لا يعني شيئا أن نعرف كيف نتحرر..فلمهم هو أن نعرف ما بإمكاننا أن نفعله بحريتنا
لا يعني شيئا أن نعرف كيف نتحرر..فلمهم هو أن نعرف ما بإمكاننا أن نفعله بحريتنا
بمناسبة كلامك أنا بأه مش عايش في مصر خالص والحمد لله غير متأثر تأثير مباشر بما يحدث بالعكس تقدر تقول نزول وتدهور سعر الجنيه في صالحي وكان الأولى أن أسخن الناس على أستمرار المظاهرات الى أن تصل لثورة بالمعنى الحرفي لكني شجعت الثورة في أولها (25-26-27-28) ولكني أرى أن كيرف المكاسب هاينزل مش هايطلع من أستملرارها
وأتفضل شوف بعض المكاسب
http://www.nilemotors.net/Nile/199787-a.html
http://www.nilemotors.net/Nile/200337-a.html
http://www.nilemotors.net/Nile/200125-a.html
ده غير بقه الخسائر ألي بتزيد يوم بعد يوم وبمئات الملايين على أقل تقدير وبمتوالية عددية يعني لو اليوم 500 مليون بعد 10 أيام ممكن توصل لمليار ولا 2 ولا أكتر ....أنهيار
اخي الكريم .... تعديل الدستور لن يكفل لك انتخابات نزيهه بدون استخدام للبلطجه ... على فكره في خبر في BBc دلوقتي نقلا عن شهود عيان ان البلطجيه يتم تجميعهم الان وسيتم نقلهم بعربيات الامن المركزي لتفريق المتظاهرين حول مجلسي الشعب والشورى ..
تغير الحكومه ممكن تتفرج علي في المشهد ده من مسرحية قديمه
YouTube - Maza Toreedoon (Day3at Teshreen)
للاسف يا كريم من اللى اتشاف على ارض الواقع اذا عملت فعلا اللى بتقول عليه يبقا انت عميل وضد الثوره وهاتتهم انك من انصار الرئيس والحكومه وانا شايفه صعب فعلا
وده مش احباط لكن اكيد فى حل تانى وفعلا لازم نتوصل اليه
ياجماعه عمرو اديب مؤيد بشده للثوره وامبارح اتطرد من هناك وهذا ما اخفاه واكيد انتوا تقدروا تستنتجوا هو اتطرد ليه من التحرير
أخ..فكرتوني بممجلس الشعب...اخدت قدامة شومة مش هنساها...هدورلكم علي حاجة بالمناسبة دي
ماهي المشكلة أن فيه ناس مش عايزة تحكم العقل وتستعين برأي الخبراء سواء دستوريا أو المشهود لهم بالنزاهة من الأقتصاديين والسياسيين دي نقطة
والتانية مصالح الأحزاب ألي هايجنوها من أستمرا المظاهرات
الثالثة فيه نوعية جديدة في الميدان من ألي شايفين ميدان التحرير أفضل من مستوي بيوتهم والعيشة فلة في الميدان
http://www2.0zz0.com/2011/02/09/15/107669138.jpg
ودي القنابل اللي كانوا بيرموها علينا ياخدهم ربنا
http://www2.0zz0.com/2011/02/09/15/692542601.jpg
http://www2.0zz0.com/2011/02/09/15/493133135.jpg
http://www2.0zz0.com/2011/02/09/15/111661158.jpg
معاك تماما وهو ده السبب فعلا وقريته وشوفته قبل ما اكتب لكن
هو ده الحل ؟؟؟؟؟؟
اكسر مبني المحافظة واروح اسرق عربية المحافظ واحرقها واحاول اطلع اقتل المحافظ كمان لولا الجيش
هو مبني المحافظة ده هيتصلح تاني منين ؟ العربية دي تمنها منين ؟
مش كله من فلوسنا
حرام والله العظيم حرام
حتي لو هما اغبيا ومردوش على لاطلب يا اخي دلوقت الباب مفتوح يروحوا يقدم بلاغات للنائب العام وكله دلوقت بيتحقق فيه لكن احرق واخرب بلدي
حضرتك كل شوية تخبط جملة تحرقني وتزود مخاوفي اكتر
يا خوفي ننزف دم كتير ويبقي الاحتمال التاني
نسيب الفعل و نمسك في رد الفعل ...... المحافظة ... حاولت تهدي الناس و تشغلهم و قالت شقق بالبطاقة .... ده في القاهرة
في بورسعيد برضه قالو اكتبوا شكاوي
في القاهرة مفيش شقق ...... في بورسعيد لقوا الشكاوي في الزبالة
عاوز الغلابه يردوا ازاي ........
لو حد فاكر محافظة القاهرة و الامن اتعاملوا ازاي مع مظاهرات المعاقين .....
لو قلتلي الناس دي مش فاهمه انهم كده بيضروا البلد ........ ماشي انا معاك
طب و النظام مش فاهم............... لو مش فاهم و سايب ده يحصل ..... يبقي نظام فاشل و الدمار كان هيجي بطريقة او باخري ..... انما لو فاهم و برضه متبت في الكرسي تبقي كارثه
لا والله البلد مش بتنزف واللى يقول كدة يبقى مش واخد بالة
البلد بتنضف أيوا البلد بتنضف من الزبالة اللى ملينها ... والشعب بجد يوم عن التانى بيفوق و يتحضر وأخلاقة بتعلى
الثورة دى يمكن أحسن حاجة حصلت لمصر فى تاريخها كلة
لا يا شهدي انا متاكد جدا من كلامي وبتكلم باقتناع شديد
العملية مش بلطجة وانتهاز فرص ةالفوضي وكل واحد يلحق يخطف اللى يخطفه وان كان بيت ابوك بيتهد الحق خد لك قالب
وانا بتكلم عن دلوقت
النهاردة
بعد 25 يناير
تقدر تشتكي اي حد في البلد للنائب العام وانت واثق ان شكوتك هايتخذ فيها الاجراءات القانونية السليمة
انما كل واحد مش عاجبه تصرف موظف يحرق ويكسر ويخرب
اسف مرفوض تماما مش ناس تخرب وبعد كدة كل ده هايتبني من جديد من اموال الدولة اللى هي المفروض بنعاملها دلوقت على انها اموالنا
يا اخي الثورة المفروض من اهم شعاراتها انها سلمية وان لا للتخريب
ولو مش مصدق ان فيه انتهازية فعلا وان فيه ناس بتستغل فرصة الثورة وضعف الحكومة الشديد ادخل على موقع الدستور وشوف متابعة اليوم الخامس عشر اللى هو النهاردة وشوف كم الاضرابات اللى معمولة ويا ريت كلها لتأييد الثورة فعلا كنت هابقي مبسوط جدا للاسف كلها بتتمحك في الثورة والحقيقة ان كلها لمطالب فئوية
طھط§ط¨ط¹ طھظپط§طµظٹظ„ ط§ظ„ظٹظˆظ… ط§ظ„ظ€16 ظ„ظ„ط؛ط¶ط¨ ط§ظ„ظ…طµط±ظٹ "ط®ط§ظ…ط³ ط£ظٹط§ظ… ط£ط³ط¨ظˆط¹ ط§ظ„طµظ…ظˆط¯..9ظپط¨ط±ط§ظٹ ±" ظ„ط.ط¸ط© ط¨ظ„ط.ط¸ط© | ط§ظ„ط¯ط³طھظˆط±
اهو ده الكلام يا استاذ كريم - ازاي نقضي علي السلبيات و نحولها لايجابيات
لانها مصلحة عامة في النهاية و الكل مستفيد باذن الله
ملاحظة هامة يا جماعة بلاش نروح في طرق فرعية و نترك موضوع الحوار الاساسي و نقعد نجادل بدون ما نوصل لنتيجة
النظام فاهم كل حاجة و ذكى جدا على فكرة....
أنا مستحيل أسلم رقبتى لجزار بيقولى يعالم أدبحها دلوقتى ولا لأ
وكل الأصلاحات اللى الناس بتقول عليها مكنتش حتحصل لولا الضغط على الحكومة يوميا فى الميدان
يعنى بالبلدى الناس تقول احنا اهو مش ناسيين
والحكومة بتحاول تتدى أصلاحات عشاان الناس تروح و تشم نفسها تانى عليهم
لكن الناس كلها عارفة كدا و عارفين حاجة مهمة اوى اوى
أن الملايين دول لو روحوا و ناموا الشهور اللى جاية دى صعب تجمع 25% منهم تانى
وخدعة ال 15% زيادة المرتب مدخلتش على الشعب والحمد لله ..لأ وسامع بودنى فى المظاهرات بيقولوا والله ولا 100% حتخلينا نمشى
الناس فاقت
ولو فى ناس بتعبر غلط ذى اللى حرقوا فى بورسعيد دول لا يمثلوا الباقى ... دول ناس مش لاقيين لما يلاقوا شكاويهم مرمية فى الزبالة معناة اية ؟؟؟؟؟؟؟؟؟؟ معناة انهم زبالة و بينيموهم .. مستنى ان لسة يروحوا يقدموا شكوى تانية باللى حصل
الكلام دة لو فى دولة راقية عادلة .... لكن فى مصر مستحيل هم فاضيين لمين دلوفتى
لو الناس روحت مش حتشوفوا حاجة و الضحك و الطبخ والمهلبية و كلة حيشتغل
.... سورى
أنا مش من الناس اللى تنام و تقول نشوف حيحصل اية
اللى بيقول كدة لو محصلش حاجة حيفضل طول عمرة كدة و حتتعاد الحدوتة تانى ويقول طب نستنى نشوف الاصلاحات الجديدة و هكذا
والله العظيم دة طبيعى دة عادى فى ناس كدة
كتب عليكم القتال وهو كره لكم وعسى أن تكرهوا شيئا وهو خير لكم وعسى أن تحبواشيئا وهو شر لكم والله يعلم وأنتم لا تعلمون
هى الدنيا كدة فى ناس بتصنع التاريخ و ناس بتشارك فية وناس بتتفرج وذى ما يرسى تدوقلها.
والله ماأقصد أى اهانة لحد وكلكم والله اخواتى... بس هم البشر كدة...
ولسة الكلام مش حيقف وحتلاقى واحد يقول الاصلاحات تانى ومتجيش كدة وتيجى كدة و واحد تانى يرد لا متجيش غير بكدة وهكذا
وحتستمر الحياة الى يوم القيامة على هذا المنوال
عمر سليمان دة رجل ذو شخصية فولاذية مش بيهزر و لا لة فى الدلع و يعنى كل حرف مما يقولة
أناشدك ب الله لو حدث تحرك ناحية العروبة خليك فى التحرير و لا تذهب دة حا يبقى انتحار مالكش دية نهائيا
دكتور محد لو حدث تحرك ناحية القصر تأكد مليار فى المائة من حدوث مالا يحمد عقباة أبدا . كل واحد ساعتها عقلة فى راسة حا يعرف خلاصة
ياباشا الناس فاكرة الموضوع علو صوت وألي عايز يركب الموجة بس ساعة الجد هاتبقى أحكام عسكرية وسلمولي على المطالب والحريات.....وبالمناسبة الراجل لو عايز يعمل كده كان عمله من أول يوم بس مش دي أهدافه بس لما يتحط في حارة سد بالبلدي كده يبقى مافيش خيار الناس فاكرة حقيقي أنهم ضربوا القوى الأمنية والجيش في مقتل يبقوا واهمين
دي مصر مش تونس ياجماعة
ربنا يستر بجد
ربنا يصلح حال البلد
بس بجد بالاشكال اللي موجوده على الساحه خصوصا الدايه والبلوه الجديده اللي اسمها عمر سليمان لا تبشر بالخير ابداااااااا
وشه بينطق بالكدب والخبث والخداع ربنا يتوب علينا من الاشكال دي
يارب ارحمناااااااااااااااااااا اااااااا
الخبر دة منقول .............
رد المحتجون المطالبون بتنحية الرئيس المصري حسني مبارك واسقاط نظامه بغضب على تعليقات نائب الرئيس عمر سليمان، الذي حذر من احتمال وقوع انقلاب اذا رفضت الجماعات المحتجة الحوار مع الحكومة.
وقال الناطق باسم ائتلاف حركة الشباب ان عمر سليمان استخدم لغة تهديد تمهيدا لفرض الاحكام العرفية في البلاد.
روابط ذات صلة
اقرأ أيضا
- عمر سليمان: الحوار هو الحل الوحيد والبديل فوضى مؤسساتية
- بايدن: مطالب المعارضة المصرية يمكن تلبيتها عن طريق مفاوضات ذات معنى
- مصر: المتظاهرون يحاصرون مجلس الشعب ومقر رئاسة الحكومة
موضوعات ذات صلة
- <LI class=primary-topic __eventIdglow713901351="null">مصر،
- قضايا الشرق الأوسط
وكان سليمان قد حذر من أن الحكومة لن تقبل باستمرار الاحتجاجات في ميدان التحرير لفترة طويلة، وطالب، في تصريح حاد اللهجة ينم عن نفاد صبر الحكومة، بإنهاء الأزمة "في أسرع وقت ممكن".
في هذه الاثناء تستمر وحدات من مدرعات الجيش المصري في تطويق محيط مجلسي الشعب والشوري لحمايتهما.
ومنح العاملون بهما إجازة مفتوحة في ظل إعتصام الآلآف بالقرب من مجلس الوزراء ومجلسي الشعب والشوري وبعض الوزارات المتواجدة في نفس الموقع.
وكان آلاف المتظاهرين قد قرروا الاعتصام حول مباني البرلمان المصري بديوانيه في اطار احتجاجاتهم الهادفة الى اسقاط نظام حكم الرئيس المصري حسني مبارك.
وقال محمد عبد الله، احد المتظاهرين وعمره 25 عاما، انهم جاؤوا لمنع اعضاء البرلمان من الحزب الوطني الديموقراطي الحاكم "ونحن مقيمون هنا حتى تتحقق مطالبنا او نموت".
في هذه الاثناء وافقت لجنة تعديل الدستور، التي شكلت الثلاثاء بعضوية 11 قانونيا، على تعديل ست مواد من الدستور المصري حسبما أعلن التلفزيون المصري.
جهود دولية
وعلى صعيد الجهود الدولية لاحتواء الأزمة، استقبل مبارك الأربعاء المبعوث الروسي للشرق الأوسط الكسندر سلطانوف من دون صدور تصريحات عقب اللقاء
كالعادة يا بشمهندس متفقة مع حضرتك جدا و ان شاء الله هاكون هناك مع مجموعة من زملائي في الشغل و كمان بعض افراد العائلة و هانحاول نعمل حاجة ايجابية و مفيدة
مع اني اعتقد ان يوم الجمعة مش هايكون فيه هذه المظاهر الكرنفالية مثل الايام السابقة و لكن ان وجدت هانحاول نتكلم بالحسنى و نتناقش مع الناس
بس مش هاتحرك لأي مكان غير الميدان ان شاء الله لأني شايفة ان التحرك للقصر الجمهوري مالوش داعي اصلا و كفاية اوي السيطرة على ميدان التحرير والمظاهرات اللي هاتكون في باقي محافظات مصر
رجاء خاص من المشاركين في الموضوع اللي عنده اقتراح ايجابي يمكن تنفيذه في مظاهرة الجمعة القادمة - طبعا المشاركين في المظاهرة - يتفضل يقوله و نكون شاكرين ليه جدا
تهديد على الفاضى .... الحاجب دلوقتى هو الشعب و العين هى الحكومة
الشعب رجلة اعلى من عمر سليمان ... ولو عمل اى حاجة ضد الشعب يبقى حط بأيدة اول طوبة فى حجر الأساس لقبر النظام كلة.
هم بس لما غلبوا مش لاقيين حاجة يعملوها
بلطجية رصاص حى ومطاطى وقنابل غاز و جابوا خيل وجابوا و جمال وجابوا أعلام مسيس وعملو بيانات عاطفية للعب على عواطف الشعب وفشلوا نشر الفتنة بين الناس وفشلوا نشر الرعب عن طريق تهريب المساجين و فشلوا مش لاقيين حاجة معلش... أعذروهم
الكلام داه للاسف صح و الدولار علي و البنك المركزي ابتدي يضخ فلوس من 134 مليار دولار الحيلايتنا عشان الجنيه ميقعشي وطبعا لم الفلوس دي تخلص الدولار حيرتفع الضعف و مش حيبقي معانا عملة صعبة لشرا قمح و غيره و الدنيا حتخرب و مش حنلاقي ناكول كل داه عشان ناس مش عايزة تصبر 6 شهور و ناس بتفسح عيالها و بتتصور في مبارك اكوا بارك في التحرير (مولد مبارك)
:36_1_31:
ربنا يستر والله
شهدي حبيبي ياما في الجراب يا حاوي والله اعلم الحاوي فيه ايه تاني في جرابه
لغاية دلوقتي اللعب كله كان مع الشرطة ودول انت عارف تفكيرهم عامل ازاي خصوصا العساكر
الجيش وضع مختلف
الجيش ولائه الاول والاخير لرئيس الجمهورية ولاحظ حاجات بسيطة زي ان الدبابات تركوا مكتوب عليها يسقط مبارك كام يوم وبعد كدة اتغطت ببوية
قائد المنطقة المركزية راح اتكلم مع المتظاهرين اول ما قالوا يرحل ويسققط مبارك تركهم ومشي
وزير الدفاع نفس الشئ
طب ولية مبارك ميحطش جزء من ثروتة (ثروة البلد) ال 70مليار دولار ليدعم بلدة اللى بيحبها مش الرئيس قال انا وطنى ومبهربش و bla bla bla ولا مينفعش ياخد غير من فلوسنا ولا مليارات الدولارات بتاعة العصابة (الحكومة السابقة) الجميلة !!!
كل واحد يمشى بدماغة و هو حر فى رأية . الدنيا بقت هيصة و زمبليطة و الهدف الحقيقى ليوم 25 ممكن يروح بالشكل دة و نصيحتى للناس لو سمعت كلمة أعلان تمرد أو عصيان مدنى روح بيتك و لو عاوز تكمل كمل براحتك و بمزاجك .
دكتور محمد
متقلقش ... من مصادر موثوق منها جدا وخاصة جدا جدا ... الجيش مش حيضرب طلقة فى صدر مواطن مصرى ولو اية حصل
وياريت مانسمعش كلمت أنا جالي عاهة علشان الحرية والوطن والشعارات الرنانة المغلوطة لأن ببساطة نسبة كبيرة لايستهان بها لاتريدكم أكمال المظاهرات وبتحملكم مسؤلية خسارة البلد وأنا أولهم
لا يا شهدي الا في حالة واحدة بس لو المصدر ده هو وزير الدفاع نفسه
وبالتالي يبقي الكل هيضرب ولو الكل ضرب هاتبقي مذبحة
وحتي لو فيه البعض رفض البعض هيوافق وهيضرب
وانت متعرفش البعض بتاعة الجيش دي ممكن توقع كام
والجزء اللى رفض في الحالة دي يا اما ينسحب يبقي عندك تمرد
يا اما يضرب الجزء اللى ضرب يبقي الجيش بيدمر نفسه
سيناريوهات زي الزفت كلها اسوا من بعضها
اللى عايز يدعم الثورة
يدعى بحفظ مصر ويبطل مشاركة فى المظاهرات
انا شايف انه من المستحيل معرفة ما يملكه الرئيس و ان الارقام دي تكهنات يعني ممكن دي تكون ثروة اي حد من عياله لكن هو لا لسببين
اولا: صعب جداا تعرف اي معلومة عن حتي ميزانية مؤسسة الرئاسة فمبالك بالرئيس نفسه
ثانيا: ان لو بيحوش اكيد كان حيلم اكتر من كده بكتير
وفي جميع الاحوال اذا مدفعشي حاجة و خلع حنعمل احنا ايه؟؟
حنشفوف عقد عمل ولا هجرة يطلع بيه الشعب المصري كله و نأجر البلد مفروش؟؟؟؟؟؟؟؟؟؟:36_1_31:
@otefa
ارفع عليا قاضية يابشمهندس حملنى فيها خسارة البلد ... قال يعنى كانت اوروبا !! وجهة نظرك وصلت
وكل المنتدى عارف انت عايز اية... كفاااية ياخى انت مبتذهقش كل شوية تطلع تهيج المنتدى على ثوار التحرير
ارائك معروفة واتجهاتك خلاص وصلت .... كفااية