انا معايا خط اتصالات واذ فجأة فوجئت برسالة جديدة والمرسل moi
ببص لقيتها بتقول
من وزارة الداخلية - الشرطة لن تكون إلا في خدمة الشعب وحمايته
حد منكم جات له الرسالة دي ؟؟؟؟؟؟؟؟
ايه الحكاية يا احمد بيه كمال ؟؟؟؟؟
عرض للطباعة
انا معايا خط اتصالات واذ فجأة فوجئت برسالة جديدة والمرسل moi
ببص لقيتها بتقول
من وزارة الداخلية - الشرطة لن تكون إلا في خدمة الشعب وحمايته
حد منكم جات له الرسالة دي ؟؟؟؟؟؟؟؟
ايه الحكاية يا احمد بيه كمال ؟؟؟؟؟
حضرتك متاكد ان كلمة الا موجوده
اشى خيال ياناس
غالبا moi اختصار ل ministry of interior
وزاره الداخليه
و اظن ان دي محاوله منهم لتشجيع الناس علي الثقه فيهم مره اخري
و هي مبادره جميله فعلا و كانت هتكون اوقع و اكتر تأثيرا لو جت منهم قبل كده و لوحدهم
لكن مش يمنع ان بعت رسايل زي دي ممكن برضو يساهم في ايجاد بذور لثقه مفقوده منذ وقت طويل
==========
و ليه بتسئل احمد بيك كمال و انت الدكتور محمد بيك
مش انت اللي الداخليه بتطيب بخاطرك يبقي انت البيك بس متنساش ناسك و اصحابك :star1:
د.محمد وصل ياجدعان
ويابخت من كان الدكتور.محمد قريبه
بص يا باشا
اي شخص او شركة يقدر يشتري حاجة اسمها Bulk SMS account عشان يبعت رسائل لعدد كبير من الاشخاص بتكلفة بسيطة جدا
و دي خدمة بتقدمها شركات المحمول
و بتقدمها كمان بعض الشركات التانية في مصر و برة مصر المتخصصة في التسويق عبر الرسائل
و شركة المحمول - اي شركة من التلاتة - مالهاش علاقة بمحتوى الرسالة لان المرسل بياخد الاكونت و بيخش يبعت هو
زي رسائل الاعلانات اللي بتيجي لك من اي محل او شركة بتعمل عروض على ملابس او رحلات او غيره
تصدق والله شككتني في نفسي انى اكون قريت الرسالة غلط واتاكدت منها تاني
فعلا فيها الا
هي فعلا اختصار وزارة الداخلية بس بما اننا شعب ثقافته انجليزي الوزارة بعتت اختصار اسمها بالانجليزي
وفعلا دي محاولة تضاف لتغيير الشعار البائد لكن المهم الاستمرار في السلوك العملي بما قد يعيد الثقة المفقودة وغير الموجودة من زمن كبير جدا
وبسئل احمد بيك كمال لانه في اتصالات وممكن يفتينا بحقيقة الرسالة دي
واحتمال تكون الداخلية بعتتها الاول للناس اللى اتظبطوا من 25 الى 28 يناير وفلتوا منها
ومتقلقش وعد مني لو رجعت اسوا من الاول واتمسكت هقول اسمك اول واحد
بطلوا قر
تفتكروا ان الرسالة الاول وصلتني ده معناه اني ممكن يشيلوا هاني هلال ويحطوني مكانه ؟؟؟؟؟
عامة لو حصل كل الرجالة بتاعة موضوع الغش في الامتحانات تبعت لي اسمائهم (مش علشان اسقطهم محدش يقلق) علشان هنجحهم وهظبط التعليم اللى مش عالي حاليا بالمرة
عارف يا باشا بس انا قلت اتاكد منك باعتبارك المسؤل الحركي عن الاتصالات في المنتدي :36_2_33::36_2_33::36_2_33: معاك ربنا يا ابو حميد ونشوفك بعد كام سنة
الشرطة تريد .............مصالحة الشعب:verygood:
الشعب فى خدمه الشرطه
ده اللى انا اعرفه
خدوا احلى خدمه يوم الجمعه - 24 قيراط
لسه وصلاني الرسالة حالا من شوية
على فكره
المفروض ترد عليهم برساله شكر
وياريت تسأل هنصرف قنابل الغاز المسيله منين؟ ونسلم الفارغ ونستلم مليان امتى
مزاجى مش مظبوط و الكيف غلاب
السلام عليكم و رحمة الله و بركاته
أقرأ رسايلك, أصدقك
أشوف أمورك, أستعجب
قال فى خدمة الشعب, قال!!!!!!!!!!!, أومال لو ماكانوشى فى خدمة الشعب كانوا عملوا ايه؟؟؟؟؟؟, ده لسه فيه معتقلين بالمئاااااااااااااات من يوم 25 يناير و لسه الشرطة لا أفرجت عنهم و لا حتى عارفة هما فين !!!!!
لسه واصله من 5 دقايق
ياريت يبقى افعال مش اقوال
فيه 4 ضباط فى قسم " قالوا اسم الاسم واسامى الضباط ال 4 بس انا مش فاكرها" بيعذبوا ناس من المحتجين
الاخبار اتقالت امبارح فى ميدان التحرير وهيقدموا بلاغ للنائب العام بيها
الشرطه والقانون ف خدمه الشعب
مش هى دى الرسالة المطلوبة
النمرة كدا غلط
ميصحش يا دكتور
ده احنا اللي لازم نخدموووووووو
الرسالة جت لي من شوية ، حبيت أعبر عن إعتراضي بإنتهاك حريتي الشخصية بالرسالة
للأسف لقيت مفيش خاصية رد عليها
كلمت خدمة العملاء و رد أ / عمرو بعد ما إتلطعت 10 دقائق
طلبت منه أكلم السوبرفايزر و طلب منّي يعرف ، قلت له مهما كان صاحب الباكج حتى لو جهة سيادية فمش من حقه
لاوعني و المفروض وعدني إن خلال 60 دقيقة السوبرفايزر يكلمني .
في حالة ما إقتنعتش بكلامه ، على الأقل حخلص رصيدي (حاجة و 80 جنيه) و أحط شريحتي و 3 شرايح تانيين بتوع ولادي و زوجتي
في شوية مياه ، و حأحاول في ظل الحريات أقدم شكوى للسيد النائب العام .........
كفاية بلطجة بقى .
حبيت اشارك المشاركه دي هنا مش في موضوع جديد
يا جماعه في اخبار ان الاهالي في الخارجه علي وشك دفن جثامين اتنين من الشهدا
و الامن هناك انسحب الي مديريه الامن و في صوت طلقات جاي من هناك
و الاهالي حرقو مبني الشرطه و المحكمه و استولو علي نقطه الاطفاء
انا شايف مجزره علي وشك الحدوث
في حد من الاعضاء من هناك يطمنا؟
أستاذ / محمد سوبرفايزر خدمة العملاء كلمني مشكورا من 5 دقايق و كلامه مقنع جدا
الحل إللي بفكر فيه بجد هو التقدم ببلاغ للسيد النائب العام مباشرة ضد وزارة الداخلية بانتهاك حريتي الشخصية
بإرسال رسالة لا يمكن الرد عليها من الناحية التقنية .......... و مش حمسح الرسالة من على الموبايل كدليل .
أرجوك بالهمة في صياغة البلاغ إن أمكن .
يا ترى العنوان صح :
مكتب النائب العام
في دار القضاء العالي
أول شارع 26 يوليو
ميدان الأسعاف
القاهرة
وصلت يا كبير برضو عندى
مش عارف إذا كان في جَدّية بتقديم بلاغ مجمع لمن يرغب من السادة الأعضاء ؟
تحت أي حال من الأحوال عن نفسي حقدم البلاغ إن شاء الله و يا رب يبعتوا لي على باقي خطوطي التلاتة من إتصالات
و خطي الفودافون .
اه بدليل ان مواقفهم اتغيرت فعلا..شوفوا احداث الخارجه فى الوادى الجديد بتاع امبارح الى مات فيها 3 برصاص حى..
شوفوا رئيس المباحث هناك الى عمل رامبو ونزلهم فرح وقالهم يابلد مفيكوش راجل وضرب نار فى الهوا عشان يخوفهم ولما قلبوا عليه ضرب نار عشوائى
شوفوا كلام اهالى الشهداء ماتوا ازاى الى تابعهم فى البرامج هيعرف..
.. تقريبا كلهم لاما عربيه داسته لاما رصاصه فى القلب لاما رصاصه الرأس.. ووالله كان فى واحد واخد 3 رصاصات واحده فى الرأس وواحده فى القلب وواحده فى الرجل ..الى اهله كانوا مع معتز امبارح
دول ارهابيين انا مش متصور ان دول بنى ادمين اصلا موقفين قناصين بتضرب متظاهرين فى الرأس والقلب !!!
دا ايام الانجليز لما كانت مظاهره ماشيه وفى شهيد مشهور مش فاكر اسمه كان شايل علم مصر وماشى والضابط الانجليزى قاله ارجع ورا مرضاش.. ضربه رصاصتين فى اماكن متموتش واتنقل المستشفى وبعدها بفتره مات ومجلس العموم البريطانى انتقد الضابط دا وعملوا مشاكل عليه....
لكن فى مصر !! مصريين بيضربوا فى القلب و الرأس وحكومتهم تقولهم اميييييييييين
اتمنى يغيروا اسمهم من الشرطه للجهاز القومى لأدراه البلطجه والسرقه
دول بعتولي 4 مرات
1- من وزاره الداخليه : رجال الشرطه عادوا للشوارع لحمايه المواطنين وامنهم يرجي التعاون معهم
2- من وزاره الداخليه: لن يكون تعاملنا من اليوم الا بالصدق والامانه وسياده القانون
3-من وزاره الداخليه : الشرطه لن تكون الا في خدمه الشعب وحمايته
والرابعه مكرره
مع الاولي
استنيت الوزير يكلمني بعدها بس تقريبا ممعوش رصيد
والله دا اسمه تهريج
بكره نلاقيهم باعتينلنا في الاعياد ورمضان
وتلاقي رساله بتقول
اصحك زقكك انكش شعرك كده واتنطط عيد سعيد يا جميل يا مقطقط
مع تحيات وزاره الداخليه
المفروض الشرطه تشوف الفيديوهات اللى على النت وبعد كده تبقى تقرر ها تعمل ايه مش عايزين شعارات لاننا تعبنا من الشعارات عايزين فعل
انا شايفة ان مش من الرجولة يبعتو الرسايل بدون رقم للرد عليهم بما يليق بمكانهم فى قلوبنا
لما انا جات لي رسالة واحدة وبتقولي كدة امال شنوري اللى جاله 3 رسائل تقولي عليه ايه
في الوادي الجديد عل ىفكرة الشرطة محصلهاش اي حاجة ولا كان فيه مظاهرات اصلا لغاية امبارح واللى حصل من ظابط لسة عايش قبل 25 يناير وصدام مع الاهلى ينتهي بحرق القسم والامن المركزي يضرب
جات لواحد صاحبى ومجاتش ليا
يمكن وزير الداخليه معهوش رقمى ؟
على العموم انا عارف المغزى من الرساله
الشرطه خايفه تنزل الشارع تتثبت تانى والشعب يعلم عليها مره تانيه
جاتلي انهارده الصبح برضه.
طبعا أي كلام في السخان.
بيفكروني بواحد كرش مراته بره البيت
وعماله تتمسح فيه
وتقوله انا حرجع حلوه
انا عاوزاك تتعاون معايا
انا مليش الا خدمتك يا سيدي وتاج راسي
ولما يتقفل عليهم باب انتم عارفين الباقي مش محتاج اشرح