الله يفتح عليك
بقى إلي معطل البلد و الإقتصاد هو المتظاهرين ؟؟؟؟؟!!!!!!!!!!
حضرتك متأكد انك عايش معانا هنا في مصر ؟؟؟؟؟؟؟
لعلم حضرتك كل المصالح الحكومية و الشركات كانت شغالة عادي لغاية يوم 28 يناير ....... هروب و خيانة الشرطة و إنعدام الأمن و الأمان هو إلي وقف حال البلد
الفوضي إلي نتجت عن تخلي الشرطة عن واجبها نحو شعبها و بلدها ........ الشرطة إلي لما هربت من الأقسام و سابت سلاحها وراها في تواطؤ واضح و صريح مع البلطجية و المجرمين لتوفير سلاح يرهبو بيه الناس
الشرطة إلي من 50 سنة وقفت في وش الإحتلال بمنتهى البطولة ........ إنهردة لطخو التاريخ المشرف دة بالعار
حضرتك عرفت بقى مين الي اتسبب في وقف حال البلد و تعطيل إلإقتصاد
و بعدين ...... إقتصاد إيه إلي احنا بنتكلم عليه ...... حضرتك حاسس بكم الفساد الرهيب في البلد ....... حضرتك حاسس بكم النهب و السرقة في البلد ....... حضرتك عارف البلد دي بتخسر أد إيه كل يوم من تصدير الغاز لإسرائيل بأقل الأسعار ...... حضرتك سمعت عن جزيرة امون ...... حضرتك سمعت عن جامعة المستقبل ...... حضرتك سمعت عن مافيا الأراضي ..... حضرتك سمعت عن الإحتكار .... حضرتك سمعت القمح الفاسد ....... و حاجات تانية كتير .....
والله لو منعنا السرقة و الفساد إلي في البلد و صادرنا أموال 3 أو 4 من الحيتان الكبار ........ حنعوض كل خساير الإقتصاد بسهولة جداً
أنهي شرعية بتكلم عنها ...... يعني إيه شرعية الأول ..... مش الشرعية دي بتجي من الشعب إلي بيختار الرئيس في إنتخابات حرة نزيهة ....... شرعية مجلس الشعب مش بتجي بنفس الطريقه إلي هي إنتخابات حرة نزيهة...... الدستور نفسه ( إلي فيه ناس بتعامله كأنو قرأن و هو ملعوب فيه للصبح ) بيستمد شرعيته منن مش برضه من إستفتاء شعبي عليه
قولي بقى كان امتى فيه اتخابات حرة نزيهة ؟؟؟؟؟ و بعد كدة نتكلم على الشرعية
نقطة مهمة جداً
بجد والله ...... دة على أساس إن احنا ناس جاهلة مش بتعرف english ..... أو الغرب دول ماعندهمش تلفونات ولا برقيات ولا وسائل إتصال سرية ...... عشان كدة لما نعوذ نوجه ليهم رسالة نطلع نقول الكلام دة في القنوات الإخبارية
كلام عمر سليمان دة ليه تفسير من اتنين ...... ياما دي قناعته إلشخصية و دة يأكد كلام كل مؤيدي المظاهرات ...... إن كل الإصلاحات دي بتم تحت ضغط الشارع مش عن رغبة حقيقية في الإصلاح و عند أول فرصة حترجع ريمة لعادتها القديمة و تقمع الناس بمنتهى العنف
ياما عمر سليمان دة ساذج و فاكر إنو كدة بيواجه رسالة للغرب ذي ما إنت قلت ...... و معتقدش أبداً إنو رجل ساذج
شكراً لإحترام و أخلاق حضرتك في الحديث عن ناس بتموت عشان البلد دي تبقى أحسن
المفضلات