:36_2_33: حقيقي شر البليه مايضحك
خليك في حالك ياشهدي
ده أنت حتى ماجاوبتش على أي حوار بمنطق أوتحليل لما يمكن أن يحدث في حال نجاح الثورة
فالله يخليك بلاش أسلوب الثوار ده........أنا شايف أنك أنت ألي مابتزهقش
المصدر .. رتبتة أركان حرب وحتى لو عرفوا يفركشوهم ومش عارف اذاى ... حيكون فى عصيان مدنى
انا ضد الذهاب لقصر الرياسة يكفى الاعتصام فى ميدان التحرير .. الى ان يتحقق اى طلب من طلبات الناس
دى ثروة أسرة الرئيس ... والارقام منشورة على كل مواقع النت و معظم البرامج التلفزيونية الاجنبية نشرتها
طب ياريييييييييييييييييييييت يدخلواااا
لا والله انا برد برأيى مش برأى ال copy w paste
وحلو أسلوب الثوار دة ... دى حاجة تشرفنى على فكرة بدل ما أقعد ابص بأمتعاض للى بيحصل للبلد واقول وحشين اللى عايزين يعيشوا ويشموا نفسهم.
وأى تحليل عايزة لو الثورة نجحت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟ لأ تفشل
احسن ونرجع ذى ماكنا لو دة يرضيك.
ممممممممممممممممممممم
بدأت اشم رائحة المدينة الفاضلة
اعذروني لتصريحي...انا فعلا بتشائم ملريحة دي..عموما انا بكرة هلم شنطتي واقعد ف القصر العيني يومين تحسبا...
على فكرة (((( أركان حرب ))) دى زى فرقة لها دراسة بعد أجتيازها لو رائد ممكن يبقى أركان حرب .
يا جماعا لازم نحترم بعض في الحوار و نعرف ان كلنا عايز مصر احسن بس من وجهة نظره كل واحد فينا يعني في راي الي خرج في 25 و 28 يناير هم الثوار الحقيقين ثم بعد ذلك انقسمو جزء ارضاه خطاب الرئيس و منتظره بس يخرج عن الوعود عشان ينزلو تاني و جزء شاف انه لازم يمشي حالا و مرضاش بالمبارك قال عليه في خطابه في الحالتين دول ثوار و دول ثوار لان الثوار هم من اجبرو النظام ان يخضع لهم و طبعاا دول الي نزلو في 25 و 28 و ضاحو بحياتهم و استحملو المخاطرة و الي بسببهم الناس الي في التحرير قادرة انها تعتصم و تشم ريحة الحرية يبقي ميصحش ان احنا نقولهم انتم مش ثوار عشان مش موافقين علي الاعتصام لان دول الاصل و بدونهم ولا كان في اعتصام ولا غيره
المنتدى هنا منقسم بين مؤيد للتظاهر لأن احنا مخدناش حاجة من المطالب اللى اتطلبت لحد دلوقتى واكيد حضرتك عارف
والجزء الأخر بيقول كفاية كدة ونسيبهم الحكومة يعنى يشتغلوا ونشوف حيعملوا أية ... لكن الجزء الأخير بدأ يزود أراء جديدة وهى ان المتظاهرون هم اللى حيخربوا البلد و بسببهم حيعم البلاء والفقر وتضيع مصرنا منا بسبب طمع المتظاهرين وطفاستهم فى المطالب و الضغط على الحكومة اللى حيفجرها.
_____________________________________
المشكلة انى واحد من اللى بيؤيدوا التظاهر لأن لا أثق نهائى لا فى الحكومة ولا الرئيس ولا حتى نائب الرئيس !
عيب ياشهدي أسلوب السخرية في كلامك لو ماكنش علشان أداب الحوار يبقى علشان فرق السن
وفعلا ماشوفتلكش ولا تحليل لأسباب تمسكك بأستكمال المظاهرات
عايز تكمل المظاهرات والسلام يحصل بعدها أيه مافيش أي تصور عندك
الجيش لو ضرب فى الشعب قوات حفظ السلام حاتتدخل و ده يبقى اول و اكبر مسمار فى نعش مصر
و اعتقد ان اغبى واحد فى الجيش عارف كده
و دلوقتى العيون كلها على مصر و يبقى ديتها جلسة عاجلة فى الامم المتحدة و بعديها ب 48 ساعة حايبقى عندك ما لا يقل عن 10000 فرد من جميع جنسيات العالم على ارضك زى ماحصل فى العراق مثلا
طيب يا احمد مدمت بتبص كويس
بص لقدام
وشوف التاريخ وهتلاقى نظرتك اتغيرت
موضوع تحليلك انا شايف انه زى المظاهرات
قامت بدون تخطيط
ملهاش تنسيق بين المشاركين فيها
مفيش تفكير لبكرة
هيا جت وعجبتنا وشكرا
طيب
نجيب الساحرة اللى بتطلع فى مجلة ميكى تسحر البلد وتغيرها فى ثوانى :36_2_33:
اخبار لجنة تعديل الدستور ايه
دى مش مطلب برده
الحمد لله ان اخدت وقف علشان عملت مشاركه عن المظاهرات خلاص مش هقول رائى هنا تانى ممكن الادرة تشطبنى انا بقيت بخاف اتشطب من المنتدى مش هتكلم عن الحريا ت هنا
لا متقلقش
مش هيلحقوا يبجوا لو اطبق قانون الاحكام العسكرية
يعتبر من العدو من يقوم بالعصيان المدنى او اعمال الفتنة
A.Saad
اللى حس بالظلم من النظام مهما كان أية ... حيؤيد سقوطة حتى أخر نفس
لو فى ضمان وحيد على أن النظام حينفذ .. حكون أول واحد يقول كفاية كدة
لكن تاريخهم النتن لا يشجع على كدة.
Otefa
أسباب تمسكى بالمظاهرات ان قولتة كتيير اوى بس ملخصة ان مفيش مطالب من اللى اتطلبت اتنفذت ..
الرئيس
الطوارئ
المجلس
المحاكمة
حتلاقى كل حاجة اتقال حنعمل و بنعمل وادونا فرصة و و و لما يبقى فى نتيجة ملموسة يبقى كدة كفاية مظاهرات
لكن كلام سيبهم .. أدينا 15 يوم و لسة لجنة تقصى المصايب بدور ولسة الطعون بتتنظر ولسة الدستور ................
مفيش ثقة ودة مش ذنب المتظاهرين لأ دة ذنب التاريخ
أة حاجة أخيرة
لولا ان فى ناس لسة واقفة مكنش شوفنا حاجة ... والناس دول اللى فى التحرير ورقة ضغط ناجحة جدا لتحريك الحكومة والنظام للأصلاح
لو الناس دول مشيوا ... مفيش أصلاحات حتحصل
دى حاجة أنا وغيرى الاف مؤمنيين بيها ...
المتظاهرين مش هما اللى حايخربوا البلد
اللى حايخربها هم بقايا العصابة بتاعت الحكومة السابقة اللى ليهم مصالح مباشرة فى استمرار النظام و ده عن طريق الحوادث الغريبة اللى بتحصل للمتظاهرين و القتل بالقنص
اللى حايخرب البلد هو مماطلة و عند الحكومة الجديدة فى تطبيق اى مطلب من مطالب الثورة
على الاقل الالغاء الفورى لقانون الطوارئ لانه اصبح بلا معنى و بلا يد لتنفيذه حاليا لان الكلمة العليا بعد كلمة الله فى البلد هى كلمة الجيش ....الشرطة خلاص انتهت .
يعنى بالبلدى كده
الحكومة السابقة هى اللى فتحت السجون و خرجت البلطجية و القتلة لاشاعة الرعب و الخراب و التدمير و بالتالى البنوك و البورصة وقفوا و السياح خافوا و هربوا و فرض حظر التجوال بسبب بلطجية الحكومة
تصاعد حدة الحوار بيقول اننا مابقيناش في نايل موتورز
اللي عنده وجهة نظر
يقدر يدافع عنها يقول
لكن اسلوب حاد
هو اسلوب حوار غير راقي بين اعضاء هذا المنتدى
ياشهدي الطلب الأساسي للثورة حاليا تنحي الرئيس
هل تطبيق ذلك في صالح البلد ولا الأصلح الأنتظار لنهاية حكمه؟
ده ألي الناس مختلفة عليه دلوقتي وده ألي بأطلب منك توضيحه وتحليله لتوضيح أسباب تمسكك بأستكمال الثورة بمعناها اللفظي والتاريخي!
هو مين اللى هيعمل انقلاب عسكرى
وعمر سليمان بيهدد الشعب بانقلاب عسكرى فى صالح مين
معلش فعلا مش فاهمة
للأسف بيتهيئلى فى ناس كتير متعرفش يعنى ايه حكم عسكرى
بالرغم من عدم دخولى الجيش الا انى اعرف الكتير عنه وعن اسلوب الطاعه والأوامر فيه وانو مفيهوش هذار ولا قدره على مخالفه الأوامر زى الشرطه
توضيح بس انا قلبا وقالبا مع الثوره ومايطلب فيها
لكن الشئ اللى بيذيد عن حده ينقلب ضده
دايما بيبقى فى سقف عالى من المطالب واللى يتوقع ياخده كلها يبقى سورى مع احترامى للجميع غبى وبيودى نفسه للمجهول
لأن دايما فى تحت السقف العالى للمطالب ده حد ادنى يجب التراجع عنده وألا يتم خساره ماتم تحقيقه البعض هيقولى هو فين اللى اتحقق هقوله اصبر شويه وهتشوف محصلش صدقنى مدام اتعملت مره يبقى هتتعمل التانيه وبحجم اكبر الناس عرفت الطريق خلاص
لكن هنركب دماغنا ونقول اللى عايزينه هو اللى يتحقق وبس يبقى هنخسر كل حاجه
وبدعى من كل قلبى ان مايلجأوش للحكم العسكرى يبقى ساعتها كأنك يأبو زيد ماغذيت
صحيح افراد الجيش عمرهم ما هيضربو فى اهلهم لكن بردو مش هيقدرو يكسرو الأموامر ولو حصل يبقى هودا اللى بنتكلم فيه الأنقلاب والحكم العسكرى
وساعتها سلمولى على الحريه والديمقراطيه وندخل فى 30 سنه كمان من القرف اللى احنا شايفينه
لازم الحبل يرخى شويه عشان لما نيجى نشده تانى نلاقيه نشد فيه
لكن لو فضلنا شادينه على طول هيتقطع ومش هتعرف تربطه تانى
اعلن انى مؤيد كامل للثوره التى حدثت ولست من الحزب الوطنى
ومن قراء مشاركات لى قبل الثوره سيعرف موقفى ولكن المزايده اكثر من ذلك ستؤدى فعلا لفوضى يجب الحفاظ على ماتوصلنا له ونعلم جيدا انهم من الصعب الخداع لنا فيما وعدو فهم رأو وشهادو ماذا يحدث عندما الشعب يثور ولكن اذا ظل موقفنا هكذا سنخسر كل الوعود التى ارى انها تتحقق خطوى بخطوه وياريت الباب يفضل موارب عشان نعرف نفتحه تانى لكن لو اتقفل بجد مش هتعرفو تفتحوه دا رأى وليكم مطلق الحريه فى تقبله او رفضه
وياريت منخليش حماسنا واندفاعنا كاشباب يودينا لطريق مسدود
هو انا كل ما اجي اقول حاجة الاقيك سبقتني
ابو صلاح وهايتفصل قريب
سيبني بقة اوجب مع شهدي
العراق علشا نيقدروا يخرجوها من الكويت فضلوا اكتر من 3 شهور يجمعوا قوات وكانت محتلة لدولة اخري فهناك مبرر وعلى فكرة هي المرة الوحيدة اللى مجلس الامن استخدم الفصل السابع من الميثاق
بالنسبة لو حصل السيناريو شديد التشاؤم ده هايبقي شؤن داخلية ليس من حق الامم المتحدة التدخل فيها زي ما حصل في باكستان وغيرها من الدول من احكام عسكرية وقمع لحركات تمرد دون ان تتدخل الامم المتحدة
وايه الضمان اللى ممكن يتقدم وفعلا يطمن الناس
حاولت افكر كتير وسالت ناس كتير محدش قال لي ايه الضمان
تقدري تقولي ؟؟؟؟؟؟؟؟؟
وبعدين كل المطالب لا يمكن تتنفذ في يوم وليلة فيه خطوات تتم فيها
يعني تفضل فيها وهي بتثور واول ما تحتل تخلع على برة
اصيل يا ابو كمال
اه صحيح ابقي شوف لي فيزا معاك
بس عمري ما اسقط جنسيتي
معاك انهم ورقة ضغط لكن لحدود معينة وورقة ضغط خد بالك مش ورقة حرق
عندك حق
نهدا شوية يا جماعة
اتدخلوا فين بس يا غمراوي بيه وبعد ايه
السودان في حرب اهلية من 20 سنة واسرائيل بتلعب فيها من الخفاء واتدخلت الامم المتحدة من 6 سنوات فقط ولليوم القتال ما زال موجود وانتظر مزيد من التقسيمات لشمال السودان
الوضع هنا اقرب لما حدث في باكستان ظابط جيش ويستولي على الحكم ومحدش يفتح بقه بكلمة
او زي الصين الجيش ينزل الميدان السماوي والدبابات تفرم 7 الاف مواطن ومفيش دولة تفتح بقها
الخ الخ الخ الخ
الدول الغربية بتشوف مصلحتها مع مين ويبقي هو الصح
يعنى عمر سليمان بيهددنا بانقلاب عسكرى على مبارك
كما فعل الجيش سابقا فى ثورة 23 يوليو
مش الناس دى اللى بتفتخر الثورة وتحتفل بها وتهلل لها وتعيب علينا عدم الرضا بهذا الحاكم
يبقا احنا ايه اللى هيزعلنا لما الجيش يحكم ويعمل انقلاب
اولى بيهم هم اللى يخافوا من انقلاب الجيش عليهم مش احنا
وبالتالى ميفكروش ياخدوا اى خطوة تدفع الجيش لده
اعتقد ان هناك فرق بين ان تكون ورقة ضغط علي مبارك لينفذ مطالبنا و انك تعتصم عشان يرحل داه معناه ان مش فارقا معاك المطالب او تنفيذها بدليل انك بتطالب الي المفروض يحققها انه يمشي اما موضوع ان الاصلاحات البتحصل بسبب المعتصمين و ان لولاهم لكان النظام معملشي حاجة فانا شايف انه راي غلط لان اي اصلاح او تغير في الاشخاص و السياسة وللرموزالنظام كانت بسبب شباب 25 و 28 يناير مش العملين مولد في التحرير
الجيش صعب يضرب نار على المتظاهرين لاسباب تاريخيه
من اول ان الجيش تقريبا الحاجه الوحيده اللى الناس بتثق فيها
لو الجيش استعمل القوه هتكون حرب شوارع
ومن المعروف ان فى حرب الشوارع القوات النظاميه تخسر
بس الضحايا هتبقى كتير -- كتير يعنى كتير
وده مع اول واحد يفقد اعصابه
فيه حاجه كمان الظباط اللى على الدبابات والمدرعات قالوا صراحه والدمزع فى عيونهم حتى لو فيه اوامر بضرب النار صعب جدا اضرب اخويا
مش عارف اللى هيحصل
بس كلام عمر سليمان عن انقلاب يرجح ان هيبقى فيه عصى موسى
الموضوع ده كان علشان طرح افكار لتوعيه بعض الناس الموجوده فى ميدان التحرير
فين الكلام ده دلوقتى ؟.
فعلا وده ألي بنحاول نوضحه للناس من أسبوع تقريبا وفي الأخر يقولوا ضد الثورة أحنا عايزنها أنتفاضة أو ثورة مطالب
مش لازم نوصل لتونس والبهدلة ألي فيها
وبعدين أيه ألي مصور للناس أن الدولة مخالبها كسرت دي ثورة كانت سلمية يعني القوات الأمنية بصحتها زي ماهي أيه يعني كام عربية أتكسرت ولا كام قسم أتحرق
ده المفروض يطمنا أكتر لوعود عمر سليمان وأحمد شفيق .....لأنهم كفوا أزى الشرطة عنن المتظاهرين تفتكروا أنه ماعندوش القدرة يستخدمهم كورقة لأرهاب المتظاهرين ياجماعة بلاش نحطهم في طريق مسدود
الناس بدأت تعمل أصلاحات كتيرة في البلد وبعدين ماعهمش مصباح علاء الدين علشان يصلحوا ما أفسده الدهر في 30 سنة في شهر
الجيش عمره ما هيعمل اباده للشعب لكن هيحكم البلد ويأمن امنها القومى الداخلى والخارجى
وفى الحاله دى حنخسر كل المكاسب اللى انا من وجه نظرى المتواضعه شايف انها هتتحقق
هنخسرها هتقولولى فين الضمان هقولكم صحوه الشعب اللى فاق خلاص وفهم وعرف السكه فين
صدقونى اللى بيدوق طعم الحريه مابيفرطش فيها لو الحكومه الحاليه والوعود اللى وعد بيها متحققتش
بجد الناس مش هتسكت وهتبقى اكبر من المره دى واللى بيقولو لأ مش هيطلع 25 %من اللى طلعو لأ بقولك هيطلع 1000% من اللى طلعو والضامن هو الله فى كل شئ
ونهايتا احب اقول ان اللى ربنا عايزه هو اللى هيكون بس ياريت نبقى ازكيه ونعرف نستخدم الكارت الربحان معانا ونقعد لهم بالمرصاد لما نلاقيهم تخاذلو عن الوعود نقف نفس الوقفه تانى والشرطه خدت الدرس واتعلمته كويس خلاص مش هينفعو يقفو ضددنا تانى ومش هينفع يستخدمو اسلوب الترويع والأرهاب اللى استخدموه المره دى وقدرو يشتتو البعض لحمايه نفسه وممتلكاته لأنها هتبقى لعبه قديمه
واهم شافو المره دى ايه اللى حصلهم نزلو مكسورين الجناح وللأسف مش عارفين يقومو بشغلهم زى الأول لأنى بدأت اشوف همجيه بعض الشعب فى التصرفات بسبب غياب دور الشرطه فى الشارع
يا استاذ لحد اول امبارح عمر سليمان بيقول الشعب المصرى غير موهل للديمقراطية
و النهاردة فى انتقادات لموقف عمر سليمان بان تصريحاتة غير مفيدة
وانقل ليك و صف جريدة امريكية
وصفت صحيفة "نيويورك تايمز" الأمريكية وعود عمر سليمان نائب الرئيس مبارك للمعارضة بـ"الوعود الفارغة"، مشيرة إلى أن سليمان يتحدث مع الأمريكان والغرب بلغة لطيفة ومهذبة، في الوقت الذي يحاول فيه المحافظة على النظام القمعي للرئيس مبارك
مش عارف لية الثقة لبعض الناس فى النظام رغم افعالة
وتصريحاتة الواضحة