بصراحة الموضوع ده جميل جدا وفكرته أكتر من هايله
بس انا شايف انه من الافضل انه يتم تحديد موعد مقابلة ويتم مناقشة جميع الامور فيه
علشان على أساس المقابلة دى كل واحد هيحدد موقفه من المشروع
يعنى انا مثلا ان شاء الله (أستخير ربنا الاول) هادخل معاكم فى المشروع
بس انا مش عارف ادخل بمبلغ كام، الموضوع ده يتحدد لما الناس تتقابل وتحس بجدية فى الموضوع وتبدأ ترتب على كل حاجة هما شايفنها وعايزنها
وياريت فعلا الاستاذ MEDO84EG يعملنا زيارة (لو يقدر طبعا) للمصنع اللى شغال فيه علشان الناس تشوف الوضع على الطبيعة وتعرف هى هتحط فلوسها فى ايه
الكلام على الانترنت كويس جدا، بس فى حالة خطوات جدية لازم يبقى فيه مقابلة لمعرفة جدية الاشخاص ومدى امكانية مساهمة كل فرد (سواء بالمال أو بالمجهود)
اقتراحى انه يكون فيه مقابلة قريبة جدا (ولتكن الجمعة الجاية 13-1-2011) ونبدأ نعرض فيها فكرة المشروع من الاول خالص علشان كل الناس تفهم
المقابلة الاولى لن ينتج عنها أى التزام فى المشروع (بمعنى ان لو حد حضر ومعجبهوش الموضوع ممكن ينسحب بدون أدنى مشاكل)
وبعديها هنبقى على اتصال ببعض بالتليفونات ولما الموضوع يكتمل نبدأ نتجمع تانى علشان نحط النقط فوق الحروف ونبدأ الاجراءات ان شاء الله
ومبدئيا: إن شاء الله انا مشارك معاكم فى الموضوع
المفضلات