الموضوع: مشكله فى الكورسا بعد ما ركبت الكاسيت ،،، اعمل ايه ؟

شغلانه على فكرا كهرباه عربيه اتلعب فيها اطلع على كهربائى كويس واحكيلو على حصل ممكن يكون خلف سلك ولا حاجه

حصلت معايا اقبل كدا ولو تسجيل قديم موجود ركبو وشوف ايه هيحصل

مانا قلت له انت خلفت اسلاك وللا حاجه اكدلى لأ .
وواحد صاحبى بيقولى روح لحد يعملك برمجه للكمبيوتر م الاول !! والله ما عارف اعمل ايه

انا عندى بقى ازاز بيهيس عليا اما باجى انزلو بيعلق ومبيدراش ينزل

ايه يا جماعه ما حدش هيقولى اعمل ايه ؟؟؟ يا ريت حد يتكرم ويقولى حل بسرعه بالله عليكو

بص مكتوب فى الكتالوج انك لما تيجى تعدل حاجه فى كهربة العربية المفروض تروح التوكيل عشان يضبطهالك مع الكمبيوتر.

أنا شايف انك تروح له و تقول له يركب الكاسيت القديم و تجرب تشوف المشكله اتحلت ولا لأ .. لو اتحلت يبقى الكاسيت الجديد بيأثر على حاجه فى كمبيوتر العربيه.

و ممكن تروح التوكيل يخلى لك الباب يفتح على طول لما تشيل المفتاح .. ده حتى بيعدل السرعه اللى السنترال لوك بيقفل عندها.

روح مقار أو أوتو ماستر و اسألهم .. أعتقد الموضوع مش هيكون مكلف .. بس زى ما قلت لك شوف لما تركب الكاسيت القديم ايه اللى هيحصل.

انا عملت زى ما قلتلى وشلت الكاسيت الجديد وجربت القديم لقيت كل حاجه رجعت تمام يعنى المشكله كانت مرتبطه بالكاسيت الجديد !! اروح التوكيل وللا اعمل ايه ؟ وايه التوكيلات المعتمده او الاماكن اللى ممكن اروحلهم ؟

المشاركة الأصلية كتبت بواسطة tananybasha

اعمل ريست لكمبيوتر العربية\
هتظبط

اهلااااا استاذ محمد ، ازيك يا باشا يارب تكون بخير
بالنسبه للى بتقوله اعمل ريستارت للكمبيوتر ! طيب ده بيتعمل ازاى ؟ والكلام ده اكون حاطط الكاسي الجديد وللا القديم ؟ وانا عمتا فى بداية المشكله دى خلعت كابل البطاريه لمده 3 او 4 دقايق وبرضو ما اتعدلش