دعوه عامه (الشعب يريد تخفيض سعر البنزين)

**Mohamed_Rashad** · 09-02-2011 04:11 PM

المشاركة الأصلية كتبت بواسطة dr-mohamed

علاوة ايه بس يا باشا
فرق السعر اللى اتعمل برفع اسعار البنزين اكبر بكتير جدا من العلاوة اللى رفعت كل الاسعار كان يوم اسود يوم ما اتعملت العلاوة 30% رسيت في الاخر على 60 جنيه ورفعت الاسعار 600 جنيه

ايوة يبقي مش انا لوحدي اللى ملاحظ
انا قربت اتخنق ان مكنتش اتخنقت فعلا من الاسلوب الانتهازي الاستغلالي للعاملين في بعض الهيئات لظروف الثورة وكله بيشتغل الحكومة والعشب عرف يلاعبها صح وكلواحد عايز حاجة سواء بحق او بباطل بيطلبها دلوقت والحكومة على استعداد تجيب لبن العصفور لاي حد اليومين دول علشان بتدادي في الشعب بسبب الثورة خد عندك
1- عمال المصرية للاتصالات وهي من الجهات اللى المرتبات فيها مرتفعة عن بقية الهيئات عملوا مظاهرة امبارح في رمسيس ليه ؟؟؟؟؟؟ البهوات مش عاجبهم ان العلاوة 7 ونص % فطلبوا تبقي 10% وتثبيت العمالة المؤقة و20 طلب كمان
طبعا قناة الخنزيرة جري نشرت الخبر وبدل ما تقول المطالب بتاعتهم قالت انهم بيهتفوا برحيل النظام
بعد ساعتين طلع قرار ان العلاوة تبقي 15 % وبحد ادني 200 جنيه يعني الواحد منهم الحد الادني بتاع علاوته اد علاوتي المفترضة ب7 مرات
لا واللى يحرق الدم طلع واحد منهم يقول لسة احنا طلبنا 22 طلب هما معملوش غير 11 بس
2- موظفي التربية والتعليم عملوا مظاهرة لمطالب خاصة بيهم وهاني هلال قعد معاهم على الرصيف ونفذ كل طلباتهم (هانى هلال كان بيتكلم الاول من طرف مناخيره واللى مش عاجبه يضرب دماغه في الحيط ويتحول للتحقيق واقربمثال ما حدث مع الدكتور عبد الجليل مصطفي واساتذة اخرين في جامعة عين شمس وتحويلهم للتحقيق)
3- عمال معرفش شركة ايه جابوهم في البي بي سي عاملين مظاهرة علشان مدير الشركة يتغير واتغير فوري
4- عمال هيئة الطرق والمباني عملوا مظاهرة لطرد رئيس مجلس الادارة وانطرد فوري
5- 40 شخص ممن ليس لهم حق في الحصول على شقق في اسكان محافظة القاهرة عملوا مظاهرة وقطعوا طريق مصر اسماعيلية امس 3 ساعات وانا واثق ان طلباتهم هاتتنفذ النهاردة وياخدوا شقق

الرحمة
اقسم بالله ده استغلال وابتزاز وتشويه للثورة
وكله على دماغنا في الاخر لان الحمد لله ميزانية الدولة اتخربت خلاص
ومش عايز واحد يطلع يقولي انت بتشوه صورة الثورة وكلام الشعارات ده
انا كلامي عن الانتهازيين اللي بيستغلوا الثورة لتحقيق مصالح فئوية وليس الثورة من اجل المجتمع

سنين طويلة من الفقر و الظلم و الطغيان و الاهمال و التجاهل.....
سيبهم يدلعوا و يعيشوا زي البني آدمين دي حقوقهم برده.

**sedyrohy** · 09-02-2011 04:23 PM

المشاركة الأصلية كتبت بواسطة elm3lem_youssef

لأ يا جماعه مش كده طالما حنعمل حمله يبقى ال 90 يرجع بجنيه واحد زى زمااااااااااااااااااااااا ااااااااااااااااااان
ما هى فرصه

**yascro** · 09-02-2011 04:57 PM

مش وقته خاااااااااااااااااااااااا لص

**dr-mohamed** · 09-02-2011 05:10 PM

المشاركة الأصلية كتبت بواسطة Mohamed_Rashad

سنين طويلة من الفقر و الظلم و الطغيان و الاهمال و التجاهل.....
سيبهم يدلعوا و يعيشوا زي البني آدمين دي حقوقهم برده.

لا يا فندم لما يبقي فيه ثورة في البلد وناس ضحت بحياتها وصحتها وحريتها ووقتها ومالها وجهدها

ويجي شوية ناس معندهمش دم ولا احساس وكل واحد فيه يعمل لي مظاهرة علشان المرتب بتاعه يزيد يبقي وقاحة واستغلال للظروف اللى بنمر بيها

دم الشهداء بالطريقة دي ممكن يبقي علاوة ولا حافز ولا زيادة في المرتب

لما ناس تستغل الثورة للتشويه والتخريب يبقي مش ثورة يبقي تدمير

والوقائع اللى انا كتبتها بتاعة امبارح خد حضرتك عندك وقائع النهاردة بس يا ري تتقرا الخبر كله علشان تشوف كلامي صح ولا لا

1- اليوم السابع | بالفيديو.. متظاهرون يشعلون النار بقاعة كبار الزوار فى بورسعيد

2- http://www.almasryalyoum.com/news/%D...B1%D9%8A%D8%B1

3- http://www.almasryalyoum.com/news/3-...B1%D8%A7%D8%AA

4- http://www.almasryalyoum.com/news/%D...AF%D9%8A%C2%BB

5- http://www.almasryalyoum.com/news/%D...87%D8%B1%D8%A9

**dr-mohamed** · 09-02-2011 08:18 PM

المشاركة الأصلية كتبت بواسطة sedyrohy

انت قولت انك معترض خلاص بقى يا عم
ولا كل واحد يتضامن مع الموضوع و عايزه يتحقق تقول ناس معندهاش دم و تغلط في الناس عيب خلي اسلوبك احسن من كده

فين اشراف القسم يا جماعه

ماسمهاش يا عم اسمها حضرتك واتعلم تتكلم مع الناس
واسلوبي احسن من اسلوبك على الاقل لما بكلم حد بقوله يا استاذ فلان او حضرتك مش يا عم
قاعدين على القهوة ولا اصحاب علشان تتكلم معايا بالاسلوب ده

وانا اتكلم زي ما انا عايز في اي موضوع في المنتدي
ولو مش عاجبك فيه حاجة اسمها مشاركة سيئة وفيه ساحة كاملة للشكاوي روح اكتب فيها اللى انت عايزه

**nevozaky** · 09-02-2011 08:36 PM

المشاركة الأصلية كتبت بواسطة dr-mohamed

لا يا فندم لما يبقي فيه ثورة في البلد وناس ضحت بحياتها وصحتها وحريتها ووقتها ومالها وجهدها

ويجي شوية ناس معندهمش دم ولا احساس وكل واحد فيه يعمل لي مظاهرة علشان المرتب بتاعه يزيد يبقي وقاحة واستغلال للظروف اللى بنمر بيها

دم الشهداء بالطريقة دي ممكن يبقي علاوة ولا حافز ولا زيادة في المرتب

لما ناس تستغل الثورة للتشويه والتخريب يبقي مش ثورة يبقي تدمير

والوقائع اللى انا كتبتها بتاعة امبارح خد حضرتك عندك وقائع النهاردة بس يا ري تتقرا الخبر كله علشان تشوف كلامي صح ولا لا

1- اليوم السابع | بالفيديو.. متظاهرون يشعلون النار بقاعة كبار الزوار فى بورسعيد

2- ط¹ظ…ط§ظ„ آ«ط¹ظ…ط± ط£ظپظ†ط¯ظٹآ» ظٹط·ط§ظ„ط¨ظˆظ† ط¨ط¹ظ„ط§ظˆط§طھ ظ…ط¨ط§ط±ظƒ ظˆظٹط±ظپط¶ظˆظ† ط§ظ„ط°ظ‡ط§ط¨ ط¥ظ„ظ‰ ط§ظ„طھط.ط±ظٹط± | ط§ظ„ظ…طµط±ظٹ ط§ظ„ظٹظˆظ…طŒ ط£ط®ط¨ط§ط± ط§ظ„ظٹظˆظ… ظ…ظ† ظ…طµط±

3- 3 ط¢ظ„ط§ظپ ط¹ط§ظ…ظ„ ظٹط¶ط±ط¨ظˆظ† ط¹ظ† ط§ظ„ط¹ظ…ظ„ ط¨ط§ظ„ط³ظƒط© ط§ظ„ط.ط¯ظٹط¯ ظˆظٹظ…ظ†ط¹ظˆظ† ط.ط±ظƒط© ط§ظ„ظ‚ط·ط§ط±ط§طھ | ط§ظ„ظ…طµط±ظٹ ط§ظ„ظٹظˆظ…طŒ ط£ط®ط¨ط§ط± ط§ظ„ظٹظˆظ… ظ…ظ† ظ…طµط±

4- [url]http://www.almasryalyoum.com/news/%d8%b9%d9%85%d8%a7%d9%84-%c2%ab%d8%a7%d9%84%d9%83%d9%88%d9%83%c2%bb-%d9%8a%d8%b6%d8%b1%d8%a8%d9%88%d9

5- http://www.almasryalyoum.com/news/%d...87%d8%b1%d8%a9

انا مع حضرتك يا دكتور محمد واوافقك الراى تماما .كل اللى له مطلب دلوقتى بيروح يطلبه اللى عايز زيادة فى المرتبات واللى عايز يتثبت والكل بيدور على المصالح الشخصية .انا مش معترضة ده حقهم وبرضه علشان مخنوقين .لكن انا شايفة ان ده مش وقته فى الاهم فالمهم فالاقل اهمية .انا عارفة ان هتبقى فى مسيرة للمطالبة للحقوق للعاملين فى مصلحة الضرائب المصرية العقود الغير مثبتين .للتثبيت وده هيبقى السعة 9 صباحا يوم الاحد امام وزارة المالية .

**Ashraf_Ibrahim** · 09-02-2011 10:25 PM

انا طبعا معاكم في الامنية دي
ولكن لكل مقام مقال يا جماعة
الاحداث الاخيرة تسببت في انهيار اقتصادي ضخم مش في مصر بس دا على مستوى العالم
اقتصاد العالم كله اهتز للي حصل في مصر
ويكفي انخفاض السفن المارة في قناة السويس واللي وصل دلوقتي 19 سفينة فقط لا غير بدلا من 500 سفينة يوميا
وانخفاض نسبة الاشغال السياحي في الاقصر -ام المدن السياحية- ليصبح 2% وشرم الشيخ 4% بعد ان كان يتجاوز 95%
ناهيك عن الخسائر في المباني والهيئات الحكومية
ناهيك عن ان المؤسسات الحكومية الآن فقدت ثلث كفاءتها الفعلية
ناهيك عن الانهيار الغير عادي للبورصة
وتدخل البنك المركزي لحفظ قيمة الجنيه المصري وثبات قيمته امام الدولار
غير التعويضات اللي هتتحملها وزارة المالية للناس اللي تضررت من الكلام دا
كل دا الاقتصاد المصري مضطر انه يواجهه منفردا وفرس لفارس
ومننساش ان اسعار البترول العالمية ارتفعت بصورة ملحوظة
الأولى اننا نساعد الدولة مش نطلب مطالب تعجيزية ليها
أتمنى مكونش أحبطكم لأني فعليا اتمنى ان البنزين سعره ينزل طبعا
بس كل حاجة بالعقل يا جماعة
وربنا يكرمنا جميعا يارب

**hossam_elwani** · 09-02-2011 10:31 PM

سعره كويس بالنسبة للظروف الحاليه احمد ربنا

-

-

الموضوع: دعوه عامه (الشعب يريد تخفيض سعر البنزين)

LinkBack

أدوات الموضوع

عرض

-

-

-

المواضيع المتشابهه

دعوه عامه لكل البايكرز بالأسكندريه ...

مقابله الخميس دعوه عامه 25/2/2010

السيارات الصينيه-دعوه عامه للمناقشه

دعوه عامه لجميع اععضاء المنتدى

دعوه عامه

الكلمات الدلالية لهذا الموضوع

المفضلات

المفضلات

ضوابط المشاركة