يا جماعه عايزين نعمل حمله لتخفيص سعر البنزين في مصر و يرجع زي الاول
بنزين 90 130
بنزين 92 140
و من هنا و من نايل موتورز عايزين نبتدي في الحمله دي و كل واحد لازم يقول افكاره
في انتظار الاقتراحات
عرض للطباعة
يا جماعه عايزين نعمل حمله لتخفيص سعر البنزين في مصر و يرجع زي الاول
بنزين 90 130
بنزين 92 140
و من هنا و من نايل موتورز عايزين نبتدي في الحمله دي و كل واحد لازم يقول افكاره
في انتظار الاقتراحات
وانا معاك يا باشا فكره ممتازه
دي هاصت هههههههه..........معاكم:star1:
أنسي الموضوع ده دلوقتي :)
بس ده ضد الدستور
مهي ظاطت بقى .......... على رئ سعيد صالح
ياجماعة خفوا شوية البلد بتقع واحنا مش حاسين والبترول غلي اساساً
الكلام ده ممكن يحصل بس مش دلوقتي خالص
وده بسبب ان البنزين مدعم ومعني كده ان الحكومه بتدفع من ميزانيه الدوله
وحاليا الميزانيه راحت في داهيه احسب عندك خسائر عامه قد ايه (ممتلكات حكومه فقط)
شوف كام قسم اتحرق شوف كام عربيه شرطه ولعت شوف خسائر البورصه قد ايه الخ الخ
كل ده هيدفع منين غير الميزانيه واكيد طبعا مش هيحملو نفسهم فلوس ويرخص البنزين :)
شوف الفيديو ده بتاع عضو مجلس شعب
البنزين غلى علشان يوفرو فلوس للعلاوه بتاعت ال 30%
Welcome to Facebook - Log In, Sign Up or Learn More
اساسا في الوقت الحالي دة لازم نشكرهم علي عدم رفع سعر البنزين
اسعار البترول مولعة في العالم حاليا ياناس
البورصه في كل الدول واقعه والدنيا بايظه ومحدش حاسس كله بيطلب زي ما يكون سوبرماركت
وانا معاك يا باشا فكره ممتازه
علاوة ايه بس يا باشا
فرق السعر اللى اتعمل برفع اسعار البنزين اكبر بكتير جدا من العلاوة اللى رفعت كل الاسعار كان يوم اسود يوم ما اتعملت العلاوة 30% رسيت في الاخر على 60 جنيه ورفعت الاسعار 600 جنيه
ايوة يبقي مش انا لوحدي اللى ملاحظ
انا قربت اتخنق ان مكنتش اتخنقت فعلا من الاسلوب الانتهازي الاستغلالي للعاملين في بعض الهيئات لظروف الثورة وكله بيشتغل الحكومة والعشب عرف يلاعبها صح وكلواحد عايز حاجة سواء بحق او بباطل بيطلبها دلوقت والحكومة على استعداد تجيب لبن العصفور لاي حد اليومين دول علشان بتدادي في الشعب بسبب الثورة خد عندك
1- عمال المصرية للاتصالات وهي من الجهات اللى المرتبات فيها مرتفعة عن بقية الهيئات عملوا مظاهرة امبارح في رمسيس ليه ؟؟؟؟؟؟ البهوات مش عاجبهم ان العلاوة 7 ونص % فطلبوا تبقي 10% وتثبيت العمالة المؤقة و20 طلب كمان
طبعا قناة الخنزيرة جري نشرت الخبر وبدل ما تقول المطالب بتاعتهم قالت انهم بيهتفوا برحيل النظام
بعد ساعتين طلع قرار ان العلاوة تبقي 15 % وبحد ادني 200 جنيه يعني الواحد منهم الحد الادني بتاع علاوته اد علاوتي المفترضة ب7 مرات
لا واللى يحرق الدم طلع واحد منهم يقول لسة احنا طلبنا 22 طلب هما معملوش غير 11 بس
2- موظفي التربية والتعليم عملوا مظاهرة لمطالب خاصة بيهم وهاني هلال قعد معاهم على الرصيف ونفذ كل طلباتهم (هانى هلال كان بيتكلم الاول من طرف مناخيره واللى مش عاجبه يضرب دماغه في الحيط ويتحول للتحقيق واقربمثال ما حدث مع الدكتور عبد الجليل مصطفي واساتذة اخرين في جامعة عين شمس وتحويلهم للتحقيق)
3- عمال معرفش شركة ايه جابوهم في البي بي سي عاملين مظاهرة علشان مدير الشركة يتغير واتغير فوري
4- عمال هيئة الطرق والمباني عملوا مظاهرة لطرد رئيس مجلس الادارة وانطرد فوري
5- 40 شخص ممن ليس لهم حق في الحصول على شقق في اسكان محافظة القاهرة عملوا مظاهرة وقطعوا طريق مصر اسماعيلية امس 3 ساعات وانا واثق ان طلباتهم هاتتنفذ النهاردة وياخدوا شقق
الرحمة
اقسم بالله ده استغلال وابتزاز وتشويه للثورة
وكله على دماغنا في الاخر لان الحمد لله ميزانية الدولة اتخربت خلاص
ومش عايز واحد يطلع يقولي انت بتشوه صورة الثورة وكلام الشعارات ده
انا كلامي عن الانتهازيين اللي بيستغلوا الثورة لتحقيق مصالح فئوية وليس الثورة من اجل المجتمع
السلام عليكم و رحمة الله و بركاته
فكرة عظيمة, ماشاء الله .
أنا معاكم ان شاء الله
انا موافق جدا
انا عايز ال90 يبقي ب90 قرش
وال92 يبقي 1 جنيه بحاااااااااااله :)))))
اعتقد مش وقته خالص دلوقتي المهم في المرحله دي الاصلاح السياسي ومن بعده الاصلاح الاقتصادي
من راى ناجل الموضوع شوية
مع كامل أحترامى لحسن النوايا
هناك ما هو أهم من هذا الأقتراح للوضع الحالى
هاتلي مرة في اخر 10 15 سنة في حاجه رخصت او سعرها نزل او رجع لطبيعته او قيمته في البلد
الدولار بيغلي كله بيغلي
الدولار بينزل النص ..... الكل كما هو
انــــــســــــــــــي
كله في البلد دلوقت بينهب في كله وبرضه هيفضل حوالي 20 مليون جعانين والله اعلم ايه الي هيتم
هو أمتي نبتدي نستغني عن الدعن و نعتمد علي نفسنا... انا ضد دعم البنزين بالذات.... مش معقولة ندفع من جيوبنا (ضرايبنا و فلوسنا) اكتر من 4 جنيه علي لتر البنزين علشان واحد يتفسح بعربيته, و لا اسطول عربيات شركة من الشركات الكبري تقضي مصالحها و غيره و غيره... انا مع تقديم دعم مادي لغير القادرين, اما القادرين يإما يستخدموا عربياتهم بالعقل, يا اما يدفع التمن الحقيقي للبنزين.... هنا في هونج كونج تمن لتر البنزين ما يعادل 12 جنيه مصري, التخين اللي هنا بيسوق العربية داخل حدود الحي بتاعه غير كده بيروح ينط في اوتوبيس او مترو......و قبل ما تقولولي فرق مستوي الدخل و مستوي المواصلات, هأقولك امال الثورة لزمتها ايه ؟؟ لتحسين ظروف المعيشة ككل, و لا لزيادة الأنتخة و الاعتماد علي ميزانية الدولة ؟؟؟
.
لأ يا جماعه مش كده طالما حنعمل حمله يبقى ال 90 يرجع بجنيه واحد زى زمااااااااااااااااااااااا ااااااااااااااااااان
ما هى فرصه
مش وقته خاااااااااااااااااااااااا لص
لا يا فندم لما يبقي فيه ثورة في البلد وناس ضحت بحياتها وصحتها وحريتها ووقتها ومالها وجهدها
ويجي شوية ناس معندهمش دم ولا احساس وكل واحد فيه يعمل لي مظاهرة علشان المرتب بتاعه يزيد يبقي وقاحة واستغلال للظروف اللى بنمر بيها
دم الشهداء بالطريقة دي ممكن يبقي علاوة ولا حافز ولا زيادة في المرتب
لما ناس تستغل الثورة للتشويه والتخريب يبقي مش ثورة يبقي تدمير
والوقائع اللى انا كتبتها بتاعة امبارح خد حضرتك عندك وقائع النهاردة بس يا ري تتقرا الخبر كله علشان تشوف كلامي صح ولا لا
1- اليوم السابع | بالفيديو.. متظاهرون يشعلون النار بقاعة كبار الزوار فى بورسعيد
2- http://www.almasryalyoum.com/news/%D...B1%D9%8A%D8%B1
3- http://www.almasryalyoum.com/news/3-...B1%D8%A7%D8%AA
4- http://www.almasryalyoum.com/news/%D...AF%D9%8A%C2%BB
5- http://www.almasryalyoum.com/news/%D...87%D8%B1%D8%A9
ماسمهاش يا عم اسمها حضرتك واتعلم تتكلم مع الناس
واسلوبي احسن من اسلوبك على الاقل لما بكلم حد بقوله يا استاذ فلان او حضرتك مش يا عم
قاعدين على القهوة ولا اصحاب علشان تتكلم معايا بالاسلوب ده
وانا اتكلم زي ما انا عايز في اي موضوع في المنتدي
ولو مش عاجبك فيه حاجة اسمها مشاركة سيئة وفيه ساحة كاملة للشكاوي روح اكتب فيها اللى انت عايزه
انا مع حضرتك يا دكتور محمد واوافقك الراى تماما .كل اللى له مطلب دلوقتى بيروح يطلبه اللى عايز زيادة فى المرتبات واللى عايز يتثبت والكل بيدور على المصالح الشخصية .انا مش معترضة ده حقهم وبرضه علشان مخنوقين .لكن انا شايفة ان ده مش وقته فى الاهم فالمهم فالاقل اهمية .انا عارفة ان هتبقى فى مسيرة للمطالبة للحقوق للعاملين فى مصلحة الضرائب المصرية العقود الغير مثبتين .للتثبيت وده هيبقى السعة 9 صباحا يوم الاحد امام وزارة المالية .
انا طبعا معاكم في الامنية دي
ولكن لكل مقام مقال يا جماعة
الاحداث الاخيرة تسببت في انهيار اقتصادي ضخم مش في مصر بس دا على مستوى العالم
اقتصاد العالم كله اهتز للي حصل في مصر
ويكفي انخفاض السفن المارة في قناة السويس واللي وصل دلوقتي 19 سفينة فقط لا غير بدلا من 500 سفينة يوميا
وانخفاض نسبة الاشغال السياحي في الاقصر -ام المدن السياحية- ليصبح 2% وشرم الشيخ 4% بعد ان كان يتجاوز 95%
ناهيك عن الخسائر في المباني والهيئات الحكومية
ناهيك عن ان المؤسسات الحكومية الآن فقدت ثلث كفاءتها الفعلية
ناهيك عن الانهيار الغير عادي للبورصة
وتدخل البنك المركزي لحفظ قيمة الجنيه المصري وثبات قيمته امام الدولار
غير التعويضات اللي هتتحملها وزارة المالية للناس اللي تضررت من الكلام دا
كل دا الاقتصاد المصري مضطر انه يواجهه منفردا وفرس لفارس
ومننساش ان اسعار البترول العالمية ارتفعت بصورة ملحوظة
الأولى اننا نساعد الدولة مش نطلب مطالب تعجيزية ليها
أتمنى مكونش أحبطكم لأني فعليا اتمنى ان البنزين سعره ينزل طبعا
بس كل حاجة بالعقل يا جماعة
وربنا يكرمنا جميعا يارب
سعره كويس بالنسبة للظروف الحاليه احمد ربنا