متابع باهتمام شديد...ومعاكم فى المقابلة ان شاء الله..ويا ريت لو الأخ الفاضل صاحب الموضوع تكونت لديه فكرة عن الحد الأدنى المطلوب يكون كويس...
متابع باهتمام شديد...ومعاكم فى المقابلة ان شاء الله..ويا ريت لو الأخ الفاضل صاحب الموضوع تكونت لديه فكرة عن الحد الأدنى المطلوب يكون كويس...
بالنسبه للمشروع اللي هيتعمل باذن الله برجاء قراءه اول مشاركه ليا في الموضوع و انت هتعرف كل شيء باذن الله
و بالنسبه لحكايه ال 5000
احنا الحد الادني للمساهمه معانا هو 10000 جنيه
لكن انتظر ربما حد من الزملاء نضمك ليه و تبقو انتم الاتنين مشاركه واحده مقسمه ما بينكما
و الله الموفق
جزاكم الله خيرا
و الله العدد حتي الان معقول و ممكن احسبه و اقول لحضرتك لاننا ممكن من ساعه لاخري العدد من فضل الله يزيد
و بالنسبه للحد الادني هو 10000 جنيه ان شاء الله
و بالنسبه للمكان المقترح : هنشوف باذن الله بالتنسيق مع الجميع و ان شاء الله خير
و انا عن نفسي اقترح نادي يكون افضل و يكون دخوله ميسر و سهل للجميع
و علي سبيل الاقتراح : اقترح نادي الطالبيه بمحطه الطالبيه - شارع الملك فيصل
هو هناك مفيش قاعه اجتماعات و لا حاجه
بس اللي اعرفه ان دخوله سهل لغير الاعضاء
و لو في اي اقتراحات يا ريت نسمع
و الايميل هبعته لحضرتك علي الخاص باذن الله
اولا و قبل اي شيء احب احييك جدا جدا علي فكرك
لاني بجد حابب الحوار يكون كده بيني و بين المشاركين علشان كل ما هندخل في التفاصيل اكتر كل ما هنتكلم اكتر و يبان مصداقيه المشروع و الناس تعرف اكتر عن كيفيه او تمكن اللي هيديروه من عدمه
ثانيا اسمحلي ارد علي مشاركتك الرائعه نقطه نقطه
بص يا اخي
طبعا موضوع البنوك ده للي يعرف و ميعرفش انه خراب بيوت مستعجل من كذا جهه
1-انه طبعا ربا و ده يكفي
2-مواعيد سداد الاقساط لو اتاخر ثانيه بتبدأ الدوامه التي لا تنتهي
3-في حاله اي اضطراب مادي هتلاقي الدنيا اطربقت
و غيره و غيره
بالنسبه بقي لموضوع الصندوق الاجتماعي
هيا كفكره المفروض انها معموله علشان تخدم مشاريع زي اللي بنتكلم فيها
حلو اوي
لكن الواقع و دون الدخول في تفاصيل مفيش اي جهه هتاخد منها مساعده تذكر الا لما المنشأه يبقي ليها وضع
يعني علي سبيل المثال
في شركات كبيره بدون ذكر اسمها ووضعها المادي ما شاء الله فوق المتميز لكن بتلهف دعم من الدوله ما شاء الله و كله قانوني
يعني مثلا
علشان جايب موظف كبير من بره مصر فبياخد دعم علي الراتب الشهري للموظف
و طبعا الشركه بتفبرك الورق بتاع مرتب الموظف علشان يبقي نسبه الدعم اللي هتساهم بيه الدوله يكفي المرتب كله بتاع الموظف مش جزء علي الشركه و جزء علي الدوله
مش كده و بس
لا
مثلا هيئة تحديث الصناعه بتدي الشركات الكبيره ( اللي بيبقي ليها مواصفات معينه و اجتازت شهادات معينه زي الايزو و الراب و خلافه ) بتديهم مبالغ نظير تدريب العمال و الموظفين بتوع الشركه
طبعا بالتظبيط بين الشركات و بين الجهات المانحه للدورات بيتم تظبيط ورق دفع المبالغ بحيث بردو تدفع الدوله كل فلوس التدريب ( بدلا من ان تقتسم الشركه جزء و الدوله جزء ) زي المثال اللي فات بتاع الموظف الكبير الغير مصري
يعني مثلا
المبلغ الاجمالي الفعلي اللي مفروض تاخده الجهه المانحه للدورات 10,000 جنيه المفروض الدوله هتدفع 50% و الشركه % 50
يتظبط الورق و يكتبوا المبلغ 20,000 تقوم الدوله تدفع النص اللي عليها اللي هو 10,000 و تبقي الشركه مدفعتش حاجه و ادفعي يا دوله
و كذلك الحال علي الضرائب و المنح و المساعدات
انا عايش التجربه و اللي حكيته ده اضعاف غيره كتير
معاك الف حق
بص يا سيدي
اولا في المجتمعات الصناعيه للاسف كلمه دراسه جدوي الناس بتخلط بينها و بين التصور التخطيطي للمشروع
باختصار شديد
دراسه جدوي اي مشروع مينفعش تبقي مبنيه علي اسعار الماكينات مثلا و شكرا
لا
بتبقي مبنيه علي الاتي :
1-اسعار الماكينات
2-تكاليف البنيه ( زي المواسير و الدهانات و خلافه )
3- تكاليف التشغيل ( مرتبات و اجور + استهلاك الكهرباء و المياه و خلافه )
4-الخامات ( لمده تشغيل تزيد علي ميعاد التحصيل بشهر كامل )
5-مال سايل ( بيبقي موجود كاحتياطي نقدي للمشروع )
لان مش الشطاره في انشاء المصنع
لا
الشطاره ان المصنع يستمر باذن الله
فجزاكم الله خيرا
و ان شاء الله بعد ما نجمع كل الاعضاء و يبقي معانا رأس المال اتحدد باذن الله و ان شاء اله تبقي حاجه كويسه
اعتقد دي غطيناها في الرد بتاع النقطه 2
طبعا اكيد لان المحرك الاساسي للتنويع باذن الله هيكون احتياجات السوق
و هنعتمد باذن الله في اختيار موديلاتنا ان يكون الهدف منها التنوع و و عدم التكرار و ان كل موديل يخدم هدف و الموديل الاخر يخدم هدف اخر
يعني مثلا اللي عاوز موديل عملي مش مهم يكون فاشون اوي بس يكون سمبل و بسيط بس يكون مريح هيلاقي باذن الله
اللي هيحتاج حاجه فاشون و شكلها جذاب بردو هيلاقي باذن الله
اللي بيدور علي ملابس تخسيس بردو - و هكذا الخ
و ده كنا ناقشناه قبل كده في المشاركات السابقه
اكيد طبعا بس المنتج بتاعنا ده بيتميز شويتين في تسويقه و التعامل معاه غير الملابس الجاهزة و كده
هو بالفعل مصنع متكامل
بياخد الخيوط و يبدأ يحولها لنسيج و بعدين يتجمع الاجزاء سوا و خلاص ( بس انا بنوه اهوه المصنع ده مش زي النسيج التقليدي ده مصنع متطور بينتج منتج زي بتاع كارينا بالظبط )
و بعدين مرورا بمرحله الحيكه و الصباغه و الكي و التغليف
و يطلع منه المنتج في شكله النهائي
المصنع ده باذن الله هيقوم بكل المراحل
و بالنسبه لموضوع الشرابات فكره كويسه بس سوق الشرابات دلوقتي بقي سيء غير المنتج اللي بنتكلم عليه اللي سوءه ما شاء الله ممتاز جدا
فكره رائعه و ان شاء الله نحاول نبحث فيها بالتفصيل
بالفعل هو ده اللي هيحصل باذن الله بس مش بالشكل ده
هنعمل منتجنا باسمنا احنا و الف مين يشتري مننا لان كل اللي في السوق بيصنع لنفسه علي عكس الملابس الجاهزة ان ممكن مصنع يشغل للغير
فالتجار متعودين انهم عادي انهم ياخدوا المراكه و يسوقوها مش شرط تبقي باسمهم
هي اللي هيحصل ان شاء الله هيبقي فيه اداره تسويق تابعه للمصنع زيه زي اي مصنع و في المستقبل تكبر مع كبر المنتج و تبقي شركه تسويق
لكن من دلوقتي انها تبقي شركه تسويق هتبقي مش ولا بد لانها هتأدي الي التشتت شويه بالاضافه الي انها هتحتاج استعدادات خاصه
نبدأ الاول باداره للتسويق علي قدنا و لما ان شاء الله المصنع يكبر و المنتج يبقي ليه اسم و توزيع كبيرع هتتحول اداره التسويق الي شركه تسويق
احييك علي افكارك
تقبل تحياتي و جزاكم الله خيرا علي التعاون و تبادل الافكار
متابعة حضرتك اكيد شرف للموضوع
و تنور المقابله باذن الله
الحد الادني باذن الله هيكون 10,000
بس طبعا اللي يقدر يزود يكون افضل لان لو الاعضاء كلهم وقفوا عند حد ال 10,000 هيبقي قليل جدا
بس الحمد لله البدايه مبشره جدا و في اعضاء بالفعل بيشاركوا يوميا بمبالغ كويسه
و ان شاء الله بالكتير علي اخر يناير او اوائل فبراير بالكتير يكون اتجمع مبلغ اكتر من المتوقع
و الله الموفق باذن الله
هل فيه اي اقتراحات بالنسبه للمقابله ان شاء الله
بعت لحضرتك على الخاص، وعندي اقتراح لو ينفع:
كل عضو مشارك أكيد من منطقة مختلفة عن الاخر، اقتراحي إن كل عضو يقوم بالتسويق في منطقته، وكده هانضمن في البداية إنك هاتسوق في أكتر من منطقة.
جزاكم الله خيرا
بص يا سيدي
فكرتك حلوة و ناخدها ان شاء الله في الاعتبار
و احنا اكيد هنهتم بالتوزيع
و ان شاء الله عندنا افكار كويسه للتوزيع
يعني مثلا هنعمل غلاف جذاب غير اي غلاف
هنحاول بردو نضيف مع المنتج حاجه بسيطه زي دلاليه خفيفه او حاجه زي ميداليه مفاتيح بسيطه
حاجات من اللي هيا بتتباع في الصين بالكيلو
مش هتكلفنا حاجه و هتعمل باذن الله صدي كويس
و جواكم الله خيرا علي الاقتراحات البناءه
و ارجو من الاخوة اي حد جاتله فكره يتكلم و نناقش سوا حتي لو هو مش من المساهمين
و الله الموفق باذن الله
معلش اعذرنى على قله خبرتى
هى المركب دى هيكون ليها كام ريس؟؟؟؟؟؟؟؟
سؤال ممتاز و رائع
بص يا سيدي
كثرة عدد المساهمين مش قاعده ان يزيد عدد الاداريين
لان اللي هيدير المصنع ادارة واحده بقرار واحد
و المساهمين من حقهم يطمئنوا علي فلوسهم بالطرق المريحه زي الاطلاع علي المستندات بكل تفاصيلها علشان يعرفوا دي جايه منين و رايحه فين
انما الادراه نفسها تتطلب حد يكون خبره و عارف
زي مثلا العربيات لما بتبوظ بتاخدها و تروح للميكانيكي يقولك كذا بايظ بتدفع فلوسه و تشتريه و هو يركبه و العبره في الاخر هل النتيجه هتتحقق و العربيه هتبقي كويسه و لا لا
نفس الشيء
اداره هنديها ثقه و معانا عليها ضمانات كافيه
اداره خبيره و هيا اللي هتدير و المساهمين ليهم كل الحق في المعرفه
اظن لا تعارض
زي اي شركه مساهمه في الدنيا
ماهي الشركات المساهمه كده
و شكرا لتعليقك
و كثره الاسئله تخلينا نعرف اكتر