حد يقولنا يعنى ايه الاحكام العرفية اللى ممكن تتعلن دى
هل دى حاجة زى الطورائ ولا معناها ايه بالظبط
عرض للطباعة
حد يقولنا يعنى ايه الاحكام العرفية اللى ممكن تتعلن دى
هل دى حاجة زى الطورائ ولا معناها ايه بالظبط
انا كمان منتظر الاجابة
ببساطة على حد علمي
تقيض الحريات
حل الأحزاب السياسية
محاكم عسكرية وقانون عسكري
الكلمة العليا لرجال القوات المسلحة
يعني عكس كلمة حريات
علي حد علمي انه لما يبقي في حالة حظر تجول واخرها مثلا الساعه 5 مساء يبقي الساعه 5 و5 دقائق لو الجيش شافك في الشارع هيعتقلك ولو حاولت تقاوم هتتقتل برصاص حي
دلوقت على المتخصصين الشرح
يعني ايه حكم عسكري
يعني ايه اسقاط الدستور
يعني ايه احكام عرفية
عشان اللي مش فاهم يفهم ماله وماعليه في تداعيات الاحداث الاخيرة
ياريت بشمهندس جمال والعقيد خالد يشاركونا برأيهم
كلام يخوف وده يستمر اد ايه بالصلاة على النبى
الحكم العسكري أو الحكم العرفي، هي الأنظمة التي تحكم الدولة إذا ما استلم العسكريون الحكم وأوقفوا العمل بالقوانين المدنية أو أخضعوها لسيطرتهم. وهو نظام إستثنائي تلجأ إليه الدول في حالة الأزمات الطارئة وإختلال الأمن وتقرر فيه حالة الطوارئ ومنع التجول حتى يزول الخطر عن البلاد وتمنح فيه السلطة التنفيذية سلطات واسعة حتى يعود الأمن والاستقرار للبلد وغالباً ما يقرر حاكم الدولة هذه الأحكام العرفية
وافهم الباقى بقى
حظر تجول بجد بعد انتهائة اعتقال او قتل بدون دية
حظر التجمعات
حل الحزاب مؤقتا
وقف تنفيذ المحاكم المدنية و تبقى عسكرية فقط و سريعة
و
و
و
بس متقلقش ثورة مصر سلمية حاليا مظنش هتحتاج تلجأ لحاجة زى كدة الا لو حسنى هيعمل صفقة مثلا هتنحى و اسيب الحكم مقابل تمسكوها انتوا
لحد ما الجيش يرى ان البلد اصبحت مستقرة و مهيئة للإنتقال المدنى !
عيبك انك فاهم يا طارق
المشكلة بقة ان لو الحكم اصبح عسكري فعلا خلاص مالهوش علاقة بالثورة
هايقول مش انتم عملتوا الثورة وكل ما نتكلم تقولوا يرحل الاول طيب اهو رحل بس مفيش التاني
احنا الحكومة ويطبق كل اللى انت قلت عليه لحين استقرار الامور والخروج من حالة الفوضي وهو ما ظهر بشكل رهيب اخر يومين من اعتصامات واضرابات في كل مكان ومفيش اي نظام وكل واحد بيعمل اللى عايزه وبعد ما الامور تهدا ابقي ارجع لكم الحكم المدني
ربنا يستر