انا مش فاهم

**maka** · 02-04-2008 04:10 PM

ازاى الكاربراتر بيتسد من وسخة البنزين مع ان كل العربيات فيها فلتر بنزين

**mazgangy** · 02-04-2008 05:12 PM

الموضوع ده حصل مع واحد قريبى واستخدمنا منظف الكاربرتير اللى بيضاف مع البنزين عبوه بتتحت على 20 لتر بنزين نوع مشهور اسمه جانك ثمنها من بنزينه موبيل 25 جنيه وجابت نتيجه وبعديها غيرنا فيلتر البنزين والموضوع ده بيحصل لما تجيب اخر التانك يعنى تمشى بالعربيه ومفيهاش بنزين وتجيب اخر التانك والمفروض تحط بنزين لما الموشر يبقى فى الربع الاخير ومش تسبها لحد ما تجيب اخر التنك

**aif** · 02-04-2008 05:19 PM

ممكن بعض الشوائب تعدي من الفلتر
وممكن الفلتر نفسه يكون نوعيته رديئة ... وده امر شائع
وبعدين الكربراتير بيدخله هواء كمان ... يعني ممكن الاتربة تكون من الهواء .... وممكن فلتر الهواء يفوت بعض التراب او ما شابه ذلك .... ولاحظ ان كثير من الناس مش بيهتموا بالفلاتر ومش بيغيروهم في مواعيدهم
خاصة ان مصر جوها دايما به اتربة ناعمة جدا

**ahmed azab** · 03-04-2008 04:01 AM

المفروض الفلاتر والسيور ليها صيانة دورية بتختلف من عربية للتانية وعلي حسب الكيلو متر والاستعمال
بس عملا فلاتر البنزين والهوا خصوصا في العربيات القديمة ممكن تتعرف علي الوقت المناسب لتغيرها من خلال شكلها وطبعا اداء العربية بيقل نتيجة لترسبات في الفلاتر سواء البنزين او الهواء للللللللللحد متلاقي العربية اتبرجلت