انا شفت الخبر على موقع الجزيرة , بس لو حقيقي , محتاج الفيديو اللي بيقول فيه كده
انا شفت الخبر على موقع الجزيرة , بس لو حقيقي , محتاج الفيديو اللي بيقول فيه كده
متابع معاك
الكلام ده كان مع الصحفيين أمس
مش مسجل
بس هتلاقية في اليوم السابع
مش متسجل فيديو ؟
خسارة :(
الكلام أتقال فعلا و بجد أحسست بالخوف لما شوفتة لو دى رسالى مستترة يبقى الناس لازم تكون حذرة جدا جدا . الخبر صحيح فعلا و أتذاع كذا مرة
مش هايضرب الناس هيعمل إنقلاب عسكري ونعيد الفيلم من الأول من ثورة 1952
يا جماعه بجد
الكلااااااااااام وااااااضح جدا
مش هايسمح بالمظاهراااااات أكترررررر من كده
إلا لو هاتعمل أنقلاب
يعنى أيه
يعنى يطبق الأحكام العرفيه
وضرب النار الحى هايبقى مسموح بيه طالما أنقلاب بقى
خدوا بالكوا من الكلااااااام ده كويس جدا جدا جدا
أيوة مهو الناس لا يمكن حتقبل بحكم عسكري و مش حيمشوا بالعكس ده ممكن ملايين الناس تنزل بجد, حيعملوا ايه بقى في الحالة دي؟؟؟ لو حصل ان الجيش ضرب الناس أكيد أكيد حيبقى فيه تدخل عسكري خارجي. يبقى ازاي بيقولوا ان ممكن يتعمل أنقلاب و أحكام عرفيه؟؟ ما هو لو بالبساطة دي الجيش يقدر يجبر الناس على حاجة كان زمانه فض الاعتصام من بدري.
أنا بسأل نفسي الأسئلة دي من ساعة ما واحد من الأخوة هنا في المتدى قال حكاية انه فيه كلام ان الرئيس يتنازل للجيش و تعلن الأحكام العرفية. مش عارفة حاسة ان ده تهديد و تخويف للناس مش أكتر لأني مش متخيلة ايه السيناريو اللي يقدروا ينفذوه.
يا سيدي كلام سليمان يحمل في طياتة وسيلة من الوسائل المتبعة لفض التظاهر باي وسيلة
للقضاء على الثورة وتفريغها من مضمونها والاكتفاء بتغييرات شكلية
الاول القمع المباشر من الشرطة
وبعدين انسحاب الشرطة واطلاق البلطجية
وبعدين ادعاء وجود جهات اجنية تقود الاعصام في التحرير
وبعدين موقعة الجمل الشهيرة
وبعد ما نفذت كل اسلحتهم وفشلت
دلوقتى اللعب على نغمة
التخيير بين الفوضى او الانقلاب العسكري
يعنى بيضغط عليك بفكي الرحي لكل تقبل بطرحهم وهو بقاء الرئيس
هل نظام يستميت بهذة الطريقة ويعرض البلد بفوضى فعلا
يستحق الثقة
للاسف...الكلام صح...
يا جماعة الثلاثي سليمان وطنطاوي وشفيق...بيستقتلوا لتأمين مبارك...ده وااااضح جدااا
ومش ناويين يسلموا لارادة الشعب...سليمان قال للصحفيين بوضوح: النظام لم يسقط ولن يسقط
السؤال..هل قوة الشعب ستتغلب ام لا؟؟
ايه اللى بيحصل ده لو حصل الكلام ده يبقى بينقضو نفسهم وشفيق طلع قال اللى عاوز يتظاهر بأدب ايه المشكله مدام سلمية واعتقد ان مفيش اتعدى على حاجه ده بدل ما يحكمو الناس اللى خربو يعملو كده انا بقيت احس اننا عابيييييييييييد هو مش المفروض ان دول شغلين عندنا في ايه
النظام ده عامل زي سلسلة حديدية كل حلقة من حلقات هذه السلسلة مرتبطة إرتباط وثيق بالحلقات الأخرى ..
ان شاء الله قوة الشعب تتغلب - بس عمر سليمان ثعلب كبير ربنا يستر منه
انا كمان مع الرأي الثنائي ده
هو استمرار لحلقة التخويف و التشويه
مبارك قالها لإيه بي سي
ارغب الرحيل و اخشى الفوضى
الكلام ده للي برة مش لينا (بيعتبرونا جهلة مالناش في الميديا العالمية)
يعني باختصار لو مشيت هاتحصل فوضى ياللي برة
طب هما هبل ؟؟؟
حاجة من اتنين ,
يا بيخوف اللي برة من فوضى حقيقية بعده , و اظنها مش هاتخيل عليهم
يا بيقول لهم لو اضطريت امشي هاخربها قبل ما امشي فخافوا على مصالحكم
و الله اعلم
سبحان الله...والله لعله خير
علشان الناس كلها تعرف نوايا سليمان والعالم دي كويس...
وكلما طال الوقت والضغط...هيكشفوا اكتر واكتر عن حقيقة موقفهم...
خير...يمكن لو حسني كان مشي من بدري...كانت الناس سلمت بسليمان وكان ركبنا تاني
كويس..كويس...خلينا ننضف الدنيا صح
ليهلك من هلك عن بينة ولتستبين سبيل المجرمين
بصى حضرتك أمبارح كان هناك لقاء على قناة on tv و أستضاضو خبير لواء جيش فى العلوم العسكرية بأكادمية ناصر للعلوم العسكرية الراجل قال كلام لو شوفتى البرنامج كنتى حا تعرفى اجابة سؤالك. الجيش يدين بالولاء للقائد الاعلى للقوات المسلحة يعنى الرئيس حسنى مبارك نائب الرئيس عمر سليمان يعنى كل قيادات المخابرات العسكرية و المخابرات العامة و قوات الحرس الجمهورى دة جيش لوحدة كامل مهمتة حفظ أمن و سلامة الرئيس و ذكر برضو الفريق أحمد شفيق يعنى ضمان الولاء التام من قادة القوات الجوية السريعة الحركة جدا (( نسور الجو )) و حتى الامن المركزى فى جيبة . و قال ان المتظاهرين ليس لديهم أنياب يعنى بالبلدى كدة لو حدث لا قدر الله أشتباك و دة مستبعد تقدرى تقوليلى الناس الى فى المظاهرات حا يعملو اية و الاعلام بدأ يقول أن ما يحدث أقترب من حالة العصيان المدنى . كلمة عصيان مدنى يعنى سيتم تطبيق الاحكام العرفية و الجيش يتولى زمام الامور و مش معنى دة أنة حا ينحى الرئيس لآ خالص دة حا يكون مؤيد لة بصفتة القائد الاعلى و علاوة على ذلك قال أن القوات العسكرية ممكن جدا تحاصر ميدان التحرير و يسمح بالخروج فقط و لا يسمح بالخروج و ممكن جدا أن يقطع الخدمات الحيوية حتى كوب الماء . بصى يا أستاذة بالبلدى كدة الناس الى فى ميدان التحرير و غيرهم و أن كان لهم حق فى مطالبهم من وجهت نظر الدولة بيعطلو سير العمل و ممكن توجية تهمة التجمهر و التظاهر و التحريض على الحاكم و لو حدث أن الجيش تدخل حا يحكم الشعب حكم عسكرى مفيش تهريج و لا تهاون و الدول الاجنبية و أن كانت متعاطفة مع الشعب بس مصلحتها أهم و أستشماراتها أهم مليون مرة من الناس يعنى بتوع مصلحتهم فقط و ممكن يمصمصو شفايفهم و يقولو لآ حرام عليكم بالراحة عليهم بس مصلحتهم هى الابدى و لو شوفتى الموقف الامريكى أزاى بدأ و أزاى هاجم و بعدين لمو الدور حا تفهمى الصورة صح
و أخر الاخبار المساجين الذين هربو و قامو بتسليم أنفسهم تم الافراج عن عدد 1150 سجين و صدور عفو عن باقى المدة لهم . دة معناة أنة بيقول أن الرئيس و الحكومة حتى الان لا تزال مسيطرة تماما على الوضع . الخبر أتذاع على التيليفزيون. و تم تأجيل الدراسة للجامعات و المدارس لمدة اسبوع أيضا
يا سمسم الجيش مش غبى زى عساكر الامن المركزى البقر الى بيضربو فى الناس زى الهمج . بس لو حدث حا يعطيك فرصة و تحذير علشان تمشى فى أمان و لو فضلت مصر ممكن بقى يتعامل معاك بعد كدة بمنتهى الحزم . و أن الدول الاجنبية تتدخل دة مستبعد لآن لو لا قدر الله دة حصل حا تبقى زى العراق كدة شبة محتل و لكن الدول الاجنبية يا باشا ليها مصالحا و أستثماراتها الى بالمليارات و علاقة مصر و موقعها الجغرافى دة متميز جدا جدا يعنى مصالح الدول الاجنبية مع أستقرار الاوضاع مش مع المظاهرات و لا الى ضد المظاهرات دول عاوزين مصلحتهم و بس
استكمالا وتأكيدا للموضوع
انا لسه حالا سامع على العربية...على لسان مراسلتها
في القاهرة..انها قابلت ابو الغيط وزير الخارجية..وحين سألته
عن توقعاته للوضع...قال انه يخشى ان تتدخل القوات المسلحة في النهاية
اذا لم يوافق الشارع على موضوع ال 6 شهور..بحجة ان الجيش سيكون مضطرا لذلك
لان القوات المسلحة اقسمت على حماية الدستور...
الطغمة الفاسدة دي مش ناوية على خير...مصالحهم وتحالفهم عندهم أهم ..والشعب يولع
انا اشهد لحسني مبارك انه مش سهل ابدا...انه استطاع يجمع حوله مجموعة قوية ووفية وقدر يضمن ولاءهم..
الجيش -المخابرات-الرئاسة الوزراء-الداخلية...
يا تره هانروح فين وسط دول بقوتهم وغباؤهم؟!!
انا مش فاهم...هو الدستور ده قرآن؟؟!!
حسبى الله ونعم الوكيل فى كل من ساهم فى سرقة وحرق هذا البلد
اللهم اجعلهم اية وعبرة لم يعتبر
يا باشا الجيش فى التعامل مع المدنيين اضعف بكتيير من الشرطة الا اذا استخدام الرصاص الحى ودا من رابع المستحيلات ولو خدوا امر بالضرب بالرصاص الحى هتكون دى نهايه النظام لان الجيش هيمتنع عن التنفيذ
وهو دا سيناريو تونس لما الجيش خد امر ضرب رصاص حى الجيش امتنع و خيرو بن على بين الرحيل او القتل
عايز افكرك بحاجة كمان الشرطة يوم جمعة الغضب رفضت امر حبيب العادلى بالضرب الحى و هو دا سبب هروب الشرطة يتضرب حى لاما الناس هتاكلك وفعلا قائد قوات الامن المركزى اسمه حاجة رمزى امتنع عن الضرب (دى شهادة الكاتب علاء الاسوانى)
دول الشرطة وامتنعو الجيش هيضرب؟؟؟ الاجابه هى مستحيييييييل
كل دا هو ارهاب فكرى ومعنوى واعتقد بعده هيطلع مبارك فى بيان لاعطاء المزيد من التنازلات ( يارب يكون التنحى)
هو أنا قولت لك أو ذكرت أنة سيضرب على المدنين بالرصاص الحى ؟ لو حابب تعرف السيناريو من وجهت نظر ليست بالطبع أن تكون مظبوطة مائى بالمائة ممكن أتخيلها معك .الاول حا يتم أعلان حظر تجول بالمعنى الحقيقى المفهوم و يتم أعطاء مهلة للمدنين للتفرق و العودة أمنين سالمين أما لو أصرو على التواجد ممكن جدا جدا تتم محاصرتهم و دة مفيش أسهل منة من غير ضرب و لا بهدلة و يقطع عنك كل الخدمات الحيوية أبسطها الكهرباء و لو الجيش عاوز يمشيك حا يمشيك لا تتخيل أن الجيش ضعيف و لو أستكمالا لما تقول أن الجيش أمتنع عن الضرب دة لو أساسا و دة مستحيل يضرب عليك نار و ذخيرة حية لان الذخيرة الحية تكون للعدو مش ليك بس لا يستطيع الجيش تكسير الاوامر العسكرية و ممكن جدا لو حدث تمرد من أحد قوات الجيش ممكن يتم أعدامة رميا بالرصاص فى وقتها لان القانون العسكرى يعتبرها خيانة عظمى و هناك جيش أخر أسمة الحرس الجمهورى ممكن جدا جدا يتعامل مع الافراد او بعض قطاعات القوات المسلحة لو حدث أنشقاق .
بص يا باشا أنا بصراحة قرأت لك مشاركات عديدة و عاوز أقولك حاجة علشان تعقلها بالمنطق كدة و من منطلق الفكير العقلانى . أنت فاكر لو تم أعلان أن البلد فى حالة عصيان مدنى و الجيش تدخل مش حا يقدر يسكت الارادة الشعبية . حا يسكتها و حا تتحكم عسكريا و الله يبعد عن الجميع السجن العسكرى . السجن العادى يعتبر ترفية بالنسبة ليوم واحد فى السجن العسكرى . و تقدر تقولى الارادة الشعبية حا تقاوم القوات المسلحة ازاى و باى أدوات و ما هو التسليح الذى ستواجة بة تلك الارادة القوة العسكرية . يا ريت نتحرى الدقة فى المعلومة قبل عمل تعبئة للرأى العام علشان ما نتحكمش عسكريا و الناس الى مش فاهمة تكون ضحية .
مبارك ميقدرش يعملها لانوا دلوقتى بيحاول يقفل مواضيع كتيرة و يجيب نظام موالى لية ( سليمان او غيرة ) و بالتالى مش هيقدر يغامر برفض عالمى و ملاحقة جنائية عالمية
مبارك مش الحزب الشيوعى فى الصين
و مصر مش الصين ( مع حبى الشديد لمصر طبعا )
الصين دولة عظمى تقدر تقف قدام العالم وقوة نووية و قدرة على اكتفاء ذاتى و تعتيم اعلامى
انما قدام اهتمام ومتابعة كل العالم وشاشات العالم يبقى قرار انتحارى
حتى احداث الصين ( الميدان السماوى ) كانت حركة محصورة فى شباب الجامعات و مش ممتدة فى الصين كلها
روسيا الشيوعية مقدرتش تعملها
كمان اللى هياخد القرار دة هيغامر باحتمال عدم استجابة الجيش و بالذات صغار الضباط
اذا كان العالم دلوقتى بيعارض النظام على استحياء فالقرار دة هيحطة فى مواجهة مباشرة مع العالم
القرار مش سهل و الا كان اتاخد من زمان ( يوم الجمعة )
انت متخيل ان العالم حا يقف مع مصالحة و استثماراتة الى فى البلد هنا علشان انت يبقى عندك حرية و ديمقراطية زى ما انت عاوز . لا مصلحتهم أهم من الشعب بتاعنا كلة دى نقطة . النقطة الثانية حضرتك بتتكلم عن صغار الظباط هو الاول حد ذكر أنهم حا يضربو فى المليان دى أول نقطة ثانيا حضرتك كدة توقعت و التوقع و التنجم دة شيىء صعب و ليس كل ما يتمناة المرء ينالة . هو الناس برضو مش أول ما الجيش نزل هتفو و قالو الشعب و الجيش أيد واحدة و فرحو و تخيلو أنهم نازلين لتأيدهم و لا أية و بعد كدة أيقنو بالدليل القاطع أنهم مش نازلين ألا لحفظ النظام و ذلك دون الانحياز لفريق ضد فريق يعنى معارضين أو مؤيدين مش مع أى حد فيهم لا دة نزل لتأمين المنشأت الحيوية بالدولة . يبقى منين أنت بتقول ((( كمان اللى هياخد القرار دة هيغامر باحتمال عدم استجابة الجيش و بالذات صغار الضباط )))) . الى عاوز أوصلة لو الجيش تحكم فيك حا تعرف أنت كنت فى حرية شكلها أية . لو حضرتك دخلت الجيش حتى كفترة خدمة ألزامية يبقى أكيد عارف معنى كلمة الانضباط العسكرى الى مش سهل أبدا حد يكسر الامر فية و لو أنت كمدنى أتحكمت عسكريا حا تتخنق
الجيش ميقدرش يحاصر حد
الجيش اساسا لا يستطيع حماية نفسة او معداتة بدون السلاح الحى
يوم الاربعاء اللى هو يوم موقعة الجمل اين كان الجيش؟؟ انا اقلك لانى كنت هناك كل العساكر والضباط هربو و استخبو و سابو دباباتهم و مدرعتهم و هربوا يعنى لو حد يعرف يسوق دبابه و يخدها بيتهم كان خدها :)
لكن يقدرو يمنعو الكهرباء فقط ودى مش هتعوق المتظاهرين خالص لانهم هيتكيفو على كده و هيقضوها نار زى العصر الحجرى :)
من الاخر فى ناس قتيله هناك دماغهم انشف من الحجر و فى هناك رجالة بجد و قلبهم مييت
انا هنقل حته من كلام نواره نجم عن الشيخ صفوت حجازى علشان تعرفو اد ايه فى هناك ناش شجاعة
(شهادة لوجه الله، وانتوا عارفين اني مش باحب صفوت حجازي، بس الشهادة لله الراجل ده في الاعتصام رامي نفسه على الجبهة في المقدمة وكان حيموت اكتر من مرة.. لا مش مجازا، كان حيموت حيموت فعلا، هو عايش لحد دلوقت عشان ربنا كاتب له عمر بس، انما الحقيقة هو في المواجهات وبيلقح نفسه على القنابل والرصاص بشجاعة رهيبة .. متفاني جدا وبهدل روحه خالص)
أنا طبعا مقدر كلام سيادتك و فاهمة بس للأسف الناس عاوزة كل حاجة مش مقنع أن التفاوض بيكون لة حد أدنى و حد أقصى و لو أتحكم عسكريا لن يكون مسموح لة ألا ب 3 كلمات ((( نعم و حاضر و أفندم )))) و تعليمات سيادتك أوامر و تنفيذ للأمر بحذافيرة مفيش ديمقراطية لآ ديكتاتورية مطلقة للقائد فقط
السيناريو الاسواء هو تدخل قوات الامم المتحدة واحتلال قناة السويس بدعوى الحفاظ على المصالح العالمية في قناة السويس والحفاظ على امدادات البترول
وهوب تلاقي اسرائل دخلت سيناء للحفاظ على مصالحها من امدادات الغاز
وامريكا حطالك حاملة طائرات مقابل سواحل الاسكندرية
ومرحبا بكم في العراق الجديد
يا باشا معلش أنت شوفت قوات من الجيش نازلة بالدبابات و أكيد مش حا يضرب قذائف هاون مثلا على المدنين بس عندك مشاة من غير سلاح و لا سلاح أبيض حتى ممكن يمشو الناس و الشخص المدنى غير مدرب على الاشتباك و الاشتباك الى بيعرفة بيكون بقافة حرب الشوارع مش منظم و لا يجيد الاشتباك هو الجيش كلة الشكل الى شوفتة فى التحرير دة لو كدة يبقى ممكن حد يحتل مصر من الخارج فى نص ساعة . عندك فرق كثيرة جدا جدا و فصائل ممكن تتعامل مع الناس و بدون سلاح و يكون سهل جدا دة بالنسبة للجيش . بلاش نتوقع السوء و ربنا يسترها
ياسيادة العقيد انا قولت مبيحميش نفسه الا بمعداتة و الجيش كده كده مش هيستخدمها ضد اخواته ولا انت عندك رأى تانى؟؟
يا سيادة العقيد الجيش الى نزل الاوامر الصادرة لة أن يكون رؤوف و رحيم و ذوق مع الشعب . بس للأسف الناس متخيلة أن الجيش كاجوال و حا يبقى طرى و ناعم و الناس بدأت تظن أن الجيش لقمة سائغة مش حا يعمل حاجة لو طلب منة فض الاعتصامات حتى بدون أطلاق طلقة واحدة
السلام عليكم
علي فكرة بالنسبة للتدخل الاجنبي في مصركالعراق
مصر مختلفة تماما عن العراق لوجود قناه السويس ولان قناه السويس مهمه لكل دول العالم
فدوله كالصين لن ترضي مطلقا بالتدخل الاجنبي في مصرلان ذلك من الممكن ان يضر بمصالحها الاقتصادية