعامله يا رب يكون كدا بكره

بعد ازنكم لو حد عمل صيانة ال 10 الاف يقولي هتتكلف كام لو انا جايب الزيت من بره و لو الزيت من عندهم بردوا هتتكلف كام ؟

**Raul_7** · 08-02-2011 04:52 PM

بعد التوكيل على طول امارات مصر و كار جاس هتلاقيه هناك إن شاء الله.

أنا في المرتين جايبه من هناك.

صيانة موفقة إن شاء الله.

**magid1010** · 08-02-2011 05:27 PM

يا ريت تقرا الموضوع ده قبل ما تستخدم الزيت ده

http://www.nilemotors.net/Nile/192477-a.html

**sayed911** · 08-02-2011 09:31 PM

اسئل من فضلك يا لبيد على وحدات الرفع الخاصة بالساجا ممكن نجيبها وتركيبها يبقى عندهم تكلفته كام وياخد وقت قد ايه وهل لو مش عندهم ممكن نجيبها من برة وتتركب عندهم ولا لا ؟
ومبروك مقدما على صياة العشرة ولكن نصيحة انا مش بفكر ابعد ان الزيت بتاع التوكيل لأنه الى حد كبير كويس ويعتبر من بين الزيوت الكويسة يعني من وجهة نظري متغيرش خليك مع التوكيل من المستحسن من وجهة نظري المتواضعة .. والف مبروك مقدما ومنتظرين التقيم .
ملاحظة: انا سألت في مركز عصام وصفا ولكن قالوا انه مش من المسموح تركبيها وانه من الأفضل الإنتظار فقولت لعله يكون لدى التوكيل الرد الشافي في الموضوع ده ...

**abdoumahros** · 14-02-2011 08:34 PM

بصراحه انا لسه عامل صيانه ال 10000 للساجا من يومين بس عملتها في بنزينه توتال
غيرت زيت توتال 5000 وفلتر زيت لانسر وتربيط عفشه والكشف علي كل الزيوت
والتكلفه كانت 153 جنيه واعتقد في التوكيل بتكلف حوالي 350 جنيه بس موش متاكد
لكن اذا كان عندك شكوي في العربيه يبقا لازم تروح التوكيل
وشكرا