السلام عليكم الاخوه الاعضاء ،
انهارده نزلت اشتريت كاسيت سونى لعربيتى الكورسا 2005 وروحت عشان اركبه ، والراجل خلع كاسيت الفابريكه عادى جدا وركب الجديد برضو عادى جدا وزى الفل بعد ما حاسبته ومشيت المفاجأه ....... طبعا انتو عارفين ان العربيه بتعمل لوك للابواب على سرعة 30 كم ، بعد ما مشيت شويه بالعربيه وكانت طبعا قفلت الابواب .. وقفت عشان انزل اجيب حاجه وبطلت العربيه وشيلت المفتاح وكان طبعا المفروض والعادى انى اول ما اشيل المفتاح السنتر يفتح علطول ، لكن لأ ده قعد حوالى 7 ثوانى على ما فتح جربت كذا مره برضو نفس الوقت وما بقيتش تفتح اول ما اخلع المفتاح زى العادى واللى المفروض يحصل . فا طبعا ضايقتنى الحركه البايخه دى
فارجعت للراجل اللى ركبلى الكاسيت وحكيتله الوضع ووريته اللى بيحصل قالى احنا ما عملناش اى حاجه وللا غيرت اى حاجه عشان تعمل كده فاقلتله يمكن يكون عشان حصل تغيير الكمبيوتر بيعلق مثلا قالى مش عارف بس انا ما عملتش اى حاجه واهو كان ادامك . وطبعا هو كلامه صح لأنه عمل العادى يعنى شال كاسيت وركب التانى وما عكش فى حاجه . والحاجه التانيه والغريبه برضو اللى حصلت ان بعد ما بشيل المفتاح الزنان يفضل شغال قرابة ال4 ثوانى . م الاخر حاسس ان العربيه بتهيس ومضايق جدا من اللى حصل ده لدرجة انى كرهت اليوم اللى فكرت فيه اركب كاسيت جديد . معذرة للاطاله بس غصب عنى وياريت تقولولى اعمل ايه !!

اخوكم حازم عبد السلام
محاسب بالهيئه العامة للرقابة المالية

تحيـــــــــــــــاتى