جزاكم الله خيرا
الله يبارك في حضرتك و لا تنسانا من صالح دعائك
جميل ياريس وحلو الكلام ياريت يجامعه الى عايز يتحرى ويتكلم كلنا نعمل مقابله او اجتماع للى عنده نيه يشارك ونتكلم ع االمكشوف انا زيكم ونفسى نتقابل علشان احس الموضوع فيه جديه مش اى كلام
الاخوة الاعزاء
نظرا لاني علمت ان في بعض الاعضاء عندهم قلق من ارسال صور البطاقه ليا فتم حذف بند صورة البطاقه من البيانات المطلوبه ليكون كالاتي
1--الاسم
2-المبلغ اللي هتشارك بيه ان شاء الله
3-مدينه الاقامه
4-مجال العمل
5-الموبايل
6-الايميل
و اتمني ان اي شيء يقلقكم يا ريت نتعاون سوا و تدلوني
و جزاكم الله خيرا
ويجماعه انا بقترح ان يكون اول اجتماع لمن لديه نيه المشاركه يوم الخميس القادم ايه رأيكم؟؟؟؟؟؟؟؟؟؟
فين الناس ولا الناس نامت
طيب ايه المشروع اللي هيتعمل ؟؟ ولو معايا 5000 جنيه ينفع ابقي شريك معاكوا ؟؟ اصلي مقرتش الموضوع كله
http://h03.net/DontLink/ANI3DcellPhoneC.gif
بالتوفيق إن شاء الله ويا ريت أعرف عدد حضراتكم كام حتى الآن و يا ريت لو فيه حد أدنى للمشاركه ويكون أفضل لو فيه حد أدنى والمكان المقترح فين
ولو تكرمت تبعتلي الميل بتاعك على الخاص
السلام عليكم
في البداية أنا سعيد جدا بهذا الموضوع الممتااااز وإن شاء الله يكون فاتحة خير عليكم ومقدمة لمواضيع مماثلة
ثانيا أنا لي ملاحظات أتمنى أن تتقبلوها
1- حسب علمي منذ فترة كان الصندوق الإجتماعي للتنمية بمجرد أشتراكك مع برامجه بيديلك فرصة المشاركة المجانية في معارض التسوق داخل وخارج مصر والسفر والإقامة بتبقى عليهم داخليا وخارجيا
ويمكن الأمر يحتاج أخذ قرض منهم ( الله أعلم ) وأنصح الجميع بعدم الانجرار للبنوك لأنها بداية المهلكة مهما كانت الاحتياطات
ويمكن الصندوق يلغي حق المشترك في التوظيف الالزامي
2- سألت أحد مصنعي الأكياس بمعرض السياحة والتسوق عن أسعار الماكينات
قاللي ممكن يوفرلي المكن بالقسط ومن غير مقدم لكن أكيد هأفلس
لأنه المصنع هيحتاج مواد خام فانت هتجيب مواد خام بكل ما تملك وتيجي ساعة البيع هتلاقي الموضوع صعب مش سهل ويمكن تضطر تبيع بأسعار أقل وبالآجل - كده هتبقى عليك أقساط ورواتب متأخرة ومحتاج مواد خام
هتضطر تجيب مواد خام بسعر اغلى بالآجل وتنزل أسعار البيع علشان تاخد فلوس كاش
المهم إنك هتدور في حلقة مغلقة
وعلشان كده قاللي إنه بدأ في الأول بالتسويق لغاية ما قدر يغطي انتاج مصنعين وبعدها جاب الماكينات وعمل المصنع وهو مرتاح
أنا هنا مش بأحبطكم لكن بأنبهكم إلى التأني في دراسة الجدوى
3- أنا رأيي إن يكون المشروع فيه الإحتياطات دي
أ- وجود سيولة مالية تغطي تكلفة إنتاج المصنع لمدة عدة شهور حتى بداية التسويق الحقيقي
يعني لو تكلفة الأصول الثابتة مثلا 500 ألف جنيه يبقى محتاجين قدهم أو ضعفهم والتي تكفي لشراء المواد ورواتب العمال وباقي المصارييف الأخرى لمدة 6 شهور أخرى
ب- تنويع المنتجات في البداية من ملابس داخلية وخارجية أطفال وحريمي ورجالي
ج- هناك نسبة عكسية بين عدد أنواع المنتجات وبين تكلفة المنتجات المشونة لحين بداية التسويق الحقيقي
يعني كل ما تزود عدد أنواع ومقاسات المنتجات كل ما هيكون التسويق أسرع
لكن لو اعتمدت على منتجات تشكيلتها قليلة فانت هتواجه صعوبة شديدة في التسويق وربما هتضطر تؤجل التحصيل وتدخل في علاقات متشابكة مع تجار طيبين وأشرار
د- لو قدرتوا تعملوا مصنع متكامل هيكون أفضل وهيزود فائدة الماكينات الثانوية زي الرفة والتغليف وخلافه
يعني ممكن تضيفوا ماكينات شرابات وغيره
ه- ممكن لو عدد المنتجات كبير ومتكامل يتعمل مراكز بيع خاصة بالمصنع في كام مدينة من عواصم المحافظات
زي مصنع كونكريت لما بدأ في الأول كانت منتجاته في المنيا مثلا لا تباع إلا في محل كونكريت فقط والمحل كان باسم المصنع وده عمله اسم محترم
ولو عملتوا اعلان صغير عن إن فيه مصنع جديد ومحتاج توكيلات هتلاقوا كتير يتقدم ويجهز هو المكان وانتوا فقط هتمدوه بالملابس بس لازم تكون تشكيلة متكاملة مش نوعين تلاتة وخلاص
و- فيه فكرة تانية إن قبل أي شئ تربطو مع تجار كبار إنكم تعملوا مصنع مقابل إن هو ياخد كل منتجاتكم
يعني حسب ما أتذكر فيه تاجر اسمه تميم في القاهرة كان يشوف الموديل المطلوب ويديه للمصنع والمصنع يعمله ويحط عليه استيكر تميم
طبعا ده مش هيعمل اسم للمصنع في البداية لكن هيوفر تسويق بكمية معقولة جدا وبربح معقول في البداية
ز- فيه فكرة تانية وهي إنكم تعملوا الإشتراك في المشروع على قسمين وإدارتين
مصنع للملابس وشركة للتسويق وكل إدارة يتحملها اللي عنده الخبرة في مجال منهما
أنا خارج مصر وإن كنت اشتغلت في الملابس أيام الكلية وكمان من كام سنة اشتريت بخمسين ألف جنيه ملابس من شركة في دبي بيسموها مخلفات المصانع وللأسف ما قدرتش أسوقها رغم إنها كانت فيها عينات ممتازة وفيها إنتاج ألماني وتركي وباكستاني وغيره
القطعة كانت ثمنها 5 دراهم ( 7.5 جنيه ) وكلفتني بالكامل مع الجمارك بكله متوسط 10 جنيه للقطعة
بس التجار مشكلة ولما بيفهموا إن شخص مزنوق مش بيرحموه
عفوا للإطالة وتمنياتي لكم بالتوفيق
ياريت يكون بس يوم الجاى الخميس ان شاء الله نظرا لدى ظروف سأتغيب من يوم 22 لمده 25 يوم فياريت يكون ان شاء الله يوم الخميس القادم ان شاء الله