بالضبط, نشغل الناس على قد ما نقدر.
و لو مش شايفنها انقاذ للاقتصاد الوطني,نبصلها على انها صدقة مستترة.
احييك بشدة.
عرض للطباعة
متفق معاك تماما لو كان في جيبي 100 جنيه فقط و قدامي اختيارين اما اني اشتري بيهم اسهم او اشتري بيهم مستلزمات حياتي
لكن لو في جيبي 500 جنيه نويت اصرفهم يبقي ادفع 400 في المستلزمات و اشغل بيهم الناس و 100 تتحط في البورصة عشان لو البورصة وقعت دلوقتي هاجي بعدين لما اشتري حاجة بـ 10 جنيه هلاقي سعرها بقي 20 ...
ليه بقي ؟؟؟
لان البورصة من اهم وسائل التمويل بمعدل تكلفة اقل ،، فا البورصة لو نزلت فا الشركات مرغمة انها تاخد تمويل بتكلفة اعلي من البنوك متمثل في قروض و سندات و ده هايخلي تكلفة التمويل اعلي و بالتالي تكلفة السلعة تزيد علي المستهلك
باختصار شديد انا معاك في انك تدور عجلة الاقتصاد من فرد لفرد .. لكن مهم بردو ندور العجلة من كل الجهات ... ولا ايه ؟؟
القلوب عند بعضها
طيب التمويل ده بيتم امتى
في حالتين
يا اما الطرح المبدئي ..... يعني شركة اول مرة تطرح في البورصة
يا اما شركة بتزود رأس مالها عن طريق زيادة عدد أسهمها
و الحالتين مش هيحصلوا دلوقتي مفيش شركة مجنونة هتعمل كده دلوقتي
انما المضاربة او حركة البيع و الشراء لسهم شركة قائمة و متداولة من فترة حاليا و لم تقم بطرح مبدئي و لم تقم بزيادة راس المال مؤخراً ...... لا يعتبر تمويلا للشركة .... و لا يعتبر تدويرا لرأس المال .... لأنك مش بتشتري من الشركة ..... انت بتشتري من مضارب ...... و يصب فقط في مصلحة مالكي الأسهم الحاليين ...... اللي هما أصلا عايزين يبيعوا و مش فارق معاهم لو غرقت تاني يوم ......
تااااااني ..... سعر سهم الشركة حاجة ..... و ربحيتها او سعر المنتج حاجة تانية .....
و انهيار سعر سهم الشركة بسبب ظروف مؤقتة لا تمس الشركة نفسها ..... بس الشركة انتاجها لا يزال قائما و مبيعاتها لا تزال مستمرة بمعدل جيد ...... لا يعتبر سببا لرفع سعر السلعة ...... لان العوامل المتحكمة في سعر السلعة هي تكاليف الانتاج (خامات, مواد أولية, لوازم انتاج, طاقة, مصاريف تسويق ... الخ) + ربح ... سعر السهم مش طرف في المعادلة
التمويل مش بس في الحالتين دول فقط .. التمويل كمان ان الشركة تقدر تبيع اسهم خزينة بتمتلكها في اي وقت بغرض الحصول علي سيولة نقدية
ثانيا المعادلة طبعا مفيهاش اسهم انا معاك لكن الخامات و المواد الاولية و لوازم الانتاج غالبا بيتم استيرادها من الخارج و اكيد تعرف ان اسعار الطاقة ( البترول ) و سعر الدولار في مقابل الجنية ارتفع بسبب هبوط البديل اللي هي الاوراق المالية فا الناس اتجهت لشراء عملات او دولارات بالاخص ... و ده هايخلي تكلفة التشغيل اعلي و هايأثر علي سعر المنتج
طبعا التأثير مش هايكون بين يوم و ليلة و لكن التأثير جاي جاي
اذاً انخفاض سعر السهم بيمس الشركة و هايأثر عليك و عليا بطريقة غير مباشرة و ده مؤكد
يا سيدي الفاضل معاك حق في موضوع اسهم الخزينة
انا باتكلم على الاسهم العادية خالص بتاعة المضاربة
دي مالهاش اي علاقة بسعر المنتج خالص
و موضوع شراء العملات او الدولارات ده غباء مستحكم بس علاجه مش البورصة ابدا ..... علاجه هو تدوير رأس المال و تشغيل الأعمال المعطلة
انا مختلف معاك ..... فلوسي - حتى لو 100 جنيه - عمرها ما هتتدفع في انقاذ الحيتان أبدا ........ هما سبب بلاوينا ..... يشيلوا بقى مش يشيلونا الليلة
لو حضرتك بتتكلم عن الاسهم العادية بتاعة المضاربة فا انا معاك مليون في الميه .. بس لازم نوضح للناس ان اسهم المضاربة بتاعة الحيتان اللي معظمها بيتكون منها مؤشر egx 70 مش هي دي هدفنا ... احنا هدفنا المؤشر الرئيسي egx 30 و ده مش بتاع حيتان ولا بتاع مضاربات .. و كمان هانبتعد عن الاسهم المشبوهة منه زي حديد عز
و احب اقول كمان ان الحيتان طلعت فلوسها من بدري من اول يوم طلع واحد و حرق نفسة امام مجلس الشعب
و نظرية الحيتان لا تمثل الا نسبة بسيطة من المتعاملين في البورصة ...
احب افهم الناس كمان ان بعض الهيئات الحكومية الخدمية و التأمينات الاجتماعية و المعاشات ، بتسثمر جزء من الفلوس دي في البورصة