برجاء المشاركة (موضوع مهم)

**vector** · 09-02-2011 08:52 AM

السلام عليكم
انا عندى عربية اوكتافيا ايه 4 موديل 2004 كاملة اوتوماتيك المهم ان الغتيس باظ وجاب فالف بودى والموتور هو كمان باظ وعايز عمرة يعنى العربية بقت متدمرة ورحت سالت على موتور جديد وفتيس سمعت ارقام جامدة 10000 و9000 وكدة روحت جبت فتيس بس ب 4000 وعملت شمبر وصيانة للموتور ب3000 وكرهت العربية على الرغم انى كنت بحلم بالاوكتافيا وانا دلوقتى فى عربية جيتا معروضة قدامى موديل 2006 هاى لاين بفتحة سقف بس كانت مخبوطة من قدام جامد شويمة وصاحبها صلحها فى التوكيل ومعا الفواتير وطالب فيها 75000 فبفكر ابيع الاوكتافيا واخدها بس يا ريت تفيدونى برأيكم

ولا اجيب لانسر بوما متكنش مخبوطة بس معرفش حالتها واخاف اصرف عليها زى الاوكتافيا كدة مع ان الاوكتافيا والله العظيم فابريكة برة وجوة بس مشوش الاكصدامين وجزء من الرفرف قدام يمين ودة اللى خلانى اخدها وياريتنى ما اخدتها

**rasim** · 09-02-2011 09:25 AM

السلام عليكم
الحمد لله قدر الله وماشاء فعل
هل العربية كويسة الان يبقى خلاص متبعش
انابرده نفس المكشله اصلح حاجه تطلع حاجةتانى بس الحمد لله ماشية كويس الى الان
وحكايةالخابطة هل هى مأثرة على المتور ولا بتاعت الجيتا

**vector** · 10-02-2011 09:51 AM

لا هى مش مأثرة عليه وهو صلحها فى التوكيل بس الشاسيه مردود بس مظبوط فى التوكيل برده

**rasim** · 10-02-2011 10:24 AM

خلاص توكل على ربنا ما هو كله المانى
ابقى صلى ركعتين استخارة الاول

**vector** · 10-02-2011 12:34 PM

يعنى رأيك اجيب الجيتا

**KHALED AYMAN** · 10-02-2011 02:37 PM

نصيحه من واحد خبط عربيته و صلحها ..
ولم ابخل عليها بجنيه فى التصليح
اوعى تشترى عربيه مخبوطه
الخبطه طالما وصلت للشاسيه
يبقى عمرها ما هترجع زى ما كانت ...حتى لو الشاسيه رجع زى ما كان ...(بس مش بيرجع بنفس القوه)
انا عندى الشاسيه اتعوج و عدلته رجع مظبوط ..بس باقى العربيه لا

**vector** · 11-02-2011 06:37 AM

ناس اعرفهم برضه قالو كدة بس انا مش مقتنع عشان محدش قالى العربية بيحصلها ايه واللى يقولى بتبقى عاملة زى اللى رجلو اتكسرت بس دة كلام مش منطقى وانا دماغى ناشفة شوية وبحب افهم قلو ممكن تقولى العربية مبقتش مظبوطة ازاى
و دمتم فى رعاية الله
(محمد)

**KHALED AYMAN** · 11-02-2011 02:29 PM

شوف يا سيدى
اولا خلينا نتفق ان المصرى بطبعه بيفتى ..والخواجه هو احسن واحد يعمل الحاجه ..بالاضافه لان فى فرق بين صناعه الشىء ..واصلاحه
المهم
العربيات الى بتعمل حوادث
1-عزلها عمره ما هيرجع زى ما كان ..يعنى هتلاقى صوت الموتور عالى و الهوا صوته عالى وطبعا بنسب
2-تقفيل القطع مع بعضها عمره ها هيبقى زى اصله ...سواء القطع الى انت شايفها او مش شايفها
3-اتزان العربيه عمره ما هيرجع زى ما كان
4-هتلاقى اصوات كتييييير فى العربيه مش عارف مصدرها ..ودى مش هتظهر من اول يوم لالا ..دى هتظهر مع الوقت
5-هتلاقى حاجات كتير بتضرب ...ولمض بتنور ..يعنى كنترول مش عارف ايه ضرب !! لمبه الايرباج مثلا نورت !! والفتيس بيجيب زيت !!
طيب الفتيس فى صوت خبط ..اااااااه اصل الواد الى ركب الفتيس نسى يركب سنسور الحراره بتاعه
وهتدخل فى افلام مصريه مكتسبه من ثقافات هنديه ...وحاجات كتير
6-عمرك ما هتثق فى العربيه
7-العربيه عموما ادائها بينخفض فى كل شىء
طبعا ده كله بيكون بنسب ..طبقا لقوه الحادثه
انت بتقول الخبطه وصلت للشاسيه يبقى دى كده زى الخبطه الى عندى ..
ولاحظ ان الشسايه عمره ما هيرجع زى ما كان
هقولك مثلا
عربيتى من يوم ما صلحتها عملت بيها 1300 كم فقط لا غير
وربنا يعلم انا صرفت عليها اد ايه و قعدت تتصلح اد ايه ..وفى مكان "يقال" انه من احسن الاماكن
المهم
فى خلال ال 1300 كم
1-صوت مع لف الدركسيون
2-صوت تسريب هوا داخل السياره
3-صوت فى العفشه
4-تسريب زيت من تحت العربيه و لسه مش عارف من ايه !!
5- لمبه الايرباج نورت !!
بالاضافه للكلام الى ذكر ته قبل كده عن العزل و الاداء و الكلام ده كله
حضرتك عشان تصدق كلامى ..حاول تتابع عربيه عملت حادثه و بتتصلح اصلا لما تشوف منظر العربيه مفكوكه من بعضها كده ..هتغير رايك :)
ملخص كلامى ويمكن يكون رأى شخصى ليا :
المصرى لو بيفهم زى الخواجه ......كان بقى خواجه و مقعدش فى مصر .....
لو انت مصمم بقى على عربيه عامله حادثه انا عربيتى للبيع :)

**KHALED AYMAN** · 11-02-2011 02:31 PM

نسيت اقولك ان الجيتا الى مطلوب فيها 75 دى ..واضح من السعر ان الكبوت كان لازق فى الشنطه ..مش مجرد خبطه فى الوش

**vector** · 12-02-2011 03:31 PM

شكرا جزيلا ليك يا خالد على معلوماتك القيمة

الموضوع: برجاء المشاركة (موضوع مهم)

LinkBack

أدوات الموضوع

عرض

-

-

-

المواضيع المتشابهه

برجاء المشاركة ....

مهم جدا برجاء المشاركة

موضوع خطييييييير برجاء المشاركة

الكلمات الدلالية لهذا الموضوع

المفضلات

المفضلات

ضوابط المشاركة